عاجل جداً جداً جداً (أبشركم تعينت) ولكن بعثتي..!!

سلام عليكم ... الف مبروك الوظيفه ياخوي .... اولا قلتها انت الوظيفه بنفس المدينه ثانيا حكوميه ثالثا صعب تلاقي وظيفه رابعا الابتعاث متعب والله العالم بالي مريت فيه ... توكل على الله وتوظف دام ان عندك ماستر وتوك متوظف لا والله تمسك فيها ( مجرد رائي شخصي فقط لاغير )

يا إخوان, من حق المسلم على أخيه المسلم أن تنصح له إذا استنصحك. كما جاء في حديث الصادق المصدوق صلى الله عليه وسلم..

ولا تتفرجون وتمشون متأثرين بديموقراطيـة الغرب اللي تدرسون عندهم.؟؟!!!!

تحياتي للجميع

استخير

وشورتي لك باشر الوظيفة

شكراً لتفاعلك يادكتــوره إيثــار, وبالمناسبة: ترى في الموضوعات اللي مثل هذي و تنطرح من قبل الإخوة اللي بحالتي, ألاحظ فيها إن البنـات دائماً يختارون خيار الوظيفة؛ يمكنهم لأنهم ملسوعيـن وبقوة من شح الوظائف للعنصر النسائي في دولتنــا,, ما نعرف النساء إلا معلمات, وقليل نشاهدن طبيبات, والوزارات الحكومية خالياً تماماً من أقسام نسائية إلا ما ندر.

والله وانا اخوك بعطيك وجهة نظري لكنها في الأخير ترجع لظروفك وتوجهاتك لكن بتكلم معك وبعطيك وجهة نظري بشكل عام ومن تجربة
بالنسبة للابتعاث لشخص لايجيد اللغة الانجليزية بشكل جيد اعتقد انه افضل من الوظيفة بدون نقاش

نجي لوظيفتك اللي تهايط علينا بها ياوكيل وزارة المالية ههههههه >> لا احد يجي مطفي النور ترا الأخ جزا صديق واخ عزيز لي
المرتبة اللي ذكرتها لنا استغرب انهم يعينون شخص بمثل مؤهلاتك فيها لأنها بعد احترامي وتقديري ماتأكل عيش لأنها تقريبا تساوي مكافأتك لو ابتعثت تزيد شوي او تنقص شوي اذا قارنتها من بالفائدة اللي بتجنيها من الأبتعاث اعتقد مافيه مقارنة.
لكن نجي للناحية الثانية وهي الابتعاث لدراسة الدكتوراة .. الصعوبة تكمن وانا اخوك في الحصول على القبول الدكتوراة لأن شروط القبول صعبة من ناحية قبول عدد قليل من الطلاب وكذلك لابد الحصول على درجات عالية جدا في إختبارات اللغة سواء التوفل او الايلتس وكذلك الاختبارات الخاصة بالقدرات مثل الجيمات او الجي ار اي وبصراحة ١٨ شهر يمكن ماتكفي للحصول على هذه المتطلبات.

لكن اعتقد لو تستطيع ان تباشر في وظيفتك وتحصل على اجازة استثنائية لمدة سنة لتسافر وتجرب وتقيس الأمور بنفسك ربما يكون افضل او عندي لك اقتراح اخر اذا كنت متحمس للابتعاث هذا الأقتراح توه جاي على بالي ولكن ربما تصفني بالجنون لكن والله العظيم اني افكر فيه لنفسي من زمان وهو بما انك ذكرت لي عمرك وهو يتناسب مع التقديم للماستر لماذا تقدم كطالب ماستر لتتفادى شروط الدكتوارة الصعبة.


عموما انصحك بالاستخارة والله يوفقك ويقدم لك اللي فيه الخير في حل وترحالك .

هــنـا مربــط الفـرس يابن العم, بس أهم شي إني ما أسوي تعديل مهنـة في الأحوال المدنية؛ مشان لا يقفطني برنامج الابتعـاث, وهذي نصحني بها الولهـان.

تحياتي لك ولا نعدم نصايحك الهتلريـة

تمنياتي لك بالتوفيق في جميع اختيارتك

وعليكم السلام ورحمة الله وبركاته
أحب أن أبارك لك أخي العزيز حصولك على الوظيفة وهي مطلب مهم ودخل ثابت يصعب الاستغناء عنه لشاب طموح ومكافح مثلك وأي خيار غير هذا الخيار يعتبر مخاطرة لأنك لا تظمن الابتعاث .
ومع ذلك أقول ناصحاً : إذا كان عمرك أقل من 40 سنة فمجال الدراسة في الخارج لم يغلق بابه وما فاتكم اليوم تدركونه غداً .
لي عودة للموضوع

مساء الخير اخوي بما انك تقول انه جاتك وظيفه تتبع وزارة التربيه والتعليم حبيت ابشرك انه الوزاره نزلت ابتعاث للمعلمين والمعلمات وتقدر تقدم عليها والتقديم في شهر سته من هذي السنه والسنه الجايه هي لها شروط منها الدورات والخدمه تكون سنتين وتوفل ٤٥٠ بس يمديك ان شاء الله تجيبها فامسك وظيفتك وان ما حصلك تطلع ابتعاث علي حساب الوزاره قدم اجازه دراسيه ورح كمل وانظم من دوله الابتعاث والله يوفقك الجميع