لـِ كل مـن طلب تغيير الدوله ..!!

اختي اذا انتي جاادة في التغيير روحي الوزارة او اي احد ينوب عنك في الرياض فرعهم في حي المرووج

وان شاء الله تتيسر امورك

بالتوفيق للجميع

يـعني كييف مآيكفي المرآسله بآلإيـميل ..؟

أعتقد أهم شي الخطآب الموجه للمدير وآلآسبآب المقنعه !

يعني ماأتوقع انه الطريقه اللي توصل فيها هالخطآب مهمه ..؟

عموماً شششآكرٍه لك أخوٍي

طيب صيري معاي هذا انا بعد اليابان
اختي انتي ماستر

هل صعوبة القبول في جامعات كندا يعتبر سبب مقنع للوزاره لاني ارسلت وماحد رد علي

أنا حولت لو تروح لهم ح يحولوك وينظروا لك بأهميه أكبر..
بالتوفيق

انا ابغى احول الى ماليزيا من امريكا ايش رررايكم ايش يقولون

أنا أمس مشيت من القصيم للرياض عشان الموضوع هذا

طبعا قبلونا على كندا وأبتلشت بسالفة كندا وصعوبة القبول فيها لأني كلمت واحد من الشباب يدرس بكندا يقول طلع في الشيب عشان أحصل قبول مع العلم ان تقديرة ممتاز ومبتعث عن طريق الجامعة لأنه معيد ...

أنا هنا قلت يا ولد خلني ألحق عمري وأتغربل هنا ولا هناك بسالفة التغيير

المهوهيمممم رحت الوزارة بالغدير ودخلت ولا ما تشوف الا الزحمه

وسويت خطاب وجهته لمدير برنامج خادم الحرمين

وقلت بالخطاب أني بغير من كندا لأمريكا بسبب صعوبة القبول

وقالي الموظف خلي الخطاب عندنا وحنا بنرفعه قلت ما يصلح هالكلام أحسها تزليقه هذي قالي شوف الدكتور محفوظ

ورحت للدكتور محفوظ وعطيته الخطاب وقالي خلاص تابع حالة الطلب وأذا تغير تمام على تمام قلت لا يا دكتور علمني من الحين فيه أمل أو نوووو

لأني جاي من القصيم عشان كذا قال أن شاء الله الامور بتصير زينه قلت يا دكتور ان كان ما فيه مجال علمني الحين بحيث اني أدبر عمري هنا ولا هنا

قال يا حبيبي روح القصيم وروح لبيتكم وحط ببطنك بطيخ صيفي ,,, وخلاص

وهذاني متابع حالة الطلب للحين ما صار شي

والله يكتب اللي فيه خير

إن شاء الله يوافقون

لو سمحت اخوي حولت لاي دوله وشنو الاسباب الله يعافيك ردوا علي سريع

ياجماعة الخير ..
روحوا للدكتور ماجد الحربي .. وقدموا له الخطاب واشرحوا له السبب وولاتخافوا ..!!
والأفضل انه الخطاب يكون مكتوب الكمبيوتر مو زي بعض الحالات اللي شفتها ..

أمس أنا كنت موجود شخصيا عنده وانا بأكلمه طالع في الخطاب قالي : من كندا لأمريكا ؟ قلتله : ايوة وبعدها باشرح له وهو بيطالع فيني شرح عالخطاب : لاماااانع !!

عليكم بالدكتور ماجد الحربي . حقيقة انسان صاحب شخصية محترمة ومتفهمة وراقية جدا جدا جدا..

ولاتنسوا تجهزوا كل استفساراتكم وانتوا رايحين للوزارة ..

حقيقة ارتحت كثييييييييييييييييير بعد ماشفت هادا الآدمي الله يوفقه ويحفظه..

تحياتي ولكم جزيل الشكر