هل اختبار الايليتس يشمل المبتعثين لكندا و امريكا؟ و لتخصصات غير الطب؟؟

يا اخواني الأعزاء ..
الى متى والشك يلعب فيكم !!!
يا ناس موضوع الايلتس او التوفل ماهو بالطريقة اللي في روسكم انا باقول لكم القصة كامله..

اولا:: اختبار اللغة يسمى بامريكا وبعض الدول توفل ويسمى في بريطانيا واستراليا وبعض الدول ايلتس
يعني سيم سيم لكن نختلف الدرجات فالتوفل من 120 اما الايلتس اعتقد من 10

ثانيا:: الان انت كمبتعث ما يطلبون منك لا توفل ولا ايلتس انت طالع تدرس لغة مانت رايح على الجامعة مباشرة التوفل والايلتس تطلبه الجامعات عشات يقبلونك فيها
فانت لما تطلع راح تدرس سنى لغة وخلال هذه السنة او بعد ما تنتهي السنة تختبر توفل او ايلتس ( حسب الدولة ) اذا جبت الدرجة اللي تأهلك لدخول الجامعة فإنت بكذا تكون جاهز لدخول الجامعة
وتقدم وتنهي اجراءات القبول وتنخرط في الدراسة بالجامعة سواء بكالوريوس او ماستر..

يعني الزبده قبل ما تدخل الجامعة فانه غير مطلوب منك لا توفل ولا ايلتس

الكلام عن التوفل والايلتس في الوقت الحالي لمن يرغب انه ما يدخل الدورة الالزامية اللي مدتها شهرين
فإن ادارة الابتعاث من ضمن اللي يعفونهم من الدورة الناس اللي اختبروا ايلتس او توفل وجايبين درجة حلوه
يعني عشان يتأكدون ان الرجال مو محتاج دورة باللغة

ما ادري اذا وضحت الفكرة لكن المهم انكم تقللون من هواجيسكم و وساويسكم اللي من شأنها فقط تتعبكم وتقلقكم لأن فيه قدامكم مشوار مو بسيط من الانتظار و و و و الين تنتهي من اجراءات الابتعاث
فخلي ذهنك صافي ولا تجزع وتتوتر وتحتاس ترا الوضع مو مستاهل كل هذا ولا تستعجلوا بشيء لان الوزارة راح تخبركم بكل شيء في وقته فماله داعي كل هذه اللخبطة

العذر والسموحة لكن حبيت اطرح هذه الكلمات مع امنياتي لي ولكم بكل خير والتوفيق ان شاء الله،،،