الحين عندي سؤال وش المقصود بافادة خريجين هذا العام
طيب انا خريجة هذا العام بس مكتوب بالوثيقه التاريخ
لازم اراجع الجامعه واجيب افادة ؟؟؟؟
علشان يمديني قبل اروح للفندق ؟؟؟
طيب ايش هي بالضبط مو المفروض هي يجيبها اللي ماطلعت وثيقته؟؟؟
عرض للطباعة
الحين عندي سؤال وش المقصود بافادة خريجين هذا العام
طيب انا خريجة هذا العام بس مكتوب بالوثيقه التاريخ
لازم اراجع الجامعه واجيب افادة ؟؟؟؟
علشان يمديني قبل اروح للفندق ؟؟؟
طيب ايش هي بالضبط مو المفروض هي يجيبها اللي ماطلعت وثيقته؟؟؟
لالالا لاتجيبيها هدا ياعسل للي تخرج هذا العام وماعنده وثيقه
الوثيقه تكفي وبالله من يوم ماترجعي قوليلنا اش سار اذا سمحتي
ان شاء الله
تصدقين لي 4 ايام بس اوسوس بالتقديم والابتعاث واروح والا انسحب وابكي وافكر قسم بالله للحين ماادري
حتى امي عجزت اقولها اني قدمت مستحيه اتكلم معها بهالموضوع وهي تعبانه
ان شاء الله اليوم اكلمها وتتقبل يارب
يارب سهل علينا يارب
بالله متى يمكن نبتعث لاني حامل وربي ماتسوى علي يرسلوني وانا وكرشتي قدام واولد بالطياره ههههههههههههه
>>>الوسواس الرهيب
الافاده للي ماعندهم وثيقه <مثلي مع وقف التنفيذ هع
ياليت تخبريني اذا جيتي وش قالوا لك تكفيين ياحبي لك اساليهم عن الجواز لازم ولا ينتظروني اطلعه < براا
لا جد ارجوكي <
الله يعينك بنشب لك هنا
قوة اسئلة
وبعدين يقولو الي تولد بالطيارة
يعطوها تذكرة مفتوحة لها و لولدها
تولدي بالسلامه
اكشن والله الابتعاث حلوووووووو ....لا تشيلي هم وبالعكس ياحظك ولدك راح يكون عندو جنسيتين ............ وغير كده منها دراسه ومنها تمشية ........... اتوكلى على الله واتعبى شوووويه .......ترى الابتعاث يستاهل انك تجرى ليل ونهار علشانو
يالله اتعوذي من الشيطان الرجيم وروحى التدقيق ........ ونحنا هنا نستناكى ألين ترجعيلنا بالسلامه وتحكينا ايش سار بالتفصيل
خصووووووووووصا ايش الأوراق المطلوبه نبغاكى تقوليلنا عليها ..... وكمان في طريقك اسئليهم نقدر نغير الدول ايام التدقيق او لا ؟
و بس صحصحى واتجهزي و روحى .... ربي معاكى
الله يسهل عليك حبيبتي ،
ولا تنسي تخبرينا عن اللي صآر لك
ومثل ماخبرتك الاخت .. ماله داعي تجيبيها مادامك استلمتي الوثيقة ، بالتوفيق (:
الله يوفقك يارب ولا تنسي علمينيا ايش يصير معك
يارب يسهلك امرك ولا تخافي واستخيري
ماجت اكشن ..........؟>>>>>>>>>>> تنتظرها
موفقة ان شاء الله وربي يسهل عليكي وعلينا ان شاء الله
وتولدي بالسلامة وولدك يأخذ جنسية ثانية يستفيد ما يحتاج فيزا خخخخخخخ عشان لو بغى ان شاء الله يكمل دراسة برا لمن يكبر خخخ <<<الناس في ويش وهي في ويش ...خخخخخخخ
موفقة ودعواتنا لكِ عزيزتي والله يقوم امك بالسلامة ويديم عليها الصحة والعافية وامي وجميع الامهات ان شاء الله
وننتظر تقريرك المفصل
تحياتي
اختكِ
اللي بيروح التدقيق اليوم يسأللنا اذ الاسم بالجواز والوثيقه مختلفين اجي التدقيق وبعد العيد يعطوني موعد واجبلهم الوثيقه نفس الجواز لان الوثيقه اخاف تتأخر الله يسعد اللي يروح ويس
ال لع دعوه بظهر الغيب
we are waiting for Action to come and tell us the WHOLE story...if anything is needed to be taken with us or the papers are the same....I am going MAAAAAAAAAD!!!!!!!!! Jeeeeeeez
Divine God above, help us ALLLLLLL
خبرينا عن اللي بيصصير معك ـأاوك
hاستنوني بأجيب لكم معاي البوب كورن ونستناها سوى
والي عاملين رجيم بأجيب لهم سلطه
<<<رايقه صح إعذروها جاها مغص الإختبارات وبدت تهلوس
Action
وينك ننتظرك :(
يؤ ترى الجواز مره مهم عندهم
بس يمكن يعطوكي موعد ثاني عشان تجيبيه
وترى بالنسبه إذا كان الاسم بالوثيقه غير الجواز يعدلولك هو بالجامعه وانتي واقفه والله
طبعا بتكلم على جامعة عبد العزيز والله صاحبتي عدلته وهي واقفه على طووول
بس طلبوا منها 60 ريال غرامه ~
احسن تعدليه قبل الموعد اظمن لك والله
الله يوفقك
ويسهل أمورك ياااااااااااارب
وينك يا اكشن
تكفين ترينا على اعصابنا
معليش ياجماعه تأخرت عليكم
والله ياحست حوسه الله يهديني مااجمع من التعب مواصلة
رحت لطريق الملك فهد على اساس انه باخره ونسيت اني اطلع من مخرج الدائري
ومادريت الا وانا برا الرياض ب 15 كيلو
وارجع وامسك الدايري مادريت الا وانا بتقاطع خالد بن الوليد
وارجع اتذكر انه على طريق المطار اشوى اني طالعه من 12 ونص وموعدي 2
عاد يوم وصلت ادور بوستر لوحه اي شيء يدل على انه الفندق هو نفسه مركز المطابقة
ويضيق صدري قلت شكلي من جد احوليت وافتح البلاك بيري واشيك الايميل الا القاه مداريم كراون
دخلت اللوبي واسال قالوا اطلعي برا ولفي من ورا الفندق وهناك المركز
واخير القى اللوحه صراحه كانت مو واضحه ومن ورا تمنيتها تكون قدام الفندق واسهم وارشادات لان التدقيق مو مره واضح
المهم دخلت ومن هنا بديت التدقيق
الخطوة الاولى :
بيعطونكم ملف وداخه اوراق تشمل ورقتين لقيتهم اليوم في موقع الوزارة اللي هم ورقة تحقق من اكتمال الاوراق وورقه فيها رغبة المتقدم (الدولة)
بيطلبون منكم تراجعون اوراقكم وترتبونها على نفس ترتيب الورقه حقت التحقق من الاوراق
وبعدين تاخذون رقم وتنتظرون التدقيق
بعد ماجاء دوري بداوا يناظرون اوراقي والبيانات اللي فيها
ويقارنونها بالاصول
والحمدلله بما اني مستوفية الشروط ماقالوا لي شيء
واعطوني ايصال يثبت اني جيت واستلموا ملفي وراح يدخل قاعده البيانات
طبعا وقتها سالتهم السؤال الاهم بالموضوع كله :
متى راح نبتعث علشان ولادتي ماتوافق نفس وقت الابتعاث ولا اقدر اسافر وتلغى علي البعثه ولا عاد اقدر اقدم مره ثانية
كلهم يقولون ماندري
الا بالاخير وحده قالت شوفي هذيك مستشاره وزارة التعليم العالي اساليها
رحت لها وقالت لي احتمال بمحرم قلت لها طيب يمكن وقتها اولد قالت مافيه مشكله نرسل خطاب بحالتك الصحية ومافيه اي مشاكل ان شاء الله هذا اذا انقبلتي بمشيئة الله
يعني مو اكيد كل اللي قبلوا اوراقهم ينقبلون بالمرحلة السادسة
وقالوا لي الحين انتظري مسج او ايميل قبولك
وسلامتكم
فيه كثير من المتقدمات ماقبلواارواقهم بسبب العمر عاد مدري وش صار عليهم اخذوا ملفهم او لا بس سمعت وحده تقول قبل كل شيء ترا عمري ماهو مطابق عاد مدري وش صار عليها لاني خلصت وطلعت
وموفقين ياحلوين
السلام عليكم بالله اللي راح على التدقيق يجي يفيدنا عن اللي حصل وايش اهم شئ عندهم وابغى اعرف بعد اذنكم ايش الختم المعتمد على الشهادات المترجمة من مكاتب للترجمة
بليز ساعدونا عشان يخف عننا شبح البعثة
يعطيكم الف عافية
بالنسبه للترجمه انا طلبت من الجامعة يترجمونها لي (الوثيقة والسجل الاكاديمي)
وفيها ختم الجامعه وطلبت صور وختموا عليها طبق الاصل واعطيتهم اياها
فما عندي خلفية والله عن سؤالك اذا كان من خارج الجامعة
اكشن
يعطيكِ العافيه ياقمر ^^
مشكووووره .. ريحتيني كثير
اكشن خيه
اخذوو منك الاصل ؟؟
موفقه يآرب
عقبال القبول النهائي خيتو
بسألك بالنسبة لنموذج طلب التحاق بالجامعات كيف كتبتي اسمك؟ كتبتي اختصار اسم الجد الحرف يعني ولا كيف؟
وبنهااايته بجنب التاريخ فيه مستطيل هل كتبتي فيه اسمك كامل ولا بس وقعتي؟
وقعتي الأوراق قبل لاتروحين لهم ولا وانتي هناك؟ والتاريخ في موذج طلب ابتعاث تاريخ يوم التدقيق هجري ولا ميلادي؟
والله يسعدك ويوفقك ياارب
أختي الله يخليك سؤاااالي مهم
هل طلبو منك كرت العائلة الأصل او اكتفووو ببطاقة الهويه حقتك ؟؟ وهل لاحظتي تشدد من هالناحيه ؟؟؟
انتظر اجابتك ^_^
والله تعتمد على اللي يدقق لك
بالنسبة للي قبلي قعدوا ساعه يتمقلون ببطاقة عائلتها مدري وش السالفه
اما بالنسبة للي صار لي انا جايبه 3 اوراق ثبوتية (العائلة - الاحوال - الجواز) والله خفت مدري وش يبون
يوم دخلت المركز طلبوا الاحوال او الجواز للتحقق من هويتي وتسليمي الملف علشان اعبيه بالمستندات المطلوبة
ووقت التدقيق طلبت الاحوال وقالت العائله بس علشان موافقة ولي الامر يبون يتحققون من انه هو اللي انا منضمة له وبس هذا اللي فهمت منها
بس زي ماقلتلكم ماادري اللي قبلي اشوفها ساعه تطالع بطاقة عائلتها
السلام عليكم
بسألك طلبوا منك كشف الدرجات عربي
؟؟؟
عشان ماعندي غير انجليزي ايش اسوي ؟؟؟؟؟
ايه طلبوا عربي وانجليزي
ربي جابك
انا عندي سؤال
انت كنت مسجل بجامعه وسحبت ملفك
اذا نعم هل دققوا على الختم اللي على الاصل
واذا لا برضوا نفس السؤال في احد دققوا على الختم حق الجامعه
لو سمحتو التوصيات طلبوها مهمه ؟
لا ماكنت ساحبه ملفي من اي جامعة
وبالنسبة للتوصيات فهي غير مطلوبة حاليا لانها ماجت من ضمن الاوراق المطلوبة بالايميل ولا طلبوها مني ابدا في التدقيق
طيب ما شفت احد مختومه شاهدته
وهل هو دقق ومشى او لا
اختي ابي اسالك اقرار ولي الامر عبيتيها بالحاسب ووقع ولي امرك ولا لا
وشفتي احد اوراقه ناقصه وقالوله بعد العيد تكملها ولا رفضو ابتعاثه
لا والله كنت ميته من الحر وصايمه وداير راسي ابي اخلص وبس
عالعموم هم فاتحين باب الاستفسارات للمتقدمين حتى لو ماكان نفس يوم تطبيقهم ممكن تستغل هالنقطه وتسال
السلام عليكم ورحمة الله وبركاته
مبروك أختي الانتهاء من مرحلة التدقيق, الله يوفقك وييسر عليك.
أختي بسأل عن إقرار ولي الأمر ... هل عبيتيه بخط اليد أم بالحاسب مع التوقيع باليد؟
شكرا لك أختي الكريمة والله يجزاك خير في هذا الشهر المبارك.
^^
يعطيك العافية يا قلبي
ذكرتيني بالعام :( كانت احلى ى ى ى أيام
الله يوفق الكل وان شاء الله الكل من المقبولين
بالنسبة للتوصيات وصورة من جواز سفر المرافق انا مستغربة ما طلبوها (( لأنو السنه اللي فاتت كانت مهمه حتى رجعوني بسبب صورة من جواز سفر المرافق لآنه ما كان معاي ))