ابي افهم وضع المرافق الاخ

شوفي انا الي اعرفه ان قبولك لو من عند الملحقيه.......تجيبي شهاده بنكيه لأخوك من حساب للوالد او اختك اواي شخص...

وراسلي المعهخد اي جاك منه قبول ..بأنك تبغي لأخوك قبول بنفس المعهد ..وارسلي لهم الشهاده البنكيه...وهما بيحضرو لك القبول طوالي...بس شوفي امكن يتأخرو شهر او اكثر ...بس جربي راسليهم من الحين...

عشان ماتتأخري.....

واما الصرف فأخوك دراسته كلها وتذاكره على حساب التعليم العالي....بس الشهاده البنكيه تحتاجيها هنا السفاره واحضار القبول...فقط...

ولما تروحي امريكا تاخذي الضمان المالي حق اخوك من السفاره وتعطي المعهد

انا الي شفته في يوم ٢١ مارش في واشنطن يوم جاء توزيع الضمان المالي شفت المرافقين يضيفونهم مع نفس الضمان حق المبتعث

بس الطالب يجيب قبول لنفسه وماهي صعبه انه يجيب قبول

بالنسبة لتكاليف الدراسة ليست ع الطالب انما ع التعليم العالي وراح يفهمونكم في الفندق واسمه دبل تريي

اهم شيء لحد يتلقف ويروح الملحقيه كل شيء يجيكم لحدكم

في ناس راحوا الملحقيه وخسروا فلوس وفي الاخير ردوهم وقالوا لهم تستلمون اوراقكم في الفندق

يوجد صاله خاصه بالملحقيه والسفارة السعوديه

نسيت اقول لكم حاجة في اوراق لازم تعبونها وانصحكم تعبونهآ من السعوديه لانهآ كثيرة تقريبا ٩ اوراق او اكثر

الي هي حقت فتح ملف مبتعث جديد تحصلونهآ في موقع الملحقيه في النماذج

بالتوفيق للجميع

بالنسبة للقبول يفترض انكم جبتوه بنفسكم واختصرتوا الوقت وما يكلفكم كثير وما ياخذ اكثر من اسبوع لأن عامل الوقت مهم جدا والتأخير يضر ما ينفع
المفترض ان الملحقية تأمن قبول للمرافق لكن هذا المفترض !! والضغط وكثرة الطلاب والأشغال لها دور ايضا

المهم الآن:
1- أخوك لا بد يجيب قبول له بنفس تاريخ دراستك وبنفس معهدك اما عن طريق مكتب او انتم تراسلوا المعهد وتعبوا النماذج الخاصة وتدفعوا رسوم القبول والقبول ما راح يتأخر أكثر من اسبوع ان شاء الله
2- ياخذ فيزا F1 له
3- لما توصلون لأمريكا راح يعطوكم ضمان مالي لك وله يعني بيدرس على حساب الوزارة
4- بالنسبة للمرافق ما يلزمه قبول بكالوريوس اللغة تكفيه لكن اذا كان معه قبول مشروط فهذا يسهل اجراءات انضمامه للبعثة لاحقا

تحياتي وبالتوفيق،،،

مشكوررررين كلكم صرحه كلكم ماقصرتو ردودكم وسعت صدري لأني كنت اظن رفض الملحقيه تجيب له قبول معناه انه بيدرس على حسابه
الحين وكلنا مكتب يجيب له قبول لاكن دراستي قربت وبيجيب له قبول بعد دراستي بشهر يعني مرافقي بيكون الوالد بعدين راح يكون اخوي يالله خيره ان شاءالله

لازم اجيب له قبول من نفس معهدي ولا ممكن نغير المعهد بس بنفس المدينه

اكيد لا مولازم نفس معهدك لان المرافق احيانا يكون مايدرس أساسا
لكن الأفضل يكون معك