-
اعــلان مــراكز التدقــيق+ الأوراق المطلــوبه
ترحب وزارة التعليم العالي بالمرشحين لتدقيق وثائقهم في المرحلة السابعة في برنامج خادم الحرمين الشريفين الملك عبد الله بن عبد العزيز للابتعاث الخارجي. وتدعوهم للحضور لمراكز التدقيق التي ستقام في ست مدن ابتداءً من 16/10/1432هـ. وكل من لم يحضر في موعده المحدد سيسقط حقه في الترشيح . كما تؤكد الوزارة على إحضار جميع المستندات والوثائق المطلوبة الموضحة في الموقع. |
-
رد: اعــلان مــراكز التدقــيق+ الأوراق المطلــوبه
شكرا لك بس هذي رسلوها ع الايميلات ؟؟
-
رد: اعــلان مــراكز التدقــيق+ الأوراق المطلــوبه
^^
انتظرهآإ اليوم او بآإتسر وان شاء الله يرسلونها مع الآوقات ..~
-
رد: اعــلان مــراكز التدقــيق+ الأوراق المطلــوبه
يا ناس انا مستوفيه لكل الشروط ولا جاني شي وش الدبره
-
رد: اعــلان مــراكز التدقــيق+ الأوراق المطلــوبه
حتى انا نفس الشيء ماجائني شيء ><
وش الحل ؟!!!
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة memeoo
يا ناس انا مستوفيه لكل الشروط ولا جاني شي وش الدبره
راح تأتيك رساله بالقريب..
ان لم تأتي تواصلي مع الوزارهـ...
كل من تنطبق عليه الشروط فهــو مرشح...
-
رد: اعــلان مــراكز التدقــيق+ الأوراق المطلــوبه
يالربع أحـد جآته رسآله على الإيميل ؟؟؟
-
رد: اعــلان مــراكز التدقــيق+ الأوراق المطلــوبه
جاتني من قبل رسالة الترشيح بس هذي ما جات
-
رد: اعــلان مــراكز التدقــيق+ الأوراق المطلــوبه
رساله ايش قصدكم ..؟؟؟ اذا تتكلمون عن رساله ترشيح فهي جاتني مرتين بالايميل
واللي ما جاتهم الرساله لاتخافون ان شاء الله راح يرسلونها وخصوصا اذا كنتوا مستوفين للشروط
والله يخليك ويعافيك بريستيج على هالروابط من جد فادتني كثيرررررررر والله يوفقنا لما يحبه ويرضاه
-
رد: اعــلان مــراكز التدقــيق+ الأوراق المطلــوبه
شكرا جزيلا الله يعطيك العافيه ...
-
رد: اعــلان مــراكز التدقــيق+ الأوراق المطلــوبه
شباب هم واعدونا افي الرسالة انهم بيرسلون لنا رسالة ثانية في موعد التدقيق
أحنا ننتظر الحين تجينا بما انهم حطوها ع الموقع علشان نعرف اي وقت نروح لهم و رقم مجموعتنا
السؤال اللي يسدح نفسه هل يوجد شخص جاته الرسالة الثانية ؟
-
رد: اعــلان مــراكز التدقــيق+ الأوراق المطلــوبه
ياجماعه انا ما جاني شيء على الايميل
هل هذا يعني اني غير مرشح
وكيف اتواصل مع وزارة التعليم العالي وانا لست في الرياض
-
رد: اعــلان مــراكز التدقــيق+ الأوراق المطلــوبه
مشكور اخوي
والله لو مالله ثم انت ما تحركت لان ماجاتني رساله عن تاريخ التدقيق والحين باانقز اطب على جامعتي واخذ وثيقتي واترجمها
بس بخصوص الجواز يطوول على مايطلع والا اشلووون مشكووووووووووور مره ثانيه يابرسيج
-
رد: اعــلان مــراكز التدقــيق+ الأوراق المطلــوبه
طيب كل واحد له يوم محدد ولا لا ؟
اخاف يجي موعد التدقيق قبل لا اخلص اوراقي من جامعة الهم :(
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة اكبر طموح
مشكور اخوي
والله لو مالله ثم انت ما تحركت لان ماجاتني رساله عن تاريخ التدقيق والحين باانقز اطب على جامعتي واخذ وثيقتي واترجمها
بس بخصوص الجواز يطوول على مايطلع والا اشلووون مشكووووووووووور مره ثانيه يابرسيج
الجواز يطلع بنفس اليوم ,, واذا طول مره ياخذ يوم
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة إنسآنه
طيب كل واحد له يوم محدد ولا لا ؟
اخاف يجي موعد التدقيق قبل لا اخلص اوراقي من جامعة الهم :(
يقوولون انه كل مجموعه لها يوم والتدقيق صباح وظهر وعصر
اما جامعات الهم الله لايسامح اي مسوؤل تهاون في ادائه الوظيفي وطاحت ع روؤسنا
بس بفهم ياناس ياهوووووة قد شفتو قسم لغة عربية في اكاديمية جامعية بالطائف مايقدرون يضغطون ال shift وألف بهمزة
لكن تدروون لو خادم الحرمين يدري عنهم كان شاتهم بحركة من اصباعة
حسبي الله عليهم لعبو في حسبتي وفي معدلي ولعبو في ناس كثير الله لايسامحهم
-
رد: اعــلان مــراكز التدقــيق+ الأوراق المطلــوبه
استشارة : توني مخلص تحضيري وتخصصت حاسب ، سجلت في الابتعاث ورشحوني هل اكمل حاسب ولا اروح طب ،طبعا انا مالي في الحاسب ابد.
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة دختور
شباب هم واعدونا افي الرسالة انهم بيرسلون لنا رسالة ثانية في موعد التدقيق
أحنا ننتظر الحين تجينا بما انهم حطوها ع الموقع علشان نعرف اي وقت نروح لهم و رقم مجموعتنا
السؤال اللي يسدح نفسه هل يوجد شخص جاته الرسالة الثانية ؟
لاحس ولاخبر
الله يستر
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة Surgeon19
استشارة : توني مخلص تحضيري وتخصصت حاسب ، سجلت في الابتعاث ورشحوني هل اكمل حاسب ولا اروح طب ،طبعا انا مالي في الحاسب ابد.
استخير
والله يكتبلك الي فيه الخيره
-
رد: اعــلان مــراكز التدقــيق+ الأوراق المطلــوبه
الله يعطيك العافية أخوي على الموضوع
،،،، اقتباس:
المشاركة الأصلية كتبت بواسطة القلم الخفي
ياجماعه انا ما جاني شيء على الايميل
هل هذا يعني اني غير مرشح
وكيف اتواصل مع وزارة التعليم العالي وانا لست في الرياض
هاتف البرنامج
2107533 -1- 966 تحويله: 178 - 201
البريد الالكتروني : KASP@mohe.gov.sa
الله ييسر لك أمورك
،،،
-
رد: اعــلان مــراكز التدقــيق+ الأوراق المطلــوبه
بس بالطلبات ماكتبو شي عن التوصيات هي ضروريه او لا؟
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة حلم وحققته
بس بالطلبات ماكتبو شي عن التوصيات هي ضروريه او لا؟
ضروريه كيف تقدمين على درسات عليا بدون توصيات
-
رد: اعــلان مــراكز التدقــيق+ الأوراق المطلــوبه
ياحلويين
في استمارة التقديم للجامعات الاجنبية مكتوووب التوصيات من ضمن الطلبات فيها
يعني التقديم ع الجامعات الاجنبيه مايتم بدون التوصيات :)
-
رد: اعــلان مــراكز التدقــيق+ الأوراق المطلــوبه
فجأة جاني مغص في راسي ،. الله يوفق الجميع
-
رد: اعــلان مــراكز التدقــيق+ الأوراق المطلــوبه
انا عندي بس بالعربي ويش السواة والدكاتره اكيد ماراح يذكرو والا بعضهم سافرو
-
رد: اعــلان مــراكز التدقــيق+ الأوراق المطلــوبه
الله يسهل علينا ويجعلنا من المقبولين نهائيييا ياكرريييييييم ..
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة حلم وحققته
انا عندي بس بالعربي ويش السواة والدكاتره اكيد ماراح يذكرو والا بعضهم سافرو
ترجميه من مكتب معتمد
-
رد: اعــلان مــراكز التدقــيق+ الأوراق المطلــوبه
الحين كيف يرسلون لنا استماره تعبئة بيانات الجامعات الاجنيه وباقي ما ححدو الدوله المبتعث اليها يمكن اعبي الاستماره لجامعه بأمريكا ويطلع اني مبتعث لكندا ؟؟
وش السالفه ياولد شكلهم ما يبونا نطلع
ياحلوين عندي سوال بسيط جدا جدا الحين كاتبين الهويه الوطنيه وش قصدهم فيها يعني عادي نكتفي بالجواز ولا لازم بطاقة احوال ؟؟
-
رد: اعــلان مــراكز التدقــيق+ الأوراق المطلــوبه
يعطيك الف عافيه اختي / ALhsnaa
وماقصرت
-
رد: اعــلان مــراكز التدقــيق+ الأوراق المطلــوبه
ياجمااعه انا ارسلو لي على الايميل تم الترشيح بس ماحددو موعد المشكله انه انا بتبوك واحطيت التدقيق بالرياض يعني السالفه يبيلهاا حجز طياره واخااف يروح علي الموعد ... ايش اسوي قولو لي موعد محدد اروح فيه والمشكله لسى اوراق السجل الاكاديمي ماترجمتها لانه ماعرف اماكن ترجمة بتبوك ولا كملت اوراقي ..... الله يعين
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة سزوكي
الحين كيف يرسلون لنا استماره تعبئة بيانات الجامعات الاجنيه وباقي ما ححدو الدوله المبتعث اليها يمكن اعبي الاستماره لجامعه بأمريكا ويطلع اني مبتعث لكندا ؟؟
وش السالفه ياولد شكلهم ما يبونا نطلع
ياحلوين عندي سوال بسيط جدا جدا الحين كاتبين الهويه الوطنيه وش قصدهم فيها يعني عادي نكتفي بالجواز ولا لازم بطاقة احوال ؟؟
دائما يقبلون الرغبة الأولى فأنت اكتب بياناتك على أساس الرغبة الأولى
و بالنسبة للهوية الوطنية ( يا دفتر العائلة أو بطاقة الأحوال )
الجواز ما يكفي لانه ما فية رقم السجل المدني و هما يبغون بطاقة فيها السجل المدني
الله يوفق الجميع
-
رد: اعــلان مــراكز التدقــيق+ الأوراق المطلــوبه
اقتباس:
المشاركة الأصلية كتبت بواسطة جوهره البلوي
ياجمااعه انا ارسلو لي على الايميل تم الترشيح بس ماحددو موعد المشكله انه انا بتبوك واحطيت التدقيق بالرياض يعني السالفه يبيلهاا حجز طياره واخااف يروح علي الموعد ... ايش اسوي قولو لي موعد محدد اروح فيه والمشكله لسى اوراق السجل الاكاديمي ماترجمتها لانه ماعرف اماكن ترجمة بتبوك ولا كملت اوراقي ..... الله يعين
التدقيق يبداء 15 / 10 يوم الثلاثاء الجاي و يستمر 9 أيام
فأنت احجزي من اللحين و الثلاثاء تعالي الرياض و ترجمي فالرياض
الله يوفق الجميع ....
-
رد: اعــلان مــراكز التدقــيق+ الأوراق المطلــوبه
يالله هذي الرساله ما جتني و ودي اعرف موعدي زهقت من القلق ممكن احد يغيير موعد مقابلته لو عنده ظرف معين ولا لأ؟
-
رد: اعــلان مــراكز التدقــيق+ الأوراق المطلــوبه
يا ناس تابعو حالة الطلب .. أنا لقيت بالتنبيهات مرسلينلي تنبية بموعد التدقيق وقالو تابعي التفاصيل بالموقع .. وتروو ما ارسلووو شي ع ايميلي ...
تابعووو اطلب تحت خانة التنبيهات ...
بالتوفيق ..
-
رد: اعــلان مــراكز التدقــيق+ الأوراق المطلــوبه
-
رد: اعــلان مــراكز التدقــيق+ الأوراق المطلــوبه
الفزعة يا اخوان ، واخوات :
سجلت بالبعثة لي ولأخوي ، بنفس الإيميل والحين جالسة توصلني إشعارات بدون اسماء لمواعيد التدقيق فما أعرف متى موعدي ومتى موعد اخوي :s !
انني في حيرة :/
-
رد: اعــلان مــراكز التدقــيق+ الأوراق المطلــوبه
يابنات وياشباب أنتــــــــــــــــــــــباه
شيكو على موقع وزارة التعليم العالي ادخلوا بالأسم والرقم السري تبعكم وشيكوا عىل التنبيهات
الحمد لله أنا كتبوا لي في التنبيهات موعدي بالتاريخ والساعة والمكان وكاتبين أنهم رسلو على الإيميل بتارخ اليوم ميلادي
فأعتقد راح توصل الرسايل على الإيميل الليلة أو بكرة
فشيكو على الموقع تبع الوزارة وبالتوفيق للجميع
-
رد: اعــلان مــراكز التدقــيق+ الأوراق المطلــوبه
يا ربيييي ماحد رد علي!! يعني ماحد يدري اذا ممكن تغيير موعد التدقيق ولا لا؟ فقط أبغاه قبل موعدي ب 24ساعه :(
-
رد: اعــلان مــراكز التدقــيق+ الأوراق المطلــوبه
تم الدخول للبوابة وعرفت موعدي وموعد أخوي ، الحمد لله ، يا للسعادة ^_^
-
رد: اعــلان مــراكز التدقــيق+ الأوراق المطلــوبه
الحمدلله جاني الموعد و المكان على الإيميل! بالتوفيق للجميع!