السلام عليكم
طبعا انا كل سنة اعبي دي الاستمارة خبرة لوووووووووووووول المهم اللي عندو اي سؤال يحطو هنا
اللي عندهم اسئلة في كيفية تعبية استمارة التقديم للجامعات الاجنبية ... واللي ما عمره سمع عنها :gun1:
حبيت اساعدكم في كيفية تعبئتها وراح امشي معاكم خطوة خطوة واقول لكم ايش تحطوا
........>>
كان في موضوع اول مثبت عن كيفية تعبيتها بس ما لقيته دحين
اولاً من فين نجيب الاستمارة يا شطار ؟ :bb:
ادخل على صفحة
التسجيل للبعثات
ادخل على صفحتك .. حط رقم الطلب والباسوورد
لما تدخل على صفحتك تلاقي ع اليمين قائمة
اضغط على ( نماذج مهمة )
لما تفتح الصفحة حتلاقي ( استمارة التقديم للجامعات الأجنبية )
اضغط على تحميل
طبعاً ح تحتاج لبرنامج الوورد عشان تقدر تشغلها
طبعاً هي من الاوراق المطلوب تسليمها يوم تدقيق الوثائق والمعلومات ( بعد انتهاء التسجيل بعشرة ايام تقريباً )
ثانياً .... اللي هيا بعد أولاً طبعاً
كيف نعبي الاستمارة ... راح نمشي خطوة خطوة ( راح احط لكم تعليقاتي باللون الازرق )
فاااااااااااااااااااااااااااااااااااااصل قبل نكمل الموضوع
----------------------------------------------------------------------------------------------------------
اول شيء قبل كل شيء كيف نعبي الفراغات بالاستمارة طبعا دا من شرح Biochmist وغير منقول http://up.7cc.com/upfiles/BRT47767.gif http://up.7cc.com/upfiles/Ty347768.gif http://up.7cc.com/upfiles/jsi47768.gif
----------------------------------------------------------------------------------------------------------------------
ثاني شيء تحميل الاستمارة من هذا الموقع طبعا كثير قالو انو الاستمارة ما فتحت معاهم عن طريق موقع الوزارة ومن حسن حظي اني حملتها على جهازي من اول والان حملتها لكم على موقع عشان تعبوها بالتوفيق
mission111.doc
او من هذا الرابط
mission111.doc -=-=-=-=-=-=-=-=-=-=-
نعود للشرح
Application for International Students
استمارة التقديم للطلاب الاجانب
-=-=-=-=-=-=-=-=-=-=-
Section A: Enrollment القسم A : التسجيل
Applying for:
التقديم لـ:
Seeking Degree: Bachelor Master’s Doctorate Medical Fellowship.
الدرجة اللي راح تكملها : البكالوريس(بالنسبة للي تخرجو من الثانوية يختارو هذا الخيار) - الماجستير (بالنسبة للي تخرجو من الجامعة ومعاهم درجة البكالوريس يختارو هذا الخيار) - الدكتوراه - الزمالة الطبية اختاروا الدرجة العملية اللي تبغوا تدرسوها ...
يعني اذا تبغوا ماجستير اضغطوا على المربع اللي قبل الكلمة ضغطتين يطلعلكم مربع اختاروا منه ( Checked )
عشان يحط علامة صح جوا المربع
Study Major:
التخصص : اكتبوا التخصص اللي اخترتوه في التسجيل ع البعثة
ومو تكتبوا تخصص وبعدين في التسجيل ع البعثة تكونوا مختارين تخصص تاني !!
اللي ب يغيروا التخصص كل شوية ينتبهوا للموضوع دا :throw:
-=-=-=-=-=-=-=-=-=-=-
Section B: Personal Information القسم B: المعلومات الشخصية
Please write your name as it appears in your passport.
كاتبين تحذير انه لازم تكتب اسمك زي ما هو مكتوب في جوازك
Family Name:
اسم العائلة
First Name(s):
الاسم الأول
Middle Name:
الاسم الاوسط ( اسم الاب )
E-mail Address:
البريد الالكتروني ( اكتبوا ايميل صحيح واللي تستخدموه عادةً واتأكدوا انكم كاتبين الايميل صح )
Date of Birth: Day: Month: Year:
تاريخ الميلاد : اليوم: الشهر: السنة: يفضل يكون بالميلادي (من اليسار الى اليمين)
Gender: Male: Female:
الجنس: ذكر: أنثى: ( اللي ينطبق عليكم اكتبوا قدامه Yes )
Place of Birth: City: Country:
مكان الميلاد - المدينة: الدولة:
Country of Citizenship:
البلد اللي مقيم فيها ( مواطن في اي بلد ؟ ).. اذا كنت عايش في السعودية تكتب السعودية طبعاً
Passport No.: Issuing date: Expiration Date:
رقم الجواز: تاريخ الاصدار: تاريخ الانتهاء: يفضل وضع التواريخ بالميلادي وكما هي مكتوبة بالجواز بترتيب الشهر و اليوم و السنة طبعاً تكتب معلومات جواز ساري المفعول -=-=-=-=-=-=-=-=-=-=-
Section C: Student’s Home Country Address القسم C : عنوان الطالب في بلده
Street Address:
عنوان الشارع ... يعني عنوان بيتكم انا كتبت فيه كمان رقم صندوق البريد لانه ما له مكان في المعلومات هما طالبين الرمز البريدي فقط
City:
المدينة
Province/Country:
المحافظة / الدولة
Postal Code:
الرمز البريدي
Telephone:
رقم الهاتف او الجوال
Email:
البريد الالكتروني -=-=-=-=-=-=-=-=-=-=-
Section D: Mailing Address القسم D : عنوان المراسلة
This is the address to which your acceptance package will be mailed.
يقولك انه راح تراسلك الجامعة على عنوان المراسلة اللي راح تكتبه هنا تقريباً هو تكرار للمعلومات اللي حطيتها في القسم C اللي قبله
Street address:
عنوان بيتكم طبعاً زي ما قلت لكم انا كتبت رقم صندوق البريد هنا لانه كيف ح يراسلوني اذا ما يعرفوا صندوق بريدي ؟؟؟؟ قلت اكتبها بعد الرمز البريدي بس خفت يقولوا لي مزودة خانة P.O. Box ليييييه :whack: انا كتبت كدا blah blah blah street , blah blah blah district , P.O. Box: 00000
City:
المدينة
Province/Country:
المحافظة / الدولة
Postal Code:
الرمز البريدي
Telephone:
رقم التلفون او الجوال
Email:
البريد الالكتروني -=-=-=-=-=-=-=-=-=-=-
Section E: Dependent information القسم E : معلومات الاشخاص اللي يعيلهم الطالب
If you intend to bring dependent(s) with you, please provide the following information for each dependent:
يقولك اذا ناوي تجيب معاك اشخاص تعيلهم ( زوج, زوجة , اطفال ) اكتب معلومات كل فرد فيهم هنا تحذيــــــــــــــر: فقط اللي معاهـ/ـا عائلتهـ/ـا يكتب معلوماتهم في الجدول دا
الطالبة اللي معاها محرم (ابوها او اخوها )لا تكتب معلوماته هنا ابدا ابداً هذا فقط خاص بالمبتعثة اللي مرافقها زوجها او المبتعث اللي مرافقته زوجته
لانو كلمة
Spouse
تعني الزوج او الزوجه وليست الاب او الاخ
الجدول يحتوي على الاعمدة التالية ( من اليسار لليمين )
Last Name الاسم الاخير
First Name الاسم الاول
Middle Name /Middle Initials الاسم الاوسط ( اسم الاب ) او الحرف الاول من اسم الاب
Date of Birth DD-MM-YY تاريخ الميلاد حسب الترتيب التالي تماماً سنة-شهر-يوم
Country and City of Birth الدولة والمدينة اللي اتولد فيها الطفل او الزوجة
Country of Citizenship الدولة اللي عايش فيها او مواطن فيها
Gender M/F الجنس ( اكتب M للذكر / F للأنثى )
الصفوف اللي في الجدول الصف الاول Spouse يعني الزوج او الزوجة , والصفوف الباقية Child الطفل -=-=-=-=-=-=-=-=-=-=-
Section F: Educational Background القسم F : المعلومات الاكاديمية
Master’s Major: GPA: ( 4.07 / 5 ) (for example 4.0/5) If applicable.
للي بيقدموا ع الدكتوراه بس : تخصص الماجستير: المعدل ( / ) ----> مثال ( 3.75/5 )
Undergraduate Major: GPA: ( 4.07 / 5 ) (for example 4.0/5).
للي بيقدموا ع الماجستير:تخصص البكالوريس: المعدل ( / ) ----> مثال ( 3.75/5 ) للي معدلهم بالنسب .... اكتبوا المعدل بالنسبة زي ما هو في الوثيقة لا تحولوه لمعدل من 5 او من 4
يعني اللي معدلهم
(90/ 100)
List the most recent high schools, and/or all colleges and universities you have attended:
اكتب معلومات اخر جامعات درست فيها او معلومات الثانوية ( للي متخرجين من الثانوي )
Name of School or Institution
اسم المدرسة او الجامعة او الكلية
City/State/Country
المدينة/ الولاية / الدولة ..... >> ماعندنا ولايات :gun1:
Date Attended
السنوات الي درست فيها في الجامعة دي طبعا حتلاقي تحتها 3 مربعات مربع فارغ بعده to الى بعده مربع فارغ ( من اليمين الى اليسار ) مثلا 2009 l 2005 to
Graduation date
تاريخ التخرج
Major and Degree
التخصص والدرجة العلمية ( بكالوريس او ماجستير او ثانوية عامة )
يعني
high school
If you have taken any of the following tests, please report score and test date.
(Include copies of test score reports, if available).
اذا اختبرت التوفل او GRE او GMAT حط المعلومات حقته في الجدول و تحط مع الاستمارة دي نسخ من تقارير نتايج الاختبارات اذا عندك
واذا مو عندك اتركها فاضية
-=-=-=-=-=-=-=-=-=-=-
Section G: Career Experiences القسم G : الخبرات العملية
List your previous work experience or past short courses and training programs attended in the past:
اذا عندك خبرة عمل او برامج تدريب او دورات اخدتها اكتب معلوماتها في الجدول الاعمدة اللي في الجدول:
Company OR Institution اسم الشركة او المعهد
Job Title OR Short Course Name المسمى الوظيفي او اسم البرنامج التدريبي او الدورة
City/State/Country المدينة / الولاية / الدولة
Date Attended الفترة العمل او البرنامج او الدورة
-=-=-=-=-=-=-=-=-=-=-
Section H: Recommendations القسم H : التوصيات
هذا خاص بخريجي الجامعات يعني حقون الثانوية العامة اتركوه فاضي
List of recommenders
قائمة المزكين او الموصين الجدول يحتوي على
Name اسم الدكتور او الاستاذ اللي اعطاك توصية
Institution في اي جامعة او كلية الدكتور
Waiving the right to view letters of recommendation:*
بعدين بيسألوك اذا كان تسمح لهم يطلعوا على التوصيات تبعك
I wave the right. اسمح
I don’t wave the right. ما اسمح
في جامعات اجنبية تطلب التوصية تكون في ظرف مغلق من الدكتور عشان ما يتطلع عليها الطالب
عشان كدا هما حاطين دا السؤال .. في حال انك جايب توصية في ظرف مغلق
-=-=-=-=-=-=-=-=-=-=-
Section I: Emergency Contact القسم I : الشخص اللي يتم الاتصال فيه في حالة الطوارئ لا قدر الله
In the case of an emergency who should we contact?
في حالة الطوارئ مين الشخص اللي تبغاهم يتصلوا فيه ؟
Name:
اسمه
Relationship:
قرابته
Phone:
رقم تلفونه او جواله
Email:
بريده الالكتروني -=-=-=-=-=-=-=-=-=-=-
Section J: Student Visa
هذي بالنسبة للي ماعندهم فيزا يحطو
none
انا مثلا كنت بي امريكا دا الصيف (الحمدلله على السلامة) وعندي فيزا سائح من نوع
Visitor (B-1/B-2
عشان كدا اخترت الخيار
Visitor (B-1/B-2)
بس بالنسبة للي ماعندهم اي نوع من الفيزا اللي تحت او عمرهم ما طلعو فيزا يفضل انهم يختاروا
none
القسم J : تأشيرة (فيزا) الطالب
What type of Visa are you currently holding?
ايش نوع التأشيرة ( الفيزا ) اللي عندك حالياً؟
None.
ما عندك تأشيرة ( فيزا )
Student (F-1) Exchange (J-1) Visitor (B-1/B-2) Other:
اذا عندك تأشيرة حدد اي وحدة فيهم
Currently, which Country are you living in?
في اي بلد تعيش حالياً ؟
Saudi Arabia.
السعودية
Other:
اخرى ( حددها ) (الحمدلله رجعت بالسلامة) -=-=-=-=-=-=-=-=-=-=-
Section K: Living Arrangements القسم K : ترتيبات المعيشة
I need housing arrangement for:
تحتاج يرتبوا لك سكن ؟ ( اذا تبغى سكن اشر صح على المربع اللي قبل السؤال اضغط ضغطتين عليه )
Dormitory
غرفة في سكن الجامعة
Homestay Family.
تعيش مع عائلة (انا دايمن افضل دا الخيار لانو العيش مع عائلة يقوي اللغة)
Private Apartment
شقة خاصة اختار واحد فيهم في حال اخترت انك تبغى سكن في السؤال اللي فوق
I need arrangement for airport pickup.
اذا تحتاج احد ياخدك من المطار اول ما توصل البلد هناك اشر على المربع صح بضغطتين -=-=-=-=-=-=-=-=-=-=-
Section L: Authorization Statement القسم L وهنا كلام طويل عريض توقع عليه مختصر الكلام انك تحلف وتقسم بالله ما عاد تعيدها تاني ... امزح تقسم ان المعلومات الموجودة في الاستمارة كلها صحيحة وانك تسمح لوزارة التعليم العالي او مين ينوبها انه يكمل عنك الاجراءات والاوراق التانية ويوقع عليها عشان تحصل على قبول من جامعة او معهد وانك تسمح للوزارة تقرر عنك المكان اللي حتروح له عشان تدرس في معهد اللغة الانجليزية :shutup2::wheelchair::gun1: في الجدول اللي تحتها اكتب اسمك في الفراغ اللي ع اليسار و اكتب التاريخ وبعدها وقع انك موافق ع الكلام اللي فوق -=-=-=-=-=-=-=-=-=-=-
طبعاً كله لازم يتكتب بالكمبيوتر ..... ابداً لا تعبي اي شي بخط يدك وإلا تعتبر الاستمارة لاغية الشي الوحيد اللي حتمسك فيه القلم وتشخمط ع الورقة .. للتوقيع اللي في النهاية فقط :bb:
وطبعا لاتنسو تحطو التاريخ بالميلادي وانا افضل انكم تكتبو التاريخ حق يوم التدقيق حقكم وطبعا خلو التاريخ بالميلادي
اي اقتراحات او تصحيحات او اعتراضات كلي اذاناُ صاغية
ولا يردكم الا الكيبورد
وبس وادعولنا ننقبل في البعثات كلنا يااااارب
