استفسار بخصوص معهد ALP IN OHIO STATE

http://www.mbt3th.us/vb/forum149/thread327111.html

شوفوا الموضوع

وش هالمعهد يالله .. ووش هالوزاره اللي تعطي ضمان صياغته مو مقبوله
الله يستر .. انا ماوصلني رد لا لي ولا لزوجي وراسلت الملحقيه والوزاره والعالم كلها في اجازات وخارج مكاتبها لبعد الاسبوع الجاي
فالظاهر مافي حل الا الشهاده البنكيه ولكن هل يكفي ارسلها ايميل ولا لازم بريد ؟ وابغى رقم بوبي ولا دينا لان رقمها راح الله يعطيكم العافيه

سوال شاطح اللحين لو قبول المعهد بشهاده بنكيه في السفاره لازم اعمل المقابله بالشهاده والا يكفي اقولهم اني مبتعثه ؟؟؟

^^ فعلاً سؤالك مهم للغاية

لاني ممكن اسوي نفس الحركة

ياربى وش ذا قالوا نبغ شهادة بنكيه والوزاره مو مهتمه بالله ضمان صيغته مادرى كيف ................... يارب ارحمنا

الماسه ربك كريم

ما تضيق الا تفرررج

بس فعلاً صيغة الضمان ركيكة بالنسبة للدولة

امس رحت للوزارة بخصوص هالموضوع و قابلت المستشار (تراه يقابل الطلاب من الساعة ١٠:٣٠ الين ١١ ) قلت له عن هالسالفه قال روح اطبع لي ايميلهم اللي قالوا فيه ان الضمان مرفوض. جبت له الايميل و قال خلاص تجي بكرا تستلم ضمان جديد.

جيت اليوم حصلت الضمان جاهز و فيه اسم الجامعه و شالوا كلمة " نيمونيتد" اللي معناها مرشح و حطوا " قرانتد " معناها يستحق.

اتوقع انحلت المشكلة اللحين من طرف الوزارة ، و غيرنا الكلمة اللي كانوا رافضينها المعهد و حطينا الكلمة اللي يبون و بتوقيع الدكتور ماجد الحارثي.

طبعا لسه الموضوع ما انتهى لين نشوف رد المعهد هل يقبل او لا يطلع لنا سالفة جديدة.

ودي انزل صورة من الضمان بس اللحين ما اقدر بحاول الليلة انزل الصورة هنا.

لا تبخلوا علي بدعائكم (( ترا علي حرارة اليوم بس علشان وعدت امس فالموضوع أني أجيب لكم الخبر رحت اليوم ))

تحياتي لكم

احد وصله الاي توني او حتى سكان منه

لا محد وصله الاي تونتي لانهم رافضين الضمان المالي
زوجي مقدمه له على ضمان شخصي وامس في صفحه متابعه الطلب في عنده حاجه اتغيرت والله اعلم