مبتعث مجتهد Senior Member
الولايات المتحدة الأمريكية
#ROOOS# , أنثى. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى رياض اطفال
, بجامعة NONE
- Waiting, Waiting
- السعودية
- Aug 2010
المزيدl January 29th, 2011, 08:17 PM
January 29th, 2011, 08:17 PM
السلام عليكم ورحمة الله وبركاته
لي زميله حصلت لها مشكله وهي كالتالي .. طبعا هي الي كتبت مشكلتها هوون
وكلي ثقه انكم بتساعدونها وتجدون لها الحلول المناسبه..
الحمدلله تم قبولي كمبتعثه في برنامج خادم الحرمين الله يطول بعمره ، وصلت الان لمرحلة موعد الفيزا ، مع العلم ان مرافقي ( ابوي ) الله يحفظه المهم.. اللي صار بالقنصليه الامريكيه بالظهران انهم اقبلو فيزتي لكن يوم جآ دور ابوي بدت تسأله نآئبة القنصل ( كم المده التي ستمكثف فيها في امريكا ) رد ابوي : بحكم دراستها ، طبعاً بين ان جوابه ماعجبها راحت نادت المترجمه سوريه مدري وش جنسيتها المهم قالت له : الفيزا اللي انت طالبها لازم تكون مدة مكوثك خارج امريكا اكثر من 6 شهور انت كم فيك تظل برا امريكا قال ابوي ما اقدر اخليها هناك شهر شهرين وارجع لها ، الوكاد انهم ما عجبتهم اجابته وهم هناك ماعندهم شي اسمه محرم قوانين وبس ، فقالت له نائبة القنصل الامريكي فيزة مرفوض ، والسوريه قالت : فيك تقدم موعد ثاني لو قررت تلتزم بالقانون الحين شسواة ياناس هل اقدم طلب جديد ولا موعد ولا شسوي بعمري ؟ وفيه سؤال ثاني نوع فيزة المرافق اذا كان ( اب ) وش راح تكون ؟ وهل يدرس وياخذ مكافأه في حال درس ولا لآ ؟ افيدوني الله يجزيكم الجنه
ملاحظه:: جوازي خذوه بس من الي صار مادفعت لفيدكس ولارحت لهم شسوووي ؟؟ بصراحه ماادري ولا لي علم بالاشياء هذي
لكن ربي يفرج همها
وخلي ابوها يقدم مره ثانية وان شاءالله تتيسر معاهم
lilo January 29th, 2011, 08:24 PM
7 " الله يعين ويسهل عليهم
طبعا اكيد لازم يقدم من جديد بطلب التأشيره ولابد انه يلتزم بقوانبن التأشيرات بحيث انه يقول انا بجلس معها فترة ثلاثة اشهر او اربعة وارجع
لأن خوفهم من ان الشخص يريد الهجرة لأمريكا فهذا مرفوض تماما لديهم
لذلك يقول لهم كذا وبعدين هو يجدد التأشيره كل مره
فخليه يقدم من جديد وان تكون اجاباته بنطاق القانون المتبع لديهم
ولو كان موظف الأفضل يجيب تعريف من عمله فيكون عندهم شي يقنعهم على ان الشخص بيرجع عشان الوظيفه
او اذا كان له مؤسسة او شركه
والله يسهل لهم
بالنسبة للجواز والفيدكس طبعا المفروض تكون دافعه عندهم لكن بما انها ما دفعت فمجرد ما ينتهي الجواز فإن مكتب فيدكس يتصل فيهم ويخبرهم بان الجواز جاهز ويطلب منهم دفع المبلغ المطلوب عشان يرسلونه فيسألون الموظف كم رقم RPD أو التراك فيعطيهم الرقم
فياخذون الرقم ويذهبون لأقرب فرع فيدكس ويقولون لهم انهم يبون يدفعون فاتورة ارسال من القنصليه الى مكانهم ويعطونه رقم الارسالية ويدفعون المبلغ
فيقوم الموظف بارسال الفاتورة الى فرع فيدكس في القنصلية وينتظرون اتصال من فيدكس بوصول الجواز ان شاء الله
(( طبعا هذا صار معي شخصيا ))
بالتوفيق لهم وان شاء الله تتم امورهم بكل يسر وسهوله
تحياتي
ABU NORAH January 29th, 2011, 08:54 PM
7 " الــــسلام عليكم ياجماعة الخير
سؤالي : ابي اعرف شلون اغير المرافق ، هل يحتاج اروح للوزاره ولا في طريقه اسهل عن طريق النت
افيدوني جزاكم الله خير ؟؟؟
سبحانك يارب February 20th, 2011, 06:59 PM
7 " والله اغلب المرافقين صار لهم نفس هالشي ...
فانا اشوف انه يقول بيودي بنته وبيرجع .. او رايح بس كذا سياحة ..
والله يسهل عليكم
nr/moony February 20th, 2011, 07:10 PM
7 " اشكرك اختي الفاضلة
بس كل ما ادخل موقع الوزاره يقول لي كلمة المرور خطأ ، تأزمت نفسياً
اوراقي كلها خالصه مابقى الا اوراق اخوي اللي مو عارفه شلون ارسل للوزارة عن تغيير مرافقي من اب الى اخ
والمشكله الثانيه اني لما راسلت المعهد اللي جاني منه قبول قال ارسلي لنا مايثبت انه بيدرس لغه على حساب الدوله !!!!
هالاثبات اللي مدري من وين اجيبه ؟؟؟
سبحانك يارب February 20th, 2011, 07:58 PM
7 "
January 29th, 2011, 08:17 PM
الحمدلله تم قبولي كمبتعثه في برنامج خادم الحرمين الله يطول بعمره ، وصلت الان لمرحلة موعد الفيزا ، مع العلم ان مرافقي ( ابوي ) الله يحفظه المهم.. اللي صار بالقنصليه الامريكيه بالظهران انهم اقبلو فيزتي لكن يوم جآ دور ابوي بدت تسأله نآئبة القنصل ( كم المده التي ستمكثف فيها في امريكا ) رد ابوي : بحكم دراستها ، طبعاً بين ان جوابه ماعجبها راحت نادت المترجمه سوريه مدري وش جنسيتها المهم قالت له : الفيزا اللي انت طالبها لازم تكون مدة مكوثك خارج امريكا اكثر من 6 شهور انت كم فيك تظل برا امريكا قال ابوي ما اقدر اخليها هناك شهر شهرين وارجع لها ، الوكاد انهم ما عجبتهم اجابته وهم هناك ماعندهم شي اسمه محرم قوانين وبس ، فقالت له نائبة القنصل الامريكي فيزة مرفوض ، والسوريه قالت : فيك تقدم موعد ثاني لو قررت تلتزم بالقانون الحين شسواة ياناس هل اقدم طلب جديد ولا موعد ولا شسوي بعمري ؟
ملاحظه:: جوازي خذوه بس من الي صار مادفعت لفيدكس ولارحت لهم شسوووي ؟؟