أبغى رأيكم في هالتخصص وهالجامعات تكفووووون

أخواني

أنا مختاج مشورتكم واسمحوا لي افهمكم وضعي.. بس والله ودي استنير برايكم لاني أعرف أنه فيه ناس أكثر من خبرة أكاديميه ومعرفه وما استغني والله عن رأيكم..

أنا الله يرعاكم خريج كلية الجبيل الصناعيه عام 2002 تخصص تقنية الهندسه الكهربائيه .. واشتغلت في أرامكو خمس سنين وعندي دورات في عملي ودورات لغه والحمد لله خلفيتي كويسه في مجال تخصصي.. استخرت الله واستقلت من وظيفتي والتحقت بالبعثه هالسنه في الspring 2008

تخصصي الان هندسة كهربائيه وأدرس في جامعه Tri-State University,Angola,IN هالتخصص والجامعه جايبتها الوزاره بس الجامعه برايفيت لك عليها والديرة يالله لك الحمد لا خلق صاحين ولا ديرة صاحيه.

في خاطري اغير تخصصي لتخصص موجود في كثير من الجامعات اللي عندها برامج تقنيه وهندسيه اسمه Technology Management لعدة أسباب:

1- التخصص هذا يقبل الtransfer student اللي عندهم associate degree وعندهم خبره عمل واغلب الجامعات مصممته للي عنده خبره عملية ويبغون يحصلون على الشهادة الجامعيه.
2- يعادل أغلب ساعات دراستك اللي درستها في الدبلوم ان لم يكن كلها (مع الاخذ في الاعتبار انه لك جامعه خصوصيتها) وتكمل في كورسات اداريه و تطور مهاراتك القياديه
3- تقدر تكمل ماستر في نفس التخصص
4- مقارنة بالهندسة أسهل بكثير

أنا متخوف من هالتخصص في السعوديه أخاف اجيب الشهاده وارجع السعوديه وأقعد بهاhttp://www.mbt3th.us/vb/imgcache/36168.imgcache
تكلمت مع رئيس القسم في جامعة Missouri State, Springfield متخرج من هالقسم ونصحني فيه بس مو عارف كيف الوضع في السعوديه.


الان بحوزتي قبول من هالجامعات في التخصص
Arizona State, Mesa
Central Connecticut State
Eastern Michigan


وعندي قبول في تخصص Electrical Engineering Technology من الجامعات

Purdue University, Calumet
University of North Carolina, Charlotte
IUPUI, Indianapolis




نصيحتكم يا أخواني .. والله أني محتاج لها وراعي الحكمة يقول من خاب استخار وما ندم من استشار....