قبولي في مكتب تجسير الفكر..وصلني مسج الان

السلام عليكم و رحمة الله و بركاته ،،
ياشباب أنا رحت للمكتب اليوم الصباح ( أقصد يوم الخميس ) و سالتهم نفس الاسئله الي في بال كل طالب من طلاب المرحله السادسه ،،
1) قلت له أنا ابغاكم تجيبون لي قبول في المعهد الفلاني و حددت الولايه و المدينه و اسم المعهد فرفض و قال الوزاره ترفض هذي الطريقه لاننا لو فتحنا المجال للطلاب يبون يروحون كلهم لولايه او ولايتين بس و يصير فيه تكدس ، و هذا شي مزعج للوزاره لان الطلاب ماراح يستفيدون و كذلك مزعج من الناحية السياسيه لان الحكومه الامريكيه راح تشك في الطلاب و تقول ليه كلهم مجتمعين في هذي المنطقه ،،
2) قلت طيب ابغاك تعطيني المعاهد الي حددتها الوزاره و انا ابقرأ عنها في النت و اجيك و اقولك جيب لي قبول في المعهد الفلاني فرفض ،،
3) قلت طيب ابي فزعه منك هذا رقم الطلب حقي و حق زميلي ابغاك تحطنا مع بعض ان شاء الله تحطنا في خرابه اهم شي نكون مع بعض فرفض و قال هذا اهم شي تشدد علينا فيه الوزاره لانكم كذا ما راح تستفيدون و تبون تتكلمون عربي مع بعض و هذا راح يضركم و لا ينفعكم ،، فقلت له اجل ننتظر الصدمه في المكان الي راح تحطونا فيه فضحك و قال يمكن تكونون مع بعض من باب الصدفه ،،
اما الوصف حق المكتب فهو في الرياض - طريق العليا العام - مقابل لبنك سامبا .(قبل لاتجي طريق التحليه و انت متجه شمال على يدك اليمين )
رقم المكتب 01/4627121 تحويله 101- 102 - 103- 104- 105 ،،