اجباري بقبول التوقف عن اداء مهمة ادارية بسبب الابتعاث

​وين المشكله اذا تركتي هذه المهمه؟


هم الخسرانين

دامك على وشك الابتعاث ... فأريح لك ترك هالمهمه الاداريه والتركيز على موضوع ابتعاثك والاستعداد له ..

دام قالت لك اتركي فاتركي لانه من باب تجربة أقلك العميدة والعميد كل شئ يعني لا تقولي نظام يوقفهم ولا لجنة تناقشهم ولاشي ....يعني لو هي قالت كلمة اعرفي أن الكلمة هذي هي الي بتمشي .... خذيها من الآخر وريحي رأسك وإكسبيها قد ماتقدري لا تدخلي نفسك في متاهات ...وحتى لو وصلتي الموضوع للعميد .... ماراح تستفيدي لانه بيقول هي الي شايفة المصلحة ....وعموما المعيدة تعتبر عندهم مجرد طالبة بكالوريوس مؤهلة للتدريس فلا تحاولي تناقشي ولاشي ..
ونصيحتي لك دام انك تجهزين بأوراق ابتعاثك ....حاولي انك تتفرغين للقراءة في التخصص الي راح تتخصصين في بإذن الله ولاتشغلي نفسك بأمور الإدارة ولاشي ،... كثرت كلام بس موضوعك (جا على الجرح) لانه أنا مثلك جديدة وصارت لي مشكلة اول ماتوظفت مشابهة لموضوعك تقريبا كنت فيها حخسر وظيفتي بس الحمدلله تعلمت واستفدت منها.... والآن أتمنى أني أتفرغ بس علشان ابحث بتركيز عن قبول جامعات.....ماني قادرة بسبب الشغل والأعمال في الجامعة فلا تشغلي بالك كثير سوي الي قالوا لك عليه بهدوء وكأن شيئا لم يكن والعوض من رب العالمين .... الله يعين يارب ....وبالتوفيق

الي مستغربة منه .. ليش مافي اسباب واضحه وصريحه رغم موافقتي على ترك المهمه ..

صيغة الخطاب جدا جارحه.. تم ايقافك عن العمل بالمهمه الفلانية بسسب ابتعاثك العام القادم !!!!!

خصوصا الترم حينتهي .. فليش الاصرار والصراخ !! وانا مو مقصره !!

هذا غير انها ضحكت على ودبرت لي شكوى من طالباتي .. وباخير عرفت انها تكذب.

كثير موتمرات كنت بحضرها واكتشف انها تركن خطاباتي على جنب ...

قالت لي ان البدلات الي تصرف لي انها حرام فيني واني ماستحقها.. رغم اني بالغه النصاب ..

يعي تعاملها أبدا مو سوي ..وقلبي منقبض منها .. فشلن اوقع على ايقاف بدون ذكر اسباب ومحاولة منها واضحه بإثبات تقصيري

الله يكفيك شرها وأوصيكي بالدعاء بس والله من خلال تجربتي والي سمعته من غيري انه العميدة لمن تقول أمر انتهى الموضوع تراه هو الي ماشي وهو الي راح ينفذ.... كل الي اقدر أقولك هو حاولي تستفسري عن الأسباب وتناقشي معاها بهدووووووء ....وربي يريح بالك

ماتبي تنتاقش معاي .. بأي شي مبين ناوية علي نيه ..

هذا غير انها كانت تحاول تستفزني وتقولي مشيتي مو مشية اعضاء هيئة تدريس هزة راسي مو هزة راس اعضاء هيئة تدريس .. تنورتي ضيقه وانا اسبب فتنه

ولما لبست تنورة واسعه قالت لي تنورتك واسعه احتمال تطيح ,,,!!!!!!!

وكانت تقولي انتي تغششين الطالبات بالاختبارات ,,, يوم قلت لها اذا أنا اغششهم المفروض كلهم درجاتهم عاليه ووحده !!

يعني هي انسانه ماتستحق تكون بهالمنصب لان كلامها كله متناقض ,,, وكله يدل على سوء نيه وانتقام

لان كل اعمالي انا حريصه عليها .. وكل ما احد من العمل شكرني قدامه تقول لا فلانه انسانه متجاوزه جدا وراح ناخذ منها جميع مهامها الادارية

فالبنهايه ,, انا اشوف حفره كبيـــــــــــــــــــرة قدامي وشر واضح ,,

وتوقيعي حيكون ممسك علي خصوصا انها بالخطاب موقعه بتاريخ في شهر رجب ..

وهي عرضت الخطاب علي من شهر 5 فشرايكم بوحده تزور تواريخ ؟ في أحد بالدنيا يوقع على تنازل مقدم بشهرين ؟

طبعا عندي صورة من خطابها .. بس مادري متى المفروض اعرضه ؟؟ وعلى فكرة انا علمتها اني انتبهت له وقلت لها غيريه لان اكيد انتي غلطتي ..

عاد ممكن الشخص يغلط برقم .. بس يغلط برقمين قوية .. 7/7/ 1434هـــ طبعا معاملة ابتعاثي اجباري وقعتها لان اشتكيت عليها عند الوكيل
وبنفسه اتصل وخلصت الموضوع بثواني .. فهي حاقدة علي وتحس اني بخرب الجميع بتمردي رغم اني اطالب بحقوقي @@

علموني الحين وش اقول لرئيستي بدون ماضر نفسي ؟؟؟؟

اولا انتي تخصصك ما يمسح لك بالوظيفة الادارية اذا انتي معيدة هذا يعتبر تتطوع منك وهذا ما يدل انك ما تبي تخصصك الاساسي طيب على اي اساس تتستلمي راتب معيدة

خلينا في الامر الواقع انا ما اقصد شي ولا شي الا ابي اقوله ما دام امورك زينه وراتبك يمشي ليه الزعل داومي واذا انتهاء وقت الدوام امسكي الباب هما اذا شافوو العمل مو مثل اولا ممكن يرجعو لك وهذيك الساعه لك سوي الا تبينه لكن هذا يعتبر تتطوع منك لنقص موظفين الادارة في الكلية واذا عندك حصص كلمي الترم على خير


واذا وما عندك خلاص انتظري الاجازة الصيفية تتطلعي غصب عنه اجازة واذا عندك امور لك دبل راتب

هلللوو

لاتعليق ..لول

ــــــــــــــــــــــــــــــــــــــــــــــــــ ـــــــــــــــ

المهم الي حصل اليوم دخلت على غرفة رئيسات الاقسام عبارة عن 2 سودانيات ومصرية .. طبعا السودانيات مايحبو رئيستي ..فلحسن الحظ ماكانت رئيستي موجودة

فقمت قلت للدكتورات السودانيات .. انتو شهود على كلشي يصير ... علموني اوقع ولالا قالولي لاء ..رئيستك وعميدتك متحدين ومتحالفين عليك انتبهي .. ودخلت رئيستنا وانصدمت من تواجدي

لان عرفت انهم قاعدين يشحنوني ..

فقلت لها.. انتي قلتيلي اول مامسكت مقررات تدريسية :

انو طالباتي أمانه برقبتي ومثل ماراح احاسابهم ربي بيحاسبني ..

انا امانة برقبة مين ؟؟؟ مين الي مثل ماراح بيحاسبني ربي بيحاسبه ؟؟

قالت هذي مماطلة علنية منك ..@@

قلت بالعكس لا مماطلة ولا شي انا عندي كامل الاستعداد بالتنازل ماني ميته على المهام الادارية ....

انا لي حقوق عليك كرئيسه اني اذا قصرت او غلطت توضحين اغلاطي .. ومن الاخر

توقيع ماني موقعه الا ف حالة تم توضيح الاسباب .. قالت راح اكتب فيك تقرير تم رفض المعيدة التوقيع!!!

قلت ايوا ياليت بس كملي الجمله بسبب عدم توضحينا لها لاسباب اعفاءها وهي تريد التوضيح لكي تتجنب الاخطاء بالمستقبل

وفي حال تم التوضيح توقع ..قامت قالت لي عندك بعثه قلت متى بعثتي بعد 4 شهور والترم بيخلص ومنطقيا نهاية الترم تنتهي الاعمال

قالت العميدة كلفتك وهي لها حق تشيلك بدون ذكر اسباب ,,,والي عليك تنفيذين وانتي ساكته !

!!! قلت صح من حقها وانا بنفذ ولكن مو وانا ساكته..

راح اظل اطالبكم بتوضيح الاسباب عشان اقدر اوقع بقناعه قامت هددتني بعمل اجتماع مع العميدة قلت ماعندي مشكله انا جاهزه

وانتهى الحوار

والحين طبعا اثبت لهم اني انسانه اعاند ومتحديه واني حاسه انهم انذال وحيضروني .. ومادري ايش المفروض اسوي فيهم .

وشلون يخلص هالترم على خيررررر ..

وعليكم السلام ورحمة الله وبركاته
عليك بصلاة الاستخارة والاستغفار والله ما راح يخيب رجائك
الله يفرج همك