وضعي كامل من رسالة قبولي في البترول إلى خبر طردي منها ثم قراري في الابتعاث :(

السلام عليكم ورحمة الله وبركاته

مساء \ صباح الخير جميعا :o

أنا طالب في جامعة الملك فهد وقدر الله علي وطلعت منها بسبب اللغة الانجليزية :no3: لكن نقول ان شاء الله انها خيره :yes2:

اليوم رحت وسحبت ملفي والحمد لله ما تأكدت من انها بتكون نقية من الشرط الثامن في شروط طلب التحاق بالبعثة ( يمنع الطالب من الالتحاق بالبعثة في حالة فصله من جامعة سعودية أو سبق له ان فصل من البعثة ) :o واشك بعد في اني نقي تماما من هالشرط :lac:

انا الآن ابي ابتعث على حسابي ومحتار بين :

امريكا - بريطانيا

بكلمكم شوي عن نفسي لأنكم اخبر مني في الجامعات ومن هالشغلات :confused:


بديت من خبر قبولي في جامعة البترول وانا فرحان وطاير حماس وتبدأ الدراسة في البداية واجهت صعوبة في الانجليزي والماث والوقت اللي كان من 10 إلى 5 :( بديت متحمس واذاكر بعدين ريحت في نص الترم وتراكمت دروس وضعت في الماث والانجليزي
بعدين جاء الفصل الثاني وشديت حيلي وجبت في الماث a لكن الانجليزي باقي درجه عالنجاح حاولت مع الديبارتمنت يمشوها لي ما رضو جيت ادور المدرس ما حصلته :mad: قلت ان شاء الله خير

تنبيه : نظام جامعة البترول أول سنه تكون تحضيرية يعني لو تجيب c في كل المواد وواحد a+ كلكم تنتقلون للدراسة الفعلية أو ما يسمى بالجبل بنفس المعدل يعني ( السنة التحضيرية ما تدخل في المعدل ) :)


رحت اليوم وسحبت ملفي وناوي ادرس برى :) واتمنى تقبلوني أخ لكم :o

--------------


أحب التقنية والاختراعات لما تخرجت من الثانوي ما كنت دافوور كنت جدا عادي ما أذاكر الا ايام الاختبارات لكن يمكن لأني درست هالسنة في الجامعه تأقلمت شوي صرت أقدر أدرس من ساعتين إلى أربع ساعات يوميا ما عدا الويكند طبعا :p

فكنت ابغى تخصص يهتم بالابتكارات وشيء زي كذا عرفت ان التخصص المطلوب هو الهندسة الكهربائية بعدين قالو لا التخصص اللي يهتم بصنع الابتكارات هو هندسة الكمبيوتر :confused: هذي النقطة الأولى

النقطة الثانية الجامعة :confused: ما أدري اي الجامعات في امريكا أو بريطانيا تهتم بمجال تطوير الابتكارات وممتازه في تخصص الكهرب أو الكمبيوتر


الشيء الثالث انا ابغى جامعة تكون قوية لكن ما تكون صعبة مره يعني انا برضو ابغى اجيب معدل كويس

والمدينة تكون ااسعارها معقوله بس مو على حساب الجامعه يعني اذا ما فيه جامعه كويسه الا بالمناطق الغاليه خلاص الشكوى لله مو مشكله

يعني الحين تكمنا عن المدينه والجامعه والمجهود اللي اقدر ابذله من ناحية هل هو كافي للجامعه المختاره من قبلكم :o

آخر شيء اتمنى تفيدوني من ناحية التسجيل لأن الآن أظن بتكون زحمه على السفارة

اللي أعرفة ان بدايتي تكون من هنا

الصفحات - طلب دراسة على الحساب الخاص

لكن ما حصلت امريكا !!!

بعدين اقدم عالجامعه واخذ طلب قبول لكن ما اعرف كيف :confused:

اذا جاء القبول اروح للسفارة واقدم مناك واذا طلعت الفيزا اقدر اروح هناك وكأني قريت ان التذاكر على حساب الدولة << ما تفوتني هالنوعية من الشرط ههههههه


اتمنى لكم التوفيق في حياتكم وان شاء الله كلكم تتخرجون بأعلى الدرجات

المصدر: http://www.mbt3th.us/vb/forum60/thre...#ixzz1PNbiSHhv
حفاظاً على حقوق الكاتب نرجو عدم حذف المصدر مبتعث

اول شئ الحمد لله على كل حال
و انا اخوك هذه هي الروح لا تتحطم و لا شئ
انت عندك طاقات لم تكتشفها بعد
و الفشل هي بداية النجاح و الخيرة فيما اختاره الله

المهم الجامعات اللي برا كثيرة جدا جدا جدا خصوصا في امريكا
و يوجد الكثير الكثير منها لدراسة تخصص هندسة الكهرباء و الحاسب
انا في الحقيقة لا اعرف الكثير بس من الجامعات اللي اعرفها في بريطانيا
جامعه نابير موقعهم :
Edinburgh Napier University
يوجد بها هندسة كهرباء و الكومبيوتر بس ما ادري انا وش ترتيبها على
الجامعات اللي في بريطانيا
اما امريكا ما عندي علم و الاعضاء ان شاء الله ما يقصرون
بالتوفيق ........

حيا الله أهـل البترول < بترولي سـابقاً
لآتشيل هم البترول وخلاص إنساها . أنآ متأكد لغتك الأنقليزيه تطورت جداً جداً خلال هالسنه وراح تختصر عليك مشوار كبير في أمريكا. وغير كذا لاتنسى أنها عودتك على الغربه والإعتماد على النفس و .. و.. و..

المهم أنا كنت طالب معكم بالبترول بس ماطلعت إلا وأنا على وشك أخلص السافمور ولاني ندمان عليها .
وبحكم أن مالي خبره بالدول اللي فيها إبتعاث سألت الأصدقاء والأقارب اللي طلعوا برى وأغلبهم إذا ماكانوا كلهم قآلوا لي أمريكا.
الولايات موضوعها طويل عريض
ومن خلال بحثي وقرائتي بالنت أنا أفضل مجموعة ولايات وكل إنسان وهل رأيه وظروفه وذوقه.
ولاياتي المفضله < ( أريزونا + كولورادو + تكساس + أوريقن + واشنطن < بس بارده + كاليفورنيا < غاليه شوي + أوهايو + أوريقن )

بالنسبه للتقديم . إختار جامعتين أو ثلاث وقدم عليهم .
قبول الجامعه يآخذ تقريبا من 3 أسابيع إلى شهرين لين توصلك أوراق القبول وفي بعض الحالات أكثر.
إحجز موعد لمقابلة السفـاره قبل توصلك أوراق القبول بثلاثه أسابيع. < عشان أول ماتوصل أوراق القبول تروح تسوي المقابله وماتتأخر.
الوقت من يوم تبدأ التقديم لين توصلك الفيزا وتطلع عالأقـل 3 شهور وغالبا من 4 شهور وفوق.
نصيحتي لك ولاتفوت هالنصيحه .. إذا تبي تبدأ دراستك في january 2012 إبدأ البحث والتقديم على الجامعات من الآن ولا تتأخر لا تتأخر . أنا بديت من خمسه شهور تقريبا وكنت مهتم بالتقديمات وتوني إستلمت الفيزا قبل يومين ورحلتي إن شاء الله بعد عشره أيام.

بالتوفيـق يا أوريـا ههههههههه < مزحه ترى لاتزعل . يوم من الأيام كنت أوريا :D
وإذا إحتجت مساعده أرسلي على الخاص وإن شاء الله ما أقصـر معك

تحيــــــــــآتي