لماذا لا يحقُ لي ما يحقُ للمبتعثه المتزوجه !!؟ اليس هذا ظلم ؟

اي من جد لان المرافق الي مايدرس ياخذ فيزا سياحيه مدتها 6 شهور
طيب ومن شروط الابتعاث ان المرافق يقعد طوال فتره الابتعاث !!!
امحققق شروط

طيب و الحل ؟

في استخفاف اكثر من كذا ؟
وين التوجيهات و التعليمات من وزارتنا الجميله دام هذا شرطهم ليه ما يأسسوه صح

اوافقك و بشده على طلب الحق الضايع للمرافق

و اوجه سؤال لواضعين الشروط في الوزاره:

بما انكم وضعتم شرط اساسي بأنه لابد من ان يرافق المبتعثه التي ليس لديها سواه
بأي شرط هذا تحرمونه من زوجته و ابنائه
و تحرمون المبتعثه جو الاسره المستقر الأنسب للدراسه

و ضياع وقتها وانشغال فكرها وتعذيب ضميرها بأنها اخذت رب الأسره عن اسرته

ارجوا اعاده النظر في الموضوع و وضع الحل الذي لابد ان يكون

اشكرك من اعماقي على هذه الاضافه
وكأنك اخرجتي مابداخلي من صرخات بشكل متسلسل و منمق
فلقد ارتجلت الموضوع بسرعه بسبب الضغط النفسي الذي اواجهه الان بعد عودتي من السفاره
وتضايقت من عنصريه موظفه السفاره وحدتها في نبره صوتها و اسلوبها الحواري الاكثر من سيء
ولم تكلف نفسها بالنظر الينا او الابتسامه حتى !!!!
غريبٌ امرها

الله يعين منجد الوضع يعور القلب بالنسبه لوضع المرافق يقدر المرافق الغير دارس قبل ماتنتهي الست شهور يخرج من الدوله المبتعثه اليها لمدة 24ساعه وارجوع اليها بعد ذلك اهم حاجه انه طلع ورد وعلى هالحال كل ست شهور وامر اخر انه يقدر يروح الامقريشن ويمدد كذا شهر قبل انتهاء الست شهور المحدده له ومالنا الا التزام ومن ناحية الوالده خذوها على حسابكم الخاص وترا المصاريف مهي بتكثر فيهاالله يسهل امورك

حبيبتي f.b.s ... اتفهم شعورك وأنا معك في نقطة انه من المفترض ان تعقد اتفاقيات بشأن موضوع عودة المرافق الغير دارس كل ستة شهور ... ولكن لم لا تنظرين الى الجانب الواقعي في الموضوع ... ترى الوزارة ما قصرت معانا بهالمرافق .. تصرف عليه وتدرسه .. وطبيعي المتزوجة لها حقوق اكثر منا لأن مسؤوليات زوجها واولادها اكثر من مسؤولياتنا .. وهي ما تقدر تاخذ زوجها وتخلي اولادها بالبلد مثلا .. صح او لا ؟؟ فعشان كذا الوزارة خلت لها هالحق اللي مو للعازبات؟؟

بس على سالفة رجوع المحرم من جد لازم يتغير هالوضع ..
لا تقهرين نفسك واعتبري ان كل شي حلو بالحياة له عيوبه .. والبعثة شي رائع وله عيوبه .. وانشاء الله ربنا يسهل علينا ويتغير هالقانون ((رجوع المرافق))
وعلى فكرة انا مو متزوجة بعد (( عشان لا تقولين اني منحازة لفئتي ))هههه
موفقة ان شاء الله

السسلام عليكم ،

لاتعقدينها على نفسك ، انتي اذا اخذتي الوالده معك ما راح يصير في نقص بالميزانيه

يعني راح تكفيكم المكافأه ان شاء الله ، ماعندي خبره لكن اتخيل كذا

و كمان لو انتهت فيزة الوالد جدديها ، و كان في فيزه قرأت بالمنتدى انو سياحيه و مدتها 5 سنوات
بس لازم المرافق يطلع و يرجع كل 6 شهور

و في شي كمان ، كلمي الوزاره و قولي لهم ان والدك هو العائل الوحيد لـ والدتك
و ماتقدرون تتركونها هنا و راح يلحقونها كمرافقه معكم ان شاء الله =)

تعوودي ماتتذمرين على المشاكل اللي عندك و تحاولين تلقين حلول كذا بتحلين المشاكل =)

و ياااارررب انها مو مشكله و تنحل بسسرعه

تحياتي لك =)

اخواتي العزيزات (مدري وش السالفه) و (Mf7tah)
انا ما اتكلم عن والدتي من الناحيه الماديه فالحمدلله الف حمد و شكر لاننا مرتاحين ماديا و والدي هو اللي راح يصرف من ماله الخاص انا ما اتكلم هنا عن نفسي انا اُناشد لتغير هالنقطتان لي و لغيري اللي رح يعتمدون في عيشتهم على المكافأه اللي راح تصرفها الدوله وليه كل الدول عادي المرافق يجلس معاها و احنا لازم يسافر و يرجع
المفروض يكون هناك توافق بين الوزاره و السفاره و مثل ما المبتعث المتزوج ياخذ زوجته و امه لانه عائلها الوحيد
ايضا يحق لي كمبتعثه يعطون والدي و والدتي الحق في مرافقتي طيله فتره دراستي من الناحيه القانونيه انا ما اتكلم عن المكافأه بحد ذاتها فكلا والداي عندهم مالهم الخاص الحمدلله لكن في ناس غيري و غيركم لا صح ؟
انا ماكتبته من اجلي فقط انا ارجوا منهم التعديل و الانصاف و العدل

ياحبيبتي انا ما طلبت المستحيل و لا اجحفت حق الدوله و كرمها علي وعلى غيري
بس انا اعاتب الوزاره على هذا التضاد اللي حاصل
وعدم توجيهنا و اعلامنا ايضاً
يعني الوزاره المفروض يكون عندها خبر بوضع المرافق القانوني باميركا لغير المتزوجه
ومفروض يكون بينهم اتفاقيه بالسماح .. حتى المذيعه هبه بكلام نواعم اشارت لهذه النقطه للسيده هيلاري كلينتون وتفاجئت وقالت اول مره اعرف و ساتابع المشكله بنفسي !!
وبعدين اذا الوزاره بتصرف على المرافق و تدرسه فـ لانها عارفه انه راح يعود عليهم هذا الشي بالنفع و يطور البلد
فرق بين مجتمع واعي متعلم ومجتمع جاهل ,, ابائنا تعلموا خارج المملكه وعادوا بشهادات الطب و الهندسه و الدكتوراه و طوروا البلد بعلمهم و فادوا مجتمعهم و دولتهم ,, واحنا الحين نفس الوضع ان شاء الله
حتى التخصصات تحددت باحتياجات الدوله عندها نقص في مجالات معينه .. صح ؟
يعني خطه مدروسه مبنيه على هدف واحد اننا نصبح من الدول المتقدمه

المتزوجه عندها التزامات و يحق لها اكيد
واحنا كمان يحق لنا لما يكون المرافق الوحيد والدنا لو هوا اخ عم خال عادي بس والدي ؟
اكيد الوضع بيكون مختلف كيف حيهنى لي بال و انا مبعده زوجين عن بعض فكري فيها !!