LinkBack URL
About LinkBacks
نصائح ثمينة اخي الكريم ... مرافق توفي ...
وافادة حلوة للمرشحين لتدقيق الاوراق
بارك الله فيك
7 " وافادة حلوة للمرشحين لتدقيق الاوراق
بارك الله فيك
الحمد لله انتهيت من التدقيق اليوم .. بس في شي مهم للاخوات المبتعثات
الحمد لله انتهيت من التدقيق اليوم .. بس في شي مهم للاخوات المبتعثات
تنبيه: هذا الموضوع قديم. تم طرحه قبل 5000 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- ماعليش اخوي بس يمكن فهمتك غلط..7 "
الحين كلامك تقصد الاسم اللي بين القوسين يكون اسم الطالبة ؟؟
والتوقيع في اخر الصفحة مع الاسم بيكون لولي الامر ؟؟
ومشكوووووووووور على التنبيه - مشكور ع التنبيه7 "
بس ابي اسأل الحين بين القوسين اكتب فيها اسمي
وبعدين مكتوب كصفتي الشرعيه شنو اكتب
وتحت اكتب اسم المرافق اللي معاي والا ولي امري الا هو ابوي وتوقيعه او توقيعي - مشكور خيو مرافق توفي7 "
أنا مثلك ف البدايه رزيت أسم زوجي
وجلست كم يوم أراجع ف أوراقي وماأنتبهت
الا بعديييييين شافها زوجي
الله يوفق الجميع ونشوف أسمائنا بالمقبولين ياااااارب - مثل ماقال7 "
انا ولي امر الطالبه ( ) فهم طالبين اسم الطالبه انا ولي امر الطالبه فلانه الفلاني
وبالاخير يكتب اسمه - الحممممممممممممممممدلله مرافق توفي خارج من الشر ههههآآآي7 "
الله يوفقك شكرا على المعلومه القيمه..
بس بغيت اسئل ليطمئن قلبي
في السطر الول اللي فيه وبصفتي الشرعيه .......... ؟
انا اخوي اللي راح يرافق معي اكتب وبصفتي الشرعيه أخ ..؟ وإلابصفتي الشرعيه ولي أمرها..؟
الله ييسر أمورك وأمور توفي يارب - سلام عليكم7 "
هل شرط كتابة الاسم بالحاسب ام تكفي بخط اليد ؟ - ياهلا بالجميع ...7 "
راح اجاوب عليكم دفعة واحده ... وان شاء الله اكون شملت كل الاسئلة ..
طبعاً الاسم في الفراغ الاول يكون اسم الطالبة وليس المرافق ..
مثال ان اسم الطالبه ... مها عبدالله والمرافق عبدالله احمد ..
يكتب : انا ولي امر الطالبة ( مها عبدالله ) اتعهد .... وبصفتي الشرعية أب
النقطة الثانية .. هذا النموذج يعبيه ولي الامر فقط .. يعني مو شرط يكون ولي امر مرافق
يعني لو كان المرافق اخ ... لا يحق له تعبئة النموذج ... انما الاب هو من يقوم بتعبئة النموذج او الزوج اذا كانت متزوجه
او العائل بوكالة شريعية اذا كان والدها متوفي وغير متزوجه .. فقط هؤلاء هم من يحق لهم تعبئة النموذج ..
اذن اتفقنا الاسم في الفراغ الاول .. يُكتب اسم الطالبة .. وفي الاسفل مع التوقيع ولي الامر ( زوج او اب )
الصفة الشرعية ( اباً لها ... أو زوجاً لها ) الاخ ما يكتب ابداً في هذه الورقة حتى لو كان مرافق... اللي يكتب فقط ولي الامر
لا نخلط بين المرافق وولي الامر ... مو شرط ولي الامر يكون مرافق .. ومو شرط يكون المرافق ولي امر
يعني لواللي بيرافقها ابوها أو زوجها .. يكتب اسم الطالبة فوق اول فراغ .. وبعدها يكتب صفته الشرعية
ولو اللي بيرافقها اخوها عمها خالها اي محرم ... تروح لابوها او زوجها يعبي الورقة مالهم خص في هذي الحاله المرافقين فيها
يارب اكون وصلت المعلومة ... انا تعمدت اعيد المعلومة لاني حسيت من الردود فيه خلط بين المرافق وولي الامر
انتبهو ..
فيه سؤال أخير ... يقول هل نكتب الاسم عادي بخط اليد ..
انا كتبتها بخط يدي يوم توهقت ... وعادي مافي مشكله ...
اتمنى اكون وفقت في الاجابة على كل الاسئلة ...
اتمنى لكم افطارا شهياً - استفسار للي راح للتدقيق7 "
انا موعدي يوم الاثنين الجاي
ومشكلتي في نموذج الالتحاق بالجامعه
فيه فقره ترجمتها طلعت عنوان المراسله ولا عرفت شو المقصود منها؟؟؟؟؟؟؟؟؟؟؟
ارجو ارد بلييييييييييييييييييييييييييييييييييز
August 20th, 2010, 04:33 AM
السلام عليكم ...اليوم ولله الحمد انهيت التدقيق لاوراق زوجتي ..
والحقيقة كنت اراجع الاوراق اسبوع كامل .. وكل يوم اشيك ..
ومعي ورقة الطلبات .. مسوي فيها منظم .. واسوي شيك لست
وكل يوم افرد الورق قدامي واخلي توفي تقرا الطلبات علي واللي موجود
تحط عليه صح .. وكل يوم على هالحاله ..
رحت اليوم حسب الموعد المحدد 3.15 عصرا لفندق ميرديان الخبر
وداخل وكلي ثقي .. مرتب عمري ترتيب واوراقي مضبوطه ميه ميه ..
استقبلوني خير استقبال .. جاني الموظف الاول وجلس معاي وكان لطيف معاي
ويسولف معي وعبيت البيانات المطلوبة ويرتب اوراقي .. وبكل ثقه اسأله هاه كيف الترتيب
قالي : ماشاء الله عليك مرتب وكلو تمام ..
قلت طيب الحين كذا خلصنا .. قال : لا اصبر انا دوري بس ارتب الاوراق خذ رقم
وانتظر دقايق ويجي دورك .. وفعلا انتظر دقايق .. لما جا دوري قعت بكل ثقه وراسي فوق
المهم قعد يقلب الاوراق وجت يده على ورقة ... وقااااااااااااالي كل الناس يغلطون فيها هالورقة
قلت بكل انكسااار .. لا تقول !!
وشو وش فيه ...؟
وهذا اللي حبيت انبه عليه جميع الاخوات انهم يبلغون محارمهم او من سيقدم اوراقهم ..
وهو نموذج موافقة ولي الامر ...
في بداية النموذج مكتوب انا ولي أمر الطالبة (...........................) اتعهد ... الخ
هنا في الفراغ حق الاسم .. كتب اسمي انا
قلت طيب وش اسوي .. قال لي مالك الا تاخذ اوراقك وتشوف اقرب مقهي وتطبعها
ياربيييييييييييييه والله البلشــة ... رحت للرسيبشين حق الفندق قلت لهم ابي نت ضروري
وفعلا رحت لركن رجال الاعمال وليقيت كمبيوتر وطابعه ونت .. بغيت ابوسهم من الفرحه
باقي نص ساعه ويقفلون ... وبالفعل خلصت اموري وسلمت اوراقي .. وانهيت مهمتي بنجاح ..
كل هالسالفة وهالقلق .... بس ابي اقولك انتبهو لا تكتب اسم المرافق في خانة اسم الطالبة
تحت فقط يكتب اسم المرافق .. والتوقيع
النصيحه الثانية ... خذوا معكم نسخ فاضية من النموذجين لو صار خطأ في اي معلومه
تعبونها عندهم .. وسجلت ملاحظتي الوحيده السلبية عليهم .. انهم ما عندهم نسخ منها طالما الكثير يخطئ فيها
حتى المدقق اخذ نسختي وراح صورها عشرين نسخه ... بس كلو بحقه .. مشاني على السريع
حبيت اسولف عليكم شوي واوسع صدوركم ... ترا الامور كلها بسيطه جداً وهم منظمون متعاونون ودودون
عندهم فترتين .. ولو فيه نقص بامكانكم تجيبونها في الفترة الثانية .. يعني هدوا نفسكم ..
تمنياتي للجميع بالتوفيق ............ معليش طولت عليكم
تحياتي