نصيحة لكن أخواني طلاب التشيك بخصوص شهادة الميلاد

December 9th, 2010, 12:00 PM

السلام عليكم

أخوكم الطالب : محمد عبدالله موسى زبيله

ياشباب ويا بنات أنا كنت من طلاب المجر لكن يوم الإثنين الليل حلوين فجأة على التشيك وطبعا زعلت لأني ما أعرفها ولا شئ

والحمد لله طلعت البلد مررررررررره والراسة فيها مررررره قوية ((ماشاء الله)) ولقيت بالرسالة اللي أرسلوها لي

شهادة الميلا ضروري نرسها كلمت السوداني حقنا أبو بكر محمد أحمد حق التشيك وقلي لو ترسلها اليوم أحسن من بكرا لأنها

ضرورية للتسجيل عندهم والله وأروح احجز طياره يوم الربوع اللي هو امس على الرياض الساعة 7 ونص الصباح وصلت

على الساعة 8 وعليها وطبعا أنا من المدينة وعمري مارحت الرياض رحت ومامعايا ترجمة لكن في مكاتب ترجمة قدام الغرفة ا

لتجارية وترجمة الشهادة من هناك أهم شئ يحطلك ورقة إسمها ((مشهد)) بدونها ماراح توقع الغرفة التجارية وكمان ماتقدروا

تترجموا الشهادة من المدينة وتصدقوها بالغرفة التجارية بالرياض كل غرفة تجارية بس بمنطقتها المهم بعد ماترجمة ووقعتلي

الغرفة بي 25 ريال رحت للخارجية والحمد لله طلع عندهم مكتب في نفس الغرفة طالع في الأوراق وقلي إنت إبتعاث قلت إيوه

إنشاء الله قلي ياخي الغرفة موقعتلك على ورقة (( مشهد))


اللي هيا الورقة الأولي كلهم يوقعولك على شهادة الميلاد اللي بالإنجليزي عشان أنا لازم أوقع جنب توقيع الغرفة التجارية

ووجهي صار الوان وأروح وأحاول فيهم مع المدير بنفسه وقلي لو من اليوم لبكره ماراح نوقعلك على شهادة الميلاد

المترجمة ورحت لغرفة الخارجية وزعلان وأخلاقي مافي طالع في الموظف وقلي شوف في حركة لو تسويها راح اوقعلك على

شهادة الميلاد اللي بالإنجليزي والله رجعت فيا الروح وقلي لاقدر الله صار شئ أنا بروح فيها يعني ((هو )) قلي روح لوزاة

الخارجية وخليهم يوقعولك على شهادة الميلاد الأصلية والله وأروح والحمد لله ماقعدة أكثر من 5 دقايق وختمولي عليها بي 35 ريال وأرجع الغرفة عند مكتب الخارجية وأوريه الختم ويوقع على شهادة الميلاد اللي بالإنجليزي والله بغيت ((أبوسه ))وأروح لتكسي وأقوله حي النزهة والله ساعة ونص وإحنا ندور على السفارة مافي أحد يعرفها ونسأل عن شارع سعد بن غدير برضوا بس لقينا سفارة فيتنام أتوقع في شارع حائل إنتوا روحوا هناك وسألوا أصحاب البقايل يدلوكم زي الحلاوة والله

ونكلهم في سفارة تشيك قام يوصف وحنا منا فاهمين وناخذوا معنا يدلنا وأنزل للسفارة أبغاهم يوقعوا وانا جاي الساعة 2 ونص

ودواهم طلع ينتهي الساعة 12 ((تحطيم)) من هنا من هنا وأكلم نفس المدير قلتلوا والله أنا مسافر اليوم انا من المدينة

وأحاول قلي التذكرة معاك قلتلوا إيوه قلي طيب أدخل والله ودخلت أخذ التذكره وقلت قفطني لأن مسافر بكره اللي اليوم الخميس

والله والحمد لله ماكلمني وأخذ 117 عشان التوقيع لازم وأخذت كتيب عن التشيك بغيت أبكي وانا أشوفهم والسفارة صراحة شكلها حلو وامن أحلة الايشياء علامة الأسد اللي عند الباب ((مجنونة ))ولاتنسوا ياحلوين
السفارة تشتغل يوم السبت والإثنين والربوع من الساعه 8 إلى 12

أهم الاشياء اللي تسوها :

1- روحوا لوزارة الخارجية وصدقوا شهادة الميلاد الاصلية 5 دقايق

2-الغرفة التجارية يوقعوا وبعدين الغرفة حقت الخارجية كلموه يوقعلكم على الميلاد بالإنجليزي وحاولوا فيه وكلموه عشان البعثة وإنشاء الله ماعليكم

3- السفارة روحوا حي النزهة وسألوا على سفارة فيتنام أتوقع في شارع حائل لأنهم يعرفوا مافي احد يعرف حتى الشرطة

وإنشاء الله الظهر إنتوا في البيت مكبرين المخده

أعذروني على التأخير والإطالة لكن والله عشانكم والله ما أبغاكم تتمرمطوا زي ماصرلي والله معزتكم في قلبي
الله يجمعنا على خير يا احلى مبتعثين وإنشاء الله نتقابل بجده

• نشر عبر تويتر
• نشر عبر فيسبوك
• نشر عبر جوجل