سؤال عن المحرم

مادام ممكن تروحي كوريا فـ الاختبار حيكون مو توفل حيكون شي ثاني و حيكون حسب جامعاتكم هناك
شوفي هذا ملتقى كوريا هناك عندهم خبرة عن الجامعات هناك ملتقى الصين وكوريا واليابان - .:: مبتعث ::.

وعلى فكرة عندي صحبات كوريات هنا في امريكا يدرسو اذا تبغيني اسئلهم شي ولا حاجه ههههههه

مافهمت لمن قلتي"طيب يسير اخلي نفس حقت البعثة هي الي تقدملي على جامعه" اش هي نفس حقت البعثة؟
--
وهل في مبتعثين ماكملو عشان مالقيو قبول ماادري , بس اعرف اثنين رجعو السعوديه لكن ماراحت عليهم البعثه يعني وقف الصرف عليهم ورجعو الين يلاقو قبولات وبعدين يرجعو والله اعلم اش حيصير معاهم , بس لهم فترة معينه يمكن سنة او شي زي كذا بعدها تروح عليهم البعثه لو ما جابو قبولات
--
بالنسبة لسنوات الدراسة برا حسب المرحلة والدولة والتخصص والجامعه
في امريكا مثلا الماستر يكون من سنة ونص الى سنتين (غير سنة اللغه )
البكالوريوس 4 سنين

هذا بالعموم ,
--
وبالنسبة للمعدل والدراسة والله مدري بس سمعت ان الي معدله ينزل عن 2 من 4 اعتقد يوقفو عنه الصرف (ممكن اتأكدلك بالزبط من المعلومة لو تحبي)

بس اكثر شي اعرف انهم مشددين عليه هو الحضور , لان دائرة الهجرة بنفسها تجي تشيل الواحد ترجعه بلده لو كان حضوره مو كويس , يعني مو بس مسألة ملحقية وجامعه , اكبر من كذا

ان شاءالله اكون جاوبت كل شي؟ لاني مشتته معليش
و عادي لو عندك اي سؤالك كمان خذي راحتك و رح اضيفك في الايميل اليوم

ممكن ايميلك اذا ماعندك مانع والله عندي اسئلة كثيرة
بس اذا ماتقدري جاوبينا هنا ^_^ بليز

الطفل له راتب ولكنه ضعيف لا يساوي رواتبكم يادوب يكفي حضانه او شي اعتقد انه في حدود 250 دولار بس مرة مو متأكده
ولو تحتاجي حضانه فـ الحضانات هنا مرة غاااليه

الاوراق الي ياخذها , ياخذ كل شي ,الخبرات رح تفيده كثير في التقديم على الجامعات بعدين , بعد اللغه

بس في مشكلة ان دراستك كـ ماستر حتكون سنتين و سنة للغه يعني المجموع 3 سنوات , بينما البكالوريوس دراستهم 4 سنوات وسنة للغه يعني تمتد الى 5 سنوات
يعني رح تخلصي قبل زوجك
وانتي المبتعثه الاساسية
كان في موضوع يدور حول هذا الموضوع وهل يتوقف الصرف عليه ام لا
اعتقد ما توصلو له انه لو انتهت بعثت المبتعثة الاساسية وكان باقي له نصف سنوات دراسته او اقل , رح يكمل الصرف عليه
لكن لو كان باقيله اكثر رح يتوقف الصرف عليه

احس الموضوع حساس ويبغالكم تحسبوها صح خاصه انه رح يترك وظيفته وهو عنده عائلة ,
لانه نظريا الموضوع 5 سنوات ناقص 3 سنوات = سنتين
لكن في الواقع في مدة للتقديم ماتعرفو متى تنقبلو , وفي مدة للانتهاء من اللغه ماادري لغته ممتازة حاليا ام لا , وهل انتي رح تخلصي لغتك قبله او رح تجيبي قبولك وتبدأي دراسة وهو مالقي قبول لسا وزي كذا
يعني الموضوع يعتمد على عوامل ولازم تقرأي كثير في المنتديات صدقيني رح تستفيدي من خبرات الي قبلك

--
ملاحظة : التقديم على البكالوريوس اسهل بكثير من الماجستير فـ ان شاءالله ماعنده مشكلة فيه بس برضو لازم يشوف اش متطلبات القبول

مشكوره يا عسل عالرد السريع
والله هذا اللي أنا خايفه منه و أخاف أقدم هذه السنه و السنه الجايه ما يقبلوني عشان قدمت أوراقي

طيب لو أنا بدي أكمل دكتوراه هل يمكنه هو يكمل البكالوريوس و يصرفوا عليه؟
و لا هذا له كلام ثاني؟

معليه تعبتك معايا

طبعا لو حتكملي دكتوراه يكون مرة كويس بالنسبة له عشان يقدر يكمل دراسته

طيب كويس يصير أنا أكمل الدكتوراه و هو يمكن يمديه يكمل ماستر بعد البكالوريوس
مشكوره يا عسل عالمساعده الله يوفقك في دراستك