استفسار تحديد دولة الابتعاث

هذه الدول التي أرغب في السفر لها فقط وليس هناك أي إعلان رسمي من الوزارة

طيب يالغالي .. على اي اساس اخترت هذي الدول ...!؟

بما انك تبي تقدم على برنامج خادم الحرمين ... مو بكيفك تختار الدولة .. ويمكن كل الدول الي اقترحتوها ما تكون متاحه ..

وبالتوفيق

الله يجزاك ألف خير على الدعوة ويوفقك آمين
الأخ الوسام : يطلبون اختيار ثلاث دول وانت تضعها بالترتيب ، والله ربنا كاتب فيه نصيب ، يصيب .

بالتوفيق جميعااااااااااا

أخي الوسام أشكر لك ردك بس كيف مهو بكيفي أجل يعني أفهم من كلامك لو أبغى أروح أمريكا مثلا يودوني الاردن
زي مقال أخي عباس أنت تختار ثلاث دول من الدول المتاحة وحسب الترتيب تنتظر الدولة اللي تجيك بس مستحيل تجيك دولة أنت ماتختارها

أختي الكريمة شكر لردك بس ماعطيتيني مشورتك

انا هذا مقصدي يالحبيب : هم يحددون 5 او 6 دول وانت تختار 3 رغبات منها .

بس انا مقصدي ان الدول الي انتوا حددتوها ومحتارين بينها .. ممكن ما تكون ضمن الدول الي راح تكون متاحه في المرحلة السادسة .

مثل المرحلة الخامسه كانت : هولندا - المانيا - بولندا - المجر - التشيك - كوريا الجنوبيه - ايرلندا

وبالتوفيق

انا من المرحلة الخامسه وماكانت هذي بس !!

بس انا ماجستير .. يمكن هذي دول البكالوريس مثلا ؟؟ ماعرف!!




كانت اختياراتي امريكا - كندا - ايرلندا
وطلعت امريكا الحمدالله
استراليا وبريطانيا مغلقات بالخامسه
وبريطانيا برضوا مغلقه بالسادسه بس استراليا مادري

اخوي اشور عليك ب امريكا ولاتفكر بغيرها صراحه
يعني بسألك انت ناوي تتغرب وتصرف مصاريف و و وبالاخير ترجع بشهادة من ماليزيا ؟؟
تتوقع شهادة ماليزيا تتقارن بشهادة من امريكا ولا كندا ولا دول اوروبا ؟؟
يعني لو رجعتوا وقدمتوا على وظايف ان شالله بعد التخرج تتوقع بياخذون شهادة من امريكا ولا ماليزيا ؟؟
مادري احس مافيه مقارنه برأيي ابدن ..

ولو سألتني امريكا ليه اقولك :
١- تعليم راقي وقوي وتتعلم اللغه من اهلها وبلد لغته الرسميه الانجليزيه ..
وعندك آلاف الجامعات تختار منهم ..

٢- شعب لطيف واللي تسمعه عن الارهاب و الخرابيط اللي بالتلفزيون ومن الشعب بالسعوديه مو موجود ومافيه الطف من الامريكان واحسن من اخلاقهم .. مسلمين بدون اسلام سبحان الله

٣- بلاد فيها كل انواع التقدم والتكنولوجيا

٤- بلد فيه الفصول الاربعه وجمال الطبيعه والراحه النفسيه والترفيه كله .. يعني حتى لو مدينتك كانت صغيره ولافيها ترفيه لو بتسافر داخل امريكا تحتار وين تروح ..


وانا متزوجة وعندي طفل وماشفت انها ماتصلح لعوائل ولا ماتصلح لعزاب ولا اي شي .. تصلح لكل احد وكل الاجناس والديانات وفعلا بلد الحرية ..


ان شالله اكون وصلت لك صوره كامله عنها ..

كندا برضوا حلوه ومثل امريكا لكن مشكلتها قبولات جامعاتهم جداااا صعب وراعين تشررررط وكثير حولوا منها على امريكا وهذا مو سامعته بس هذا اللي حصل ل ٢ من صديقاتي ..

بالتوفيق .. والله يكتب لكم الخير والصالح باي مكان ..

السلام عليكم
انا درست في بريطانيا بس الان طموحي باذن الله امريكا
حتى لو اتوفرت بريطانيا ماانصحك تختارها
اتوكل عالله واختار امريكا ومارح تندم ده خارج الموضوع بس حتى اخويا قررر شراء بيت في امريكا علما انه ليس مبتعث ولا ينوي الدراسه فقط بسسب الراحه النفسيه وسهوله العيش هناك .
اما ماليزيا احذفها من خيارتك نهائيا صحيح دوله مسلمه ووووووو كلام كتير من مميزاتها بس والله ماليزيا سياحه افضلك فيها اسال اي واحد درس فيها وشوف اش راح يقولك وممكن تدخل قسم الدول الاسيويه وتقرا عن بعض الاعضاء في ماليزيا عموما لدي قريب له تجربه ليست محفزة في ماليزيا .
كندا سبب صعوبه القبولات فيها بسسب قله الجامعات والجامعات مدعومه من الحكومه .امريكا تتوفر فيها جميع الاشياء غير انها ارض الفرص ولك حريه الاختيار وموفق.
اما نيوزيلندا عندي قسم من اهلي مقيمين هناك زاعتقد مااحتاج اكتب عنها . راي الخاص ارشحلك امريكا نيوزيلندا واستراليا وانت لك حريه الترتيب

الاخت الامورة و h2n
ألف شكر على هذا الرد الواضح وبصراحة وضحتولي أشياء كثيرة
الله يكتب لكم الاجر