الوالد متوفى -لا يصدر قرار الابتعاث الا بصك الاعاله !!!!

اختي الله يرضى عليك اذا انتي بالرياض خلي اخوك المرافق يروح بنفسه لمقر وزارة الابتعاث
ويكلم المسؤول هناك ويتفاهم معاه وهو ان شاءالله راح يتفهم الوضع ويكتب لكم الخطاب
واذا مو بالرياض خليه يسافر لهم شوفي لك اي طريقه لاتجلسي كذا ويروح عليك الوقت
انا اخوي طلع صك اعاله مع انه غير موظف
وطلبوا منه 2شاهدين و 2 مزكيين وجابهم معاه وتيسرت اموره الحمدلله مع ان الشغله فيها صعوبه بس تيسرت ولله الحمد
خليه يجرب يروح المحكمه ويقول للقاضي انا مو موظف وابي استخرج صك اعاله
وراح يطلب منه يجيب 2 شاهدين و2 مزكيين وفيه صله للجوازت بالموضوع بس ماني ذاكره وش هي انتي خليه يجرب جميع الطــــــرق ويمكن تمشي اوضاعه
وربي يوفقك ويسهل عليك ويفتحها بوجهك يااااااااااااااارب

ارجعي روحي الجوازات واطلبي منهم الخطابــ على اساس انك تبغي تسافري خارج المملكه .
لان وكيلك الشرعي لازم يوقع ورقه انك تسافري خارج المملكه
في العاده الوالد يكتبها ولا يجوز للاخوان انهم يكتبوها الا في حالة وفاة الوالد .اذا كانت الفتاة راح تسافر مع شخص غير ابيها.
فاعتقد هما راح يطلبو صك الاعاله تبع وكالة اخوكي عشان يكتبلك الاذن انك تسافري خارج المملكه

وع العموم هذي الورقه مطلوبه في المستقبل عند السفر فحاولي تسخترجيها من دحين .

وهذي معلومات من الموقع "

1. لا يجوز سفر المحارم إلا بعد حصولهم على تصريح سفر من قبل إحدى إدارات الجوازات يتضمن موافقة ولي الأمر

اجراءات الحصول على تصريح السفر

1. حضور ولي الأمر أو من لديه ولاية شرعية مع احضاراصل بطاقة الاحوال او اصل صك الولاية .
2. إحضار أصل جواز سفر المستفيد من التصريح مع اصل بطاقة العائلة .
3. تعبئة التصريح الخاصة بذلك مشتملة على كافة المعلومات وفق الحقول المخصصة .
   

وان شاء الله تتيسر

اخوي المرافق له اسبوع بالرياض يستنى تكتمل الاوراق و يقدمها .. امس راح يبغى يتفاهم معاهم و لقاهم طالعين (انتهى الدوام)

كمان اخوي اخذ 4 شهود و راح المحكمه لكن طلبوه خطاب من اي جهه حكوميه موجه للمحكمه تطلب منها انها تصدر صك الاعاله له .. شكله اخوك جاب الخطاب المطلوب من الجوازات ... تقدري تسألي اخوك ايش الاجراءات اللي عملها في الجوازات عشان يحصل على الخطاب

شكرا على تعاونك ربي ييسر لك امورك و يفتح لك ابواب رحمته و فضله

اللي اعرفه ان تصريح السفر = الورقه الصفراء اللي تسمح للبنت تسافر من دون محرم
لو آخذ خطاب للمحكمه بانه ساحصل على تصريح السفر احتمال كبير يرفضوا اعطاء الاخ صك الاعاله

رجعت لموقع الجوازات و مكتوب فيه :
إجراءات تجديد الجواز السفر السعودي

1. أن تكون المدة المتبقية في جواز السفر السابق لا تزيد عن ستة أشهر .
2. حضور صاحب الطلب شخصياً أو ولي الأمر للنساء والقصر ولا يقبل التفويض عند تقديم الطلب .

افكر اقدم طلب اني ابغى اجدد الجواز و لما احصل على الصك ما اكمل اجراءات التجديد

او اروح لهم مع الوالده و نطلب انا نصدر لها جواز و راح تحتاج صك اعاله و يكتبوا لها خطاب ..و اقلهم اني مسافره للخارج و جوازي بقي له سنه و نص و حينتهي فابغى يضيفوني معها في الخطاب اني احتاج ولي امر يجدد لي الجواز لما ينتهي و انا برا

ربي ييسر و يكتب اللي فيه الخير
AROON جزاك الله خيرا على اهتمامك و يسر لك امورك جميعها يا طيبه

الله يسلمك وسهل اموركــ,,

أنا بقيت اقلك على طلب جواز جديد ومن جد بعدها ما تكملي الاجراءات ,,
بس لقيت ان قصت تصريح السفر وهي الورقه الصفره لازم تكون مع صك الاعاله عشان تطلعيها
ما تقدري تطلعيها من المحكمه وانتي عندك اخوان لانهم هم الان محارمك ولازم الي عنده صك الاعاله هو الي يطلعلك الورقة الصفرة

ع العموم انتي اسألي عن الاثنين وربي معاكي ,,

بس كثري استغفار وصلوات على النبي عليه افضل الصلاة والتسليم عشان تتيسر أموركــ بسرعه ,,

انا على سفري اتعقدت الامور لدرجه اني كنت راح اقدم على فيزة من جديد بس سبحان الله مع الدعاء والتسبيح في خلال كم يوم كل شي اتيسر والي كان يقول لا صار يقول ايوه ,,
يعني ما سويت شي جديد ,, الا انهم رجعوا وافقوا بعد ما كان من المستحيلات ,,
والله يعين الجميع ,,
تحياتي وتوصلي بالسلامه ,,

انا نفسك اختي
وش صار عليك
انا لسى ببدا بالاجراءات هذي ,, ماعندي صك اعاله ولا وكاله شرعية
واخوي اللي يعيلني غير اللي بيسافر معي
ومعاي الجواز
انتي باي مدينة ؟
لازم نروح كتابة العدل اشياء زحمه ليه التعقيد !!

الله يفرج امرنا وامرك وتتسهل امورنا

عزيزتي اذا اخوك الكبير موجود عااااادي جدا يروح لاي عمده و يوكل اخوك اللي بيروح معاك حسب الصيغه اللي طلبتها الوزارة و يصدق الورقة من الشرطه

الحمد لله انا تيسرت اموري من غير صك اعاله اللي جلس لنا القاضي فيه و قال ما اطلع لك صك اعاله و اختك بتروح برا عند الاختلاط و غيره

ايوه موجود , وقت التدقيق كتبو بالورقة انه ناقص صك الاعاله
يبين انه ولي امري ماكنت جايبته

والحين مشى الوضع ولاسالو عنه يعني مااحتاج اطلعه تتوقعين ؟
وكاله وبس؟

حبيبتي انا اخوي الكبير كان مو فيه فلجأت لاخوي اللي عنده الوكالات على ارث الوالد بس ما رضي العمده يوقع الا للاخ الكبير
فكنت مضطره الى صك الاعاله و بعدين لما جاء اخوي الكبير ببساطه راح للعمده و سوى الوكاله في يوم واحد
اصلا في القانون السعودي الاخ الكبير هو ولي الامر من بعد الاب حسب كلام محامي

انا كنت فاهمه الموضوع خطأ و لذلك كتبت هذا العنوان المخيف للموضوع و انا آسفه كثيرا لاي وحده اقلقها موضوعي
ممكن قرار الابتعاث يصدر بدون صك الاعاله