-
عاجل من الملتقى الثالث عدد القبولات اللي بتوصل الليلة + نقاط عن الملتقى
السلام عليكم ..
توووووو تووووو جيت من الملتقى الثالث للمبتعثين اللي نصهم وجيههم كذا :sticktongue: من التشتت والخوف والرهبة وكأنهم بيقابلوني شخصانياً .. المهم ان الإجراءات سهلة ولا فيه تعقيد والموظفين متساعدين لأبعد درجة في القطب الجنوبي .. اي سؤال يجاوبوون بكل رحابة صدر ولو انه مكرر الف مرة ومتعاونيين جداً جدً ..
انا طبعاً مرافق كما يعلم سموكم << متعود على الخطابات :gap: وجيتهم قلت انا رجال مرافق ولا من الأمر حيلة قالو اجلس هنا لين نطلبكم جلسنا هنا اللي بعدين صار هناك :biggrin2: بعدين طلبونا وجلسنا اخر الصفوف وكأننا طلاب ابتدائية متأخرين عن الطابور .. جلسنا اخر صفين تقريباً وتكلم ماجد الحربي مدير برنامج خادم الحرمين للابتعاث وقال كلام عادي ومكرر ونقراه هنا كل يوم .. بعدها تكلمو عن القبول ومادري ايش << يعني كلام عادي
بعدها جا كحيلان ( الموسى ) وقال الخبر السار وهو وصول 1500 قبول للطلاب مع نائب رئيس الملحقية في واشنطن وسيتم تسليم عدد كبير من الطلاب غدا الأحد ان شاءالله ..
وانا انصح اي انسان ماجاه قبول يروح هناك ويسأل عن قبوله ويحاول مايقولهم ان اسمه ماهو بالملتقى الثالث .. يعني يجي على عماه ويسأل عن قبوله واسمي كذا ويشوف ممكن يعطونه بنفس الملتقى وممكن يقولون له روح للوزارة او على الأقل يعطونه خبر أكيد عن اسمه .. للمعلومية الموظفين والموظفات متواجدين من 1 ونص يعني اللي يجي بدري قبل الزحمة ممكن يلقى خبر او يروح وقت القاء المحاضرات بيلقى بعض الموظفين يتمشي من الفضاوة ويحجر له اسئلة وتوضيح لين يدل الدرب خخخخخخ
على فكرة ماجد الحربي قال ان القبولات كلها بتجي لكن في تأخير بسيط لأن العدد كبير وقال ان مكتب تجسير ماله اي علاقة لا بالتأخير ولا بالإختيار للولاية ولا شي .. وقال ان التنسيق من عند الملحقية والوزارة فقط فقط فقط :bounce:
غير كذا مافي شي مهم قالوه .. الا انهم نصحو بالتقديم على الفيزا والمقابلة للسفارة دون انتظار القبول .!! انا مافهمت هالنقطة . وانا بانتظر قبولي يجي بعدها اقدم ..
اي صح قال ان اول تاريخ لبداية الطلاب في 11/01/2011 يعني بعد شهر و10 ايام .. وقال ان بعضهم للحين ماقابل السفارة ومع ذلك وضعهم سليم وبتمشي امورهم زي الحلاوة .
ولاحظت ان الثلاث محاضرات كلهم شددو على صعوبة تغيير الولاية الا بإجراءات مشددة او اعذار مقنعة .. يقول الدكتور ماجد ان الطلاب اللي وزعوهم على الولايات تم بدراسة وعناية كبيرة لأجل الفائدة للطالب .. ويقول انه اكتشفو ان الكثير من الطلاب يرفض القبول اللي جاه بولاية معينة وينقل الى ولاية أخرى مليانة من الشعب السعودي :thumbup: وهالأمر سبب تدني مستوى الطلاب الأكاديمي , عشان كذا يقول من الأفضل للطالب البعد عن طلاب من جنسيته ويقول مايمنع 6 طلاب في المعهد الواحد لكن عدد 30 او 40 عدد يضر الطالب والطلاب ( وانا فهمت من كلامه ان هناك مشاكل عنصرية بين الطلاب اللي عددهم فوق 40 , لانه صارت تحزبات وعنصرية وقبائلية ومن هالكلام واعتقد انها بتأثر بشكل كبير ..)
كما نبه الدكتور ماجد الى ان دراسة اللغة مدتها سنة فقط فقط فقط وليس كما يعتقد الكثير 18 شهر .. وقال ان هالفكرة أضرت كثير من الطلاب لان بعضهم يروح اول شهر ويأجل 6 شهور وهو مايدري عن الوضع الحقيقي .. عشان كذا اللي مايدري يدري والحاضر يعلم الغايب والعضو يعلم الزائر :bye1:
اخر شي اتذكره قال في بلد الإبتعاث لاتمشي اي خطوة الا بعلم الملحقية في بلد الإبتعاث ,,
نقاطي برعاية موبايلي
الملتقى كان خفيف وحلو ومافي تشديد .. والموظفين بكل مكان للأستفسار وتوزيع الكتيبات ...
كثير من الأخوان وضعهم محتاس والله يعينهم ويسهل امورهم ..
في كل نهاية محاضرة في اسئلة من قاعة الرجال وقاعة النساء ( طبعاً قاعات منفصلة )
اعتقد ان 99% من اللي حضر الملتقى حصلو أجوبة على استفساراتهم لأن الوضع مرة مريح في امللتقى والحمدلله .
خلاص باتقهوى ولاتنسونا من صالح الدعوات
اخوكم ( حـــــمـــــــد :sticktongue: )
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
مشكور عالنقل وجزاك الله خير بس للاسف تجسير موخر قبوووول كتير من الطلاب وكل يوم هلكونا بااغنيه الدفعات ماركه مسجله باسم تجسير .
حمستني والله ورفعت معنوياتي الي وصلت الزيروووووو بسبت تجيسير وظروف مرضيه :) يلا ان شاء الله قريب يكون ملتقانا ونخلص منهم ويارب يكون موعد دراستنا بكيير وفي مكان مليح
مشكوووووووووووووووووور خيو
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
الله يعطيك العااافية ماقصرت,,,
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
يديييييييييييييك العااااااااافية يااارب
بصراحة ريحتني نوعا ما
بالنسبة انو نسوي الفيزا قبل مايجي القبول فيها حووسة مرا
بالذات اللي من خارج الرياض
الله يعين
وشكرا مرة تانية ^_^
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
والله جهة الحريم حوسه
وماهناك احد وزحمه وكل الناس فوق بعض
ونص الموظفات نفسهم في خشمهم واخلاق مدري وش تبي
وماقدرنا نسأل كل شي يقولو لنا مو من اختصاص الدكتور مو من اختصاص الدكتور
التنظيم مره مدري كيف مو مرتبين
مره حاسونا
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
المبتعثين هل طلبوا منهم تسليم الوثائق والتوصيات ...إلخ أم لا
ويعطيك العافية
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة shOoRy Al7aRbI
والله جهة الحريم حوسه
وماهناك احد وزحمه وكل الناس فوق بعض
ونص الموظفات نفسهم في خشمهم واخلاق مدري وش تبي
وماقدرنا نسأل كل شي يقولو لنا مو من اختصاص الدكتور مو من اختصاص الدكتور
التنظيم مره مدري كيف مو مرتبين
مره حاسونا
زوجتي كلمتني اثناء المحاضرات وقالت ان السؤال هنا صعب وزحمة والموظفات نفوسهن بخشومهن قلت 70% من الموظفات كذا ( دايم زوجتي تشتكي منهم في البنوك والا في الوزارات والا في الجوازات )
عمزماً من الأفضل المحرم يتكفل بالأسئلة او تكتب له بورقة ويسأله قسم الرجال لان الموظفين كثار خدومين
يازين الرقالة زيناااااه
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
ماشاء الله عليك انا من ضمن اللي حضرت الملتقى
وبالفعل كل كلامك سليم
بس انا من وجهة نظري ان اللي ريحني بكلامه هو الدكتور الموسى الله يجزاه خير
بافعل يعني بسط الامور
عالعموم الكل ما قصر بالملتقى
ربي يعطيك العافيه
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
مشكوووور اخوي وما قصرت
يعني اكدوو على نقطة حجز موعد في السفاره قبل ما يجي القبول يعني احجززززززززززز والا وش السالفه
لاني الي اعرفه بدال ما تحط القبول حقك تحط بداله N وكم صفر وتشمي اموورك في الحجز
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة نيروبي
المبتعثين هل طلبوا منهم تسليم الوثائق والتوصيات ...إلخ أم لا
ويعطيك العافية
ماطلبو اي شييي .. فقط جواز السفر للتأكد من هوية المبتعثة ..
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة خالـــــد..!
مشكوووور اخوي وما قصرت
يعني اكدوو على نقطة حجز موعد في السفاره قبل ما يجي القبول يعني احجززززززززززز والا وش السالفه
لاني الي اعرفه بدال ما تحط القبول حقك تحط بداله N وكم صفر وتشمي اموورك في الحجز
العفووو .. حسب كلام الدكتور ماجد والموسى كلهم اكدو ان الأفضل التقديم على السفارة .. دون توضيح كثير لكن اكيد هم اخبر والله يسهل علينا وعليكم
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
ولا هو قصور على كلام الاخ
هم اكدوا على حجز الموعد بس لا تروح للموعد الا اوراقك كامله
يعني احجز موعد انت على يقين ان الاي توني راح يكون معك وقت الموعد وباقي الاوراق
يعطيكم العافيه
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
تصلحي صحفي يا حلوو والله نقلك جداً جداً حلووو مشكوور
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اخوي حمد
الله لايهينك
انا سمعت انهم بكره بيكون الموعد غير
بس مادري الساعه كم
لانو حضرنا اليوم 3ونص
بكره حيكون الساعه كم
فلا هنتو
بدون امر اللي يعرف يديني خبر لاهنتم
انتظر ردكم
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة s6eef
اخوي حمد
الله لايهينك
انا سمعت انهم بكره بيكون الموعد غير
بس مادري الساعه كم
لانو حضرنا اليوم 3ونص
بكره حيكون الساعه كم
فلا هنتو
بدون امر اللي يعرف يديني خبر لاهنتم
انتظر ردكم
الخبر طال عمرك
ان موعد بكره موجود بالاوراق اللي اخذتيها
الدفتر الابيض اللي مكتوب عليه
دليل ملتقى المبتعثين شوفيه وتاكدي
دعواتك لي
يعني تصفحي الاوراق اللي معك
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة الى النها
ولا هو قصور على كلام الاخ
هم اكدوا على حجز الموعد بس لا تروح للموعد الا اوراقك كامله
يعني احجز موعد انت على يقين ان الاي توني راح يكون معك وقت الموعد وباقي الاوراق
يعطيكم العافيه
هذا الي انا خايف منه اني احجز ويجي موعد السفاره والقبول بعده ما جااا وتكون اوراقي مو كامله
بس ننتظر لما بكره الاحد يمكن يكون لنا نصيب >>> ليه الاخ داخل على زواج :sticktongue:
ويجي القبول ويفووز المنتخب وتصير الفرحه فرحتين :naughty:>>>> رايق
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اخوي انا زوجي الين دحين ماجاه القبول وانا وهو بجدة
فهل لازم يطلع الرياض يستلم القبول او رح يرسلو القبولات حقت اهل الغربية على الملتقى حق جدة ولا كيف الوضع؟؟
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة الى النها
الخبر طال عمرك
ان موعد بكره موجود بالاوراق اللي اخذتيها
الدفتر الابيض اللي مكتوب عليه
دليل ملتقى المبتعثين شوفيه وتاكدي
دعواتك لي
يعني تصفحي الاوراق اللي معك
ههههه
طيب لاهنتي الملتقي الثالث
حيكون الساعه كم بالضبط
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة s6eef
اخوي حمد
الله لايهينك
انا سمعت انهم بكره بيكون الموعد غير
بس مادري الساعه كم
لانو حضرنا اليوم 3ونص
بكره حيكون الساعه كم
فلا هنتو
بدون امر اللي يعرف يديني خبر لاهنتم
انتظر ردكم
الموظفات قالو لزوجتي تجي الساعة 2 ظهراً .!! اناقلت لزوجتي مستحيل .. لاني اعتقد مجرد حرص من الموظفات عشان المبتعثات يجون بدري .!!
الأوراق وجدول الملتقى يقول 3 الحضور .. وحنا ان شاءالله بنكون هناك 2 و50 دقيقة
والله يوفق
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة قمر وقلبي حجر
اخوي انا زوجي الين دحين ماجاه القبول وانا وهو بجدة
فهل لازم يطلع الرياض يستلم القبول او رح يرسلو القبولات حقت اهل الغربية على الملتقى حق جدة ولا كيف الوضع؟؟
لا اعتقد ان القبولات بتوزع على مناطق الملتقيات .. ماعتقد ضروري الحضور .. لان ممكن مايكون الاسم موجود وممكن يكون موجود ويقولون انتظر موعد الملتقى تبعك ..
لكن مايمنع تروحون للملتقى اللي في جدة وتسألون .. والله يوفقنا واياكم
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
بعد راسي ادري ابثرتك
بس لاهنت
ههههه
هدي اعصابك
الحين
قالو تغير يعني هو الساعه 3 بالضبط يعني ؟
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
المعروف واللي بالاوراق هو الموعد الأصلي 3 .. باقي الأوقات غير صحيحة .. اجل اجي من 2 الظهر وش اسوي عندهم .. اخاف يبوني اجهز غدا الفندق .. هع
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
لا يالبعثه ما هي لعبه انت والاخت
بالفعل الملتقى راح يبدا الساعه 2
يعني انت تجي الساعه 1:45
وهذا اللي مكتوب بالكتاب عندي
انتبهوا للمواعيد
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
من جد الحريم حوسة بكل شي
اجل القروب اللي عقبنا دخلوهم من نفس البوابة اللي بنطلع منها !!
طيب فيه بوابة ثانية المفروض نطلع منها وذولي يدخلون
تكون فيه انسيابية بالحركة وغير كذا , كم جايبين من كرتون مويه واحد ؟؟ انا ماشفت غير صينية وحده وخلصت
واهي جالسة تمشي في السيب قبل تطلع للمحاضرة !!
غير البنت اللي طاحت واهي حامل الله يصلحها :( ويستر عليها وعلى حملها:(
تغذوا يابنات زييييييييييييييييييييييييين
***
وصحيح اختي سمعت الموظفين يقولون انه بيبدا بكرة من 2 تغير الموعد مع ان كثير بنات طلعوا ولايدرون
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
الله يجزاك الف خير
طمنتني كثيررررررررر
لاني خايفه على القبول
يلا شد الهما ووافينا بكل جديد
بانتظارك
تحياتي لك
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
الوضع عند الحريم غير منظم ابدا
ويحق لهم البنات يدوخون من الكتمة والزحمة حتى علبة موية وحدة ماتقدمت لنا؟؟
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
ماااااااااااااااااااافي تنظيييييييييييم في الملتقى يعني إستبانه قياس الرضا بحط صفر على 10
والحظور بكره الساعة 2 بالظبببببببببببط
بس سوعال ينطنط في رأسي
يقولوا أحجز للسفاره موعد
طيب لما أعبي الابليكيشن يطلب بيانات الi-20
وما ينتقل للصفحه الي بعدها من غير ماتعبي
وماتقدر تحجز موعد السفاره من غير ماتكمل الأبليكيشن
يعني لااااااااازم الi-20 ومانقدر نتحرك من غيره
وهم يقولوا عبوا ياديييييييييييين النبي
زي لما قالو البكلوريوس لهم قبول معهد وجامعه وآخرتها قبول معهد بس
غبااااااااء
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
بصراحة في بنات , ومع احترامي وهم نسبة قليلة ازعجوني بالمقاعد الاخيره بس يسولفون ويضحكون وكل وحده مسوي ضجة
واغلبيتهم خريجات ثانوية بصراحه
باين انهم يحسبون البعثه فشخره ,والموظفات في حبوبات وروعه وفي هههههه اعوذ بالله لكن تهون بالنسبة لازعاج البنات
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
الله يجزاك خير
على المعلومات وخاصة ان دراسة اللغه مدتها سنه
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
طيب كنت ابي اعرف اخر موعد للسفر
بليز
اسالولي بكره استحي انا ههههه
ومن جد من جهت النسا حوسه
ومانسمع مره والكل ماخذ راحته بالسوالف
اما انتم
الدكتور الموسي والماجد انتم قدام عيونهم ماتتحركوون
خخخخ
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
جزاك الله كل خير ما قصرت اخوي :)
والله يوفقنا جميعا
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
يعطيك العافيه
نقل أكثر من راائع .. موفق ^_^
بالنسبه للـ 1500 ملف الي وصلوا
كلهم لاهل الرياض ولا يتوزعوا على جده والشرقيه ؟
انا ملتقااي 13 محرم بالخبر .. مره بعيد
..
شكرا لك
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
يسلمو يا أستازي
الله يعطيك العافية
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
مشكور اخوي على النقل الاكثر من رائع
طيب بخصوص ان نحجز للسفاره وماوصلني الى الان قبول
ونموذج تعبئة البيانات لحد الحين ماجاني على البريد
هل احسن اني احضر الملتقى بعدين اسوي الاجراءات الثانيه (السفاره وهالقلق)
علما ان موعدي للملتقى في 13 محرم
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
جزاك الله خيرا وبارك الله فيك
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
تشكرااات ع النقل ياكابتن وقهوة العافية يااارب ^^
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة لانـا
طيب كنت ابي اعرف اخر موعد للسفر
بليز
اسالولي بكره استحي انا ههههه
ومن جد من جهت النسا حوسه
ومانسمع مره والكل ماخذ راحته بالسوالف
اما انتم
الدكتور الموسي والماجد انتم قدام عيونهم ماتتحركوون
خخخخ
والله ماني فاكر لكن اللي متأكد منه ان الدكتور قال تقدر تسافر قبل موعد دراستك بيوم .. ويبدو لي ان اخر ايام السفر هو شهر 4 ميلادي ( ابريل )
-
رد: عاجل من الملتقى الثالث عدد القبولات اللي بتوصل الليلة + نقاط عن الملتقى
اقتباس:
المشاركة الأصلية كتبت بواسطة samar alibrahim
يعطيك العافيه
نقل أكثر من راائع .. موفق ^_^
بالنسبه للـ 1500 ملف الي وصلوا
كلهم لاهل الرياض ولا يتوزعوا على جده والشرقيه ؟
انا ملتقااي 13 محرم بالخبر .. مره بعيد
..
شكرا لك
القبولات لجميع طلاب أمريكا في مناطق الرياض وجدة والشرقية