-
الأوضاع المالية قبل السفر للبعثة
السلام عليكم ورحمة الله وبركاتة
أسعد الله أوقاتكم يا أمل الغد /
يا إخوان عندي سؤال في غاية الأهمية
ويهم كل مبتعث ومبتعثة
على وشك السفر
الآن طلبات السفر ومقاضيه الله يعلم بها
(( ممكن ندبرها من هنا أو هنا ))
لكن الأهم هناك
يعني في بلد الغربة وما نعرف أحد
ومافي مكافآت إلا بعد شهر
كيف راح نستأجر ، ونأثث سكن ، وووو
وانتم أيضاً عارفين فرق صرف العملة في بلد الإبتعاث
يعني الواحد منا يحتاج مبلغ لا يقل عن 20 الف أو 30 الف ريال سعودي كحد أدنى
عشان يقدر يمشي أموره في البداية
الموضوع بصراحة جداً صعب خاصة اللي إمكانياته ما تسمح
أو ما عنده أحد يسلفه المبلغ
أريد سماع آرائكم ومقترحاتكم واستعداداتكم حيال الموضوع
حتى نستفيد من خبرات البعض .
اقتراحي الشخصي / صرف شيك من الوزارة قبل السفر بمبلغ معين ولا يتم صرفه الا في بلد الابتعاث حتى نتلافى هذه العقبه .
ولكم مني جزيل الشكر
-
رد: الأوضاع المالية قبل السفر للبعثة
اخوووي بجد الله يعين ,,,
اما من ناحيه كلاامك اللي هوووووو صرف شيك من الوزارة قبل السفر بمبلغ معين ولا يتم صرفه الا
في بلد الابتعاث حتى نتلافى هذه العقبه .>>>>> هذا المفروووض اللي يصير بالذات مع الميزانيه
الجديده = ياحليل هالميزانيه الكل حاط امله عليها;)
-
رد: الأوضاع المالية قبل السفر للبعثة
والله حتى انا افكر بهالشئ
كم المبلغ اللي نحتااجه بالضبط؟؟
-
رد: الأوضاع المالية قبل السفر للبعثة
ياليت يصرفون لنا شيك تحسين اوضاع في البدايه
-
رد: الأوضاع المالية قبل السفر للبعثة
اتمنى من كل شخص تصفح
الموضوع يدلي باقتراحه لكي نتلافي هذه العقبة
باي شكل من الاشكال ، وايضا لكل اللي عندهم الحل الامثل لحل هذه المشكلة .
-
رد: الأوضاع المالية قبل السفر للبعثة
فعلا مشكله
لاكن اتوقع مبلغ ١٠٠٠٠ ريال كافي
والله يعين انشالله
-
رد: الأوضاع المالية قبل السفر للبعثة
والله يا اخوي لو 10000 الاف اعتبرها سهله ومقدوور عليها
بس لو 20000 وفوق بيقول ابويه بدرسك على حسابي اصررف
-
رد: الأوضاع المالية قبل السفر للبعثة
في الملتقى قالو ممكن يساعدونا هناك انو يدلونا على فنادق رخيصه بس من جد انا لسا ماسافرت وصرفت مبلغ جامد كيف لما اروح هناك الله يستر :eek:
-
رد: الأوضاع المالية قبل السفر للبعثة
فعلا ٢٠٠٠٠ الف مبلغ ضخم
بس انا فكرت وحسبتها كذا :
الوزاره تمشيلنا راتب شهري يقارب ٧٠٠٠ ريال فا ماعتقد انه راح نستهلك اكثر من ١٠٠٠٠ ريال
والله يوفق
-
رد: الأوضاع المالية قبل السفر للبعثة
وعليكم السلام ورحمة الله وبركاتة
المبلغ كحد أدنى للي احواله الماديه متوسطه اشوف ان مابين
10 -15 -20 -25
ألــف ريال تفي بالغرض مبدئيا
تقريبا 4 - 5 ألف دولار
:
لا أحد يقول المبلغ كبير لانك في البدايه محتاج دعم علشان تمشي امورك لين تستقر كليآ
:
حتى لو تسلفت ترا تقدر تسدد اشوي من المكافاه حتى لو200 ريال
اهم شي لا احد يسافر وجيبه خالي
:
وكذالك شوف النادي او الملتقى لمـدينتكـ
ضروري تتفق مع احد الاخوان علشان يستقبلك ويساعدك ويكون متفرغ لك
من كافة الامور من المعهد والتسجيل والبحث عن السكن والاستقرار
:
من ناحية السكن في فندق او نزل يكلفك الليله مابين 40 -50 دولار وممكن اقل
بنسبه لـ السكن على حسب النظام ممكن تدفع تامين مبدئي ويفي بالغرض
وممكن تحصل سكن يطلب منك تدفع مقدم لثلاث شهور
واسعار الشقه متفاوته ممكن تحصل سكن لا باس به 300 دولار
وممكن تحصل اكثر من 700 دولار
قد يكون مؤثث وقد يكون بدون اثاث على قولتهم شقه عظم مافيها شي
ماعدا المطبخ وبعض الانارات بالشقه
:
بنسبه للتاثيث ممكن البعض يقول مشي حالك كل شي اشتريه شهريا
والبعض يقول اخسر خساره وحده اثث من والى واخسر لانك بالاخير راح ترتاح
البعض يفضل السكن بشقه مؤثثه شامله الخدمات فقط يدفع الايجار
(كهرب - ماء - كيبل - انترنت - مواقف - صيانه )
راح تحصل مميزات بهذه الاسكان وانت وبحثك والمرغوب لديك
:
مع ان الافضل الواحد يجد له سكن مؤثث شامل الخدمات علطول
افضل من ياثث والاخر ياثث واذا خلص من البعثه باع الاثاث للاخرين
او تنازل عنه
:
محلات الاثاث كثيره في بعضها يبيع مستعمل وسعره مناسب ونظيف
:
صرف العمله بتحصل في مكاتب كثيره بالبلد وممكن من البنك مباشره
او بعض البنوك تاخذ عليك عمولـه الصرف
:
بالتوفيق للجميـــع
-
رد: الأوضاع المالية قبل السفر للبعثة
والله موضوعك ميه ميه ,,
للاسف مآفي ولا طريقة الا ان الواحد يدبر نفسه
عاد يامصصاريف شكثرها قبل السفر ووقت السفر
الله كررريم بس
-
رد: الأوضاع المالية قبل السفر للبعثة
طيب اوكي 10000 اذا انت عزابي بس اذا متزوج بنظرك هل تكفيه !
بس انتو مايدين اقتراحي ولا معارضين ، لان ودي يوصل هالاقتراح للمسؤلين .
وعلى فكره اخوي اذا انت تقدر تدبر العشره والله العظيم غيرك ما يقدر يدبرها
مثلآ اهل الهجر والقرى اللي نصهم معتمدين على الضمان الاجتماع < انا قلت نصهم حتى لايزعلون علينا اهل القرى ، أسال الله ان يسعدهم
-
رد: الأوضاع المالية قبل السفر للبعثة
مو شرط بعض اهل الهجر او القرى يعني اهل المدن اللي مريشين !
طبعا مأيدينك !
بغيت اسالكم المبلغ اللي رح يكون معانا قبل السفر اللي من 10000 الاف وفووق
يكون معانا بالشنطه يعني اخذه معاي كاش<<:eek:
-
رد: الأوضاع المالية قبل السفر للبعثة
اقتباس:
المشاركة الأصلية كتبت بواسطة ALHARESSI
طيب اوكي 10000 اذا انت عزابي بس اذا متزوج بنظرك هل تكفيه !
بس انتو مايدين اقتراحي ولا معارضين ، لان ودي يوصل هالاقتراح للمسؤلين .
وعلى فكره اخوي اذا انت تقدر تدبر العشره والله العظيم غيرك ما يقدر يدبرها
مثلآ اهل الهجر والقرى اللي نصهم معتمدين على الضمان الاجتماع < انا قلت نصهم حتى لايزعلون علينا اهل القرى ، أسال الله ان يسعدهم
:
بنظري بشكل العام نعم تكفيه هالعشره مبدئيا
اذا تخلى عن الترفيه والفخفخه وبحث له عن نزل رخيص يمشي نفسه اشوي
سوا كان عزابي او متزوج واذا عنده اطفال لابد ان يتسلف ويرجع السلف بالمكافاه
:
حبيب قلبي البعثه لها مميزات ولها قانون لمن يكون ضمنها يغامر ويتغرب
اوما واحد على قولتهم منتف وبيروح كيف يعني يصرف على نفسه او يمشي نفسه هناك
بياخذ تاكسي ولا بيسكن بنزل ..!!
:
ممكن في طريقه اذا كان عزابي يكلم احد الشباب كما قلت سابقا قبل مايسافر من خلال الملتقى لمدينته
وكذا ينضم معاهم بالسكن لحد ماتتيسر اموره
:
اما بنسبه للمتزوج مااتوقع احد يستقبل زوج وزوجته منتفين بشقته او في بيته الا اذا كان يعرفهم
وزياده مع اطفالهم
:
لازم الواحد يدبر نفسه عدل قبل مايغامر
:
هذا الحين انت تحاتي الحاله الماديه اجل المشاكل بين الازواج وش تقول عنها
او الانحرافات الي تصير ...!!!
:)
-
رد: الأوضاع المالية قبل السفر للبعثة
ايمو الغامدي /
انا ما خصيت اهل القرى بالفقر او اهل المدن بس مجرد مثل وقلت
(( مثلآ ))
المبلغ اللي يسمح به كاش لازم يكون اقل من 10 الف دولار تقريبا والله اعلم
-
رد: الأوضاع المالية قبل السفر للبعثة
اقتباس:
المشاركة الأصلية كتبت بواسطة ايمو الغامدي
مو شرط بعض اهل الهجر او القرى يعني اهل المدن اللي مريشين !
طبعا مأيدينك !
بغيت اسالكم المبلغ اللي رح يكون معانا قبل السفر اللي من 10000 الاف وفووق
يكون معانا بالشنطه يعني اخذه معاي كاش<<:eek:
:
اذا بتحملي معاك كاش بالريال فهذه مشكله ههههههه :D
:
اذا بتحملي معاك دولار ايه قسمي بينك وبين اخوك او مرافقك
انتي خمسه وهو خمسه او حتى لو حملتيهم كلهم بشنطتك اهم شي تكون يدويه
وانتبهي هالله فيهم
واذا ماتبين تحملي كاش
:
الله يعز بطاقة الصراف الفيزا او ماستر كارد اذا بنكك دولي
احملي معاك اقل شي 3000 دولار علشان تمشين نفسك اشوي
فئة 100
فئه 20 -10
علشان تمشين نفسك بالتاكسي او سوبر ماركت
:)
-
رد: الأوضاع المالية قبل السفر للبعثة
أهآ سوري والله ما انتبهت
وشكرا ع التووضيح
-
رد: الأوضاع المالية قبل السفر للبعثة
اقتباس:
المشاركة الأصلية كتبت بواسطة a7sas-man
:
بنظري بشكل العام نعم تكفيه هالعشره مبدئيا
اذا تخلى عن الترفيه والفخفخه وبحث له عن نزل رخيص يمشي نفسه اشوي
سوا كان عزابي او متزوج واذا عنده اطفال لابد ان يتسلف ويرجع السلف بالمكافاه
:
حبيب قلبي البعثه لها مميزات ولها قانون لمن يكون ضمنها يغامر ويتغرب
اوما واحد على قولتهم منتف وبيروح كيف يعني يصرف على نفسه او يمشي نفسه هناك
بياخذ تاكسي ولا بيسكن بنزل ..!!
:
ممكن في طريقه اذا كان عزابي يكلم احد الشباب كما قلت سابقا قبل مايسافر من خلال الملتقى لمدينته
وكذا ينضم معاهم بالسكن لحد ماتتيسر اموره
:
اما بنسبه للمتزوج مااتوقع احد يستقبل زوج وزوجته منتفين بشقته او في بيته الا اذا كان يعرفهم
وزياده مع اطفالهم
:
لازم الواحد يدبر نفسه عدل قبل مايغامر
:
هذا الحين انت تحاتي الحاله الماديه اجل المشاكل بين الازواج وش تقول عنها
او الانحرافات الي تصير ...!!!
:)
حبيبي انا ماعلي بالمشاكل وغيرها
انا ابي طريقه نساعد فيها اخوننا اللي همتهم عاليه في اكمال دراستهم في الخارج ولا هم قادرين على المبلغ في البدايه ، ووالله العظيم ما طرحت هالموضوع الا من معاناه اخت احد من اخوياي كنسلت البعثة كله عشانها مو قادرة تجيب المبلغ لان ضروف اهلها صعبه .
واذا على ردك من ناحيه السلف انا ذكرت ان فيه ناس اوضاعهم الماليه صعبه ,
والـ10000 خلنا نحسبها للمتزوجين بما اني متزوج
حبيب قلبي السكن تقريبا بـ1500 دولار في ولايـه كلفورنـيـا اوكي يعني ما يقارب 5000 ريال سعودي
والتامين برضه 1500 دولار هذي صارت 10.000ريال سعودي
هذا بدون الاثاث ومصروف شهر يالغلا ،
ع العموم وجه نظري انها ما تكفي
ولك التحيه
-
رد: الأوضاع المالية قبل السفر للبعثة
فعلا مشكلة
وربك يسهلها من عندة:rolleyes:
-
رد: الأوضاع المالية قبل السفر للبعثة
الله يعين الجميع والله ماهي بسهله
أما الملحقيه تستقبلك وتوصلك الين الفندق وما تدري عنك بشيء فندق الشيراتون الليله 110 دولار وعند الخروج يرجعون مبلغ بسيط منها في حدود 15 دولار ....
التاكسي الي بيوصلك للملحقيه ب 30 دولار وارجوع للفندق بنفس المبلغ وربي يعين....
ربي يرضى على السعوديه هنا كل مبلغ في السعوديه اضربه في اربعه ويطلع لك السعر
الله يعينكم ويساعدكم ويفرجها عليكم والله الحياة صعبه للي ما معاه مبلغ وقدره ( أنا اتوقع 20000 ريال سعودي تمشي حالك في البدايه يعني اسبوعين بالكثير اعتبر معاك 5000 ريال في السعوديه )
وطبعا على حسب المدينه والاسعار فيها
الله يسهل على الجميع وفعلا المفروض من الوزاره تعطي كل طالب مبلغ في البدايه ولو يسدده باقساط ميسره المهم ما يحتاج أحد وربي يوفق الجميع
-
رد: الأوضاع المالية قبل السفر للبعثة
انا معك بالفكره بس مستحيل تتنفذ راح يقولون لك عندك المكافاه اذا وصلت استلمها
فاافضل شي كل واحد يرتب وضعه على المدينه اللي رايح لها قبل لايروح يشوف مواقع السكن كم متوسط الايجار هل راح ياخذ شقه مؤثثه او بدون وقياس عليها وعلى وضعه المادي يقرر
واذا على الولايات الغاليه مثل كالفورنيا وغيرها اي شخص اختار يروح لمدينه غاليه لازم يحط بباله ان المكافاه وحدها مابتكفي مهما حاول يعمل كنترول لان السكن غالي
الوضع من البدايه لازم يكون بتخطيط والله ييسر امور الكل وياليت بيدنا حل يساعد المحتاجين
-
رد: الأوضاع المالية قبل السفر للبعثة
السلام عليكم
انا طالع انشاء الله لاتكساس مدينة اوستن
على حسابي الخاص لحالي
الاسعار بالشهر:
المعهد=900 دولار
السكن=700 دولار
مصاريف شخصيه انا حاط في بالي 300 دولار
بخصوص التامين الطبي هل هو يدفع كل شهر؟ وكم قيمته؟
وهل فيه شي ثاني انا ناسيه او جاهله؟ مثل ضريبه ...الخ)
وش رايكم بكلامي هل انتم تشوفنه صح ؟
وانشاء الله لا انضميت انا حاط في بالي هذي الحسبه
700 سكن
450 مصاريف
يعني يبقى لي تقريبا 650 دولار
والملحقيه هي الي تتكفل بدراسة المعهد صح ؟
-
رد: الأوضاع المالية قبل السفر للبعثة
أنا عن نفسي قررت أتوظف كم شهر لين أصدر قرار ابتعاثي
ماراح اعتمد على حافز الله يغنينا
بجمع لي كم قرش قبل السفره تنفعني إذا سافرت :p
ادخروا فلوسكم من الحيييييييين
والله يعين
-
رد: الأوضاع المالية قبل السفر للبعثة
والله يااخوان بخصوص هالموضوع بقول لكم تجربتي
انا جيت من الرياض الى واشنطن وسكنت بواشنطن 3 ايام وصرفت تقريبا حول ال 600 دولا شامل الفندق التابع للملحقيه والاكل والشرب والتاكسي ...<<< ووللمعلوميه مااستفدت اي شي بنزلتي لواشنطن فعشان كذا انصح الجميع يروح دايركت لم ديرته الي بيدرس فيها افضل له من وجع الرأس الفاضي في واشنطن ...
ويوم رحت للشحن في المطار الداخلي عبر خطوط اليونايتد اخذو مني 300 دولا ع الوزن الزائد لان كان عندي 3 شناط وكلها كبار مررره وفيها اغراض قهوه وتمر وبهارات وهيك حاجات ...
ووصلت سان فرانسيسكو وكنت حاجز لي فندق عن طريق النت بسعر 450 دولا مدة 6 ايام ... طبعا فندق عادي موب راقي مرررره
وبصراحه هنا بسان التاكسي ياكل مررره فتقريبا حتى الان خسرت ع التاكسي حول ال 200 دولا وانا لي 3 ايام فقط بسان وداخل ع الرابع ...
وحصلت لي سكن بس لسى ماسوينا العقد بكرا ان شاء الله وطلبو مني تأمين 1000 دولار بالإضافه الى الايجار وهو 2200 دولار بالاضافه الى الابلكيشن 40 دولار لكل شخص يعني انا والمدام 80 دولا يصير المجموع 1000+2200+80= 3280 دولا
وطبعا الاكل والشرب الى اليوم في سان فرانسيسكو دفعت حول ال 200 دولا ...
فالمجموع تقريبا كله ...5500 دولا اي مايعادل بالسعودي 20 الف تقريبا ...
طبعا لسى ماانتهيت لكن ان شاء الله على وشك الانتهاء ....
اكرر واعيد للجميع لااحد يروح لواشنطن والي يبي يروح لواشنطن ياخذ رحله دايركت للولايه الي هو فيها لا يقعد بواشنطن انا كل شغلي خلصته اون لان وبالعكس الملحقيه تتجاوب بسرعه في فتح الملف وفي طلب الضمان المالي
وفي كل شي يحتاجه المبتعث لكن وش تبي فيهم تروح لهم هم مريحينك ع طووول رح ولايتك ...
غير كذا فيه معلومه عرفته بواشنطن انه لو اني جيت من الرياض الى واشنطن ومن واشنطن الى سان ع طول في نفس اليوم مااخذو علي وزن زائد لكن عشاني قعدت 3 ايام بواشنطن اخذو علي وزن زائد ...
وبالتوفيق للجميع ...
-
رد: الأوضاع المالية قبل السفر للبعثة
اقتباس:
المشاركة الأصلية كتبت بواسطة الـقـلـب الـكـبـيـر
والله يااخوان بخصوص هالموضوع بقول لكم تجربتي
انا جيت من الرياض الى واشنطن وسكنت بواشنطن 3 ايام وصرفت تقريبا حول ال 600 دولا شامل الفندق التابع للملحقيه والاكل والشرب والتاكسي ...<<< ووللمعلوميه مااستفدت اي شي بنزلتي لواشنطن فعشان كذا انصح الجميع يروح دايركت لم ديرته الي بيدرس فيها افضل له من وجع الرأس الفاضي في واشنطن ...
ويوم رحت للشحن في المطار الداخلي عبر خطوط اليونايتد اخذو مني 300 دولا ع الوزن الزائد لان كان عندي 3 شناط وكلها كبار مررره وفيها اغراض قهوه وتمر وبهارات وهيك حاجات ...
ووصلت سان فرانسيسكو وكنت حاجز لي فندق عن طريق النت بسعر 450 دولا مدة 6 ايام ... طبعا فندق عادي موب راقي مرررره
وبصراحه هنا بسان التاكسي ياكل مررره فتقريبا حتى الان خسرت ع التاكسي حول ال 200 دولا وانا لي 3 ايام فقط بسان وداخل ع الرابع ...
وحصلت لي سكن بس لسى ماسوينا العقد بكرا ان شاء الله وطلبو مني تأمين 1000 دولار بالإضافه الى الايجار وهو 2200 دولار بالاضافه الى الابلكيشن 40 دولار لكل شخص يعني انا والمدام 80 دولا يصير المجموع 1000+2200+80= 3280 دولا
وطبعا الاكل والشرب الى اليوم في سان فرانسيسكو دفعت حول ال 200 دولا ...
فالمجموع تقريبا كله ...5500 دولا اي مايعادل بالسعودي 20 الف تقريبا ...
طبعا لسى ماانتهيت لكن ان شاء الله على وشك الانتهاء ....
اكرر واعيد للجميع لااحد يروح لواشنطن والي يبي يروح لواشنطن ياخذ رحله دايركت للولايه الي هو فيها لا يقعد بواشنطن انا كل شغلي خلصته اون لان وبالعكس الملحقيه تتجاوب بسرعه في فتح الملف وفي طلب الضمان المالي
وفي كل شي يحتاجه المبتعث لكن وش تبي فيهم تروح لهم هم مريحينك ع طووول رح ولايتك ...
غير كذا فيه معلومه عرفته بواشنطن انه لو اني جيت من الرياض الى واشنطن ومن واشنطن الى سان ع طول في نفس اليوم مااخذو علي وزن زائد لكن عشاني قعدت 3 ايام بواشنطن اخذو علي وزن زائد ...
وبالتوفيق للجميع ...
ايجارك الشهري 2200 دولار هذا شي كثير جدا .
-
رد: الأوضاع المالية قبل السفر للبعثة
احنا رايحين دراسه فلازم كل واحد يقتصد ع قد ما يقدر وانا اتوقع 10 لاف ريال تكفي وبشهر 20 هجري ان شالله تنزل المكافئه وكل شي بتدريج مره وحده صعبه ويكلف وتحس اصلا بضغط انه لازم كل شي تسويه بشهر مثلا
والله يوفقنا جميعا وتتيسر ان شالله
-
رد: الأوضاع المالية قبل السفر للبعثة
السلام عليكم ورحمة الله وبركاته
اقتراحي للعيال..واذا البنات بيسمعوه ماكو مشكلة < :)
يا اخوان اللي سفره لسا مطول..انصحه يشوف له اي وظيفة مؤقته كاشير ولا اي وظيفة تجيب لك 2000 1500 2500 << المهم تشوف لك وظيفة تجمع فيها فلوسك وتودعهم بحسابك..واذا جيت تسافر حيكون المبلغ اللي حتتسلفه قليل مو كثير..
هذا اللي قاعد افكر في حاليا..
وهذي بعض المواضيع اللي متاكد انها راح تفيدكم وأنصحكم بشدة بالدخول على هذه المواضيع لما لها من اثر جليل وواضح في إفادتكم وإعطائكم انطباع عن المدينة التي ستذهبون إليها إن شاء الله:
http://www.mbt3th.us/vb/forum149/thread329810.html
المدن الأمريكية
http://www.mbt3th.us/vb/forum8/thread214128.html
http://www.mbt3th.us/vb/forum149/thread329987.html
وشكرا يا صاحب الموضوع على طرحك..
أتمنى إني افدتكم..
وعسى الله ييسر امورنا اجمعين..
..
-
رد: الأوضاع المالية قبل السفر للبعثة
اف اف اف
20000 الف ريال !!!!!!!!!!
هذا واحنا مبتعثين على حساب الوزارة
من جد لييييييييييييه ما يعطون كل مبتعث راتب شهر قبل ما يروح عشان يمشي فيها اموره
والله اني متأكد ان اكثر من 70% من المبتعثين ما يقدرون يدبرون لو نص ذا المبلغ
انا عن نفسي الظاهر اني بابيع السيارة قبل ما اروح اذا كان من جدكم انو نحتاج 20000 الف ريال اول شهر
احد يشتري:D
-
رد: الأوضاع المالية قبل السفر للبعثة
والله جبتها على الجرح
اومااا شيك من الوزاره كثر لي منها (خلهم يرسلون ورقة الضمان المالي اللي صار لي شهرين اراسلهم عليها وللحين مارسلوها)
الوزاره تقول لك كل شي تسويه خلي الفاتوره عندك والملحقيه تسدد (لاتأمل خير على كل شي ترااا يعوضون بعض الاشياء)
على حسب كلام الاخوان مابين 10 الاف - 15 الف كافيه في حدود الصرف المعقول.
قالي خلي مابين 1500 - 2000 دولار في الكردت كارد والكاش هم يكون نفس المبلغ
وراح تمشيك ان شاء الله لين مايصروفوا الراتب الاول
اللي عنده موتر يبيعه هههههه لأن وقفة الموتر فتره طويله (الموتر يخرب والمكينه تكربن)
اعرف واحد يقول الموتر ماجاب لي سعر بخليه عند البيت، من ناحيتي ماتسوى عليه
لكن كل واحد ابخص بعمره
وبالتوفيق
-
رد: الأوضاع المالية قبل السفر للبعثة
الله يسهل امر الجميع يارب لكن فيه خطوات إذا نفذتها توفر عليك الصرفيه،مثلا لازم تدرس المدنية اللي رايح لها جغرافيا وعقاريا يعني تشوف وين موقع المعهد وتشوف أسعار الشقق اللي حوله إذا كانت غاليه فتش باإحياء او منطقه بعيده ثانيه واكتب الأسعار ووصف الشقق وادرسها وبعدين خلك معقول في اختيارك لشقه يعني مو لازم غرفتين وصاله ومطبخ الحال وحمام أنت رايح تدرس مو تتمشى لكن انتبه هل فيه وسائل نقل قريبه منك مثل محطات الصب واي او الباصات بحيث تروح لها مشي يعني التاكسي هذا ابعد عنه قد ماتقدر وانصح الجميع أنه يحجز قبل مايسافر ومواقع النت اللي تخدمك بالموضوع هذا كثيرة يعني من بيتك بالسعوديه على طول لشقتك باامريكا.
وبالنسبه للأكل قبل ماتسافر جهز لك عزبه من كل شي مواعين وأكل يعني ماراح تشتري من هناك إلا بس المستهلكات اليوميه لكن لا تاخذها معك إذا جيت بتسافر بتاخذ عليك وزن وااااجد إذا رحت واستقريت لك يومين ثلاثه خل أحد اهلك يرسلها لك بالفيدكس والطريقه هاذي سوها كل ماخلصت عزبتك ، أنا حسبتها كذا ولقيت اني راح أحتاج 10 الاف كاش وراح تعيشني بكل راحه الين تنزل المكافأه.
وبعدين ياناس خليكم معقولين بالصرف يعني مو لازم تتسوق ولا تروح لسينما كل اسبوع أو تلف الولايه كل عطله والله أعرف ناس علشانهم معقولين بالصرفيه ويعرفون كيف يخططون انهم يوفرون من المكافأه.
-
رد: الأوضاع المالية قبل السفر للبعثة
ياشباب لاتشيلون هم
أنا ماشلت معي غير 4000 دولار
وهناك جلست حوالي 10 يوم ونزلوا لي نص المكافأة أو أكثر من النص
على ما أتذكر نزلوا لي 1200 دولار من بعد مافتحت الحساب وأرسلت لهم المعلومات
-
رد: الأوضاع المالية قبل السفر للبعثة
السلام عليكم ..
ارحب يجميع الاخوان و الاخوات ووفقكم الله جميعاً.
انا عن نفسي تكلفة الان وقبل السفر حوالي 5000 ريال . من قبول معهد وسكن عائلة وفيزا.
وفي امريكا وعلى حسب الي متواجدين هناك اذا كنت في ولاية مستوى المعيشة فيها متوسط تحتاج الى 5000 ريال في بداية حياتك . ولكن انا حاخذ احتياكاتي بمبلغ 10000 ريال .
ونصيحتي للي أمورة الماليه صعبة يحرص في البداية على الاولوية في امور المعيشة ويترك الكماليات للاشهر التالية.
اما بالنسبة انو الوزارة تصرفلك قبل شهر فهذا امر مستحييييييييييييييييل لانو من يوم خمسة في الشهر الهجري ترفع المسيرات ( اي التقرير المالي الي حيصرف ) وينصرف في يوم 25 من الشهر الهجري .
ولكن كما اعلم انو عند الصرف سوف يتم الصرف على حسب الايام الي تواجت فيها من وقت الدخول يعني لو دخلت امريكا يوم 6من الشهر الهجري سوف يتم صرف عدد 50 يوم لك .
وفق الله الجميع..
-
رد: الأوضاع المالية قبل السفر للبعثة
لاحول ولاقو ةالابالله مافي سهولة
-
رد: الأوضاع المالية قبل السفر للبعثة
ياجماعة اول ماتفتحون حساب هناك وترسلون رقم الحساب للملحقيه على طول بيصرفون لكم يعني بيعطونكم راتب ل 30 يوم مو تنتظرون لنهاية الشهر
-
رد: الأوضاع المالية قبل السفر للبعثة
السلام عليكم
والله ماودي اعقدها عليكم لكن اللي اعرفه وحسبتها كم يكفيك لحد ماتنزل المكافاة طبعا لامريكا انا اتكلم اذاكنت اعزب كحد ادنى 30 الف ولو كنت متزوج ومعاك المعزبه لايقل عن 40 الف طبعا شامله كل شي لانك احسب حسابك تبي تبدا كل شي من الصفر من اجارات وبيت وسيارة وتنقلات وتامينات وضرايب والله يكون بالعون وبنزلكم قريب تكاليف كل شي بس انتظر واحد في امريكا يرد علي
-
رد: الأوضاع المالية قبل السفر للبعثة
أحسبوها بالنفر أبسط!
نفر واحد = 10 ألف ريال!!
نفر + نفره = 20 ألف ريال!!!
نصف نفر (طفل) = 5 ألف ريال!!!!
المثل يقول أحفظ قرشك الأبيض ليومك الأسود!!!!!
-
رد: الأوضاع المالية قبل السفر للبعثة
انصح الجميع بالاخذ في الاعتبار
- المتزوجين لازم يكون في حسابك من 20000 الى 25000 الف
- حسب المصروفات قبل لا تسافر يعني ايجار السكن 800 دولار + تامين للسكن + المعيشة + المواصلات
- ملاحظة هامة جدا حاول قدر المستطاع انك تبحث عن سكن قريب من المعهد وبكذا راح توفر في المواصلات كثير لانها مكلفة
- تجهيز المواد الاواني اللازمة وارسالها عن طريق فديكس الى الولاية اللي انت رايح لها بعد وصولك باسبوع ويكون عندك وقت قدرت تستاجر فيه منزل
-انصح الجميع باستخراج بطاقة فيزا مسبقة الدفع موجودة عند البنك الاهلي والراجحي ورسومها 100 في السنة ونسوي فيها ايداع للمبالغ المالية وناخذ كاش قليل يعني 2000 دولار كاش والباقي في البطاقة
-بالنسبة ياخوان للشنط وحقائب السفر ز الرحلة اكيد راح تكون ترانزيت لذلك انصح الجميع عند تسليم الشنط في المطار يطلب من الموظف ارساله مباشرة الى اخر محطة راح توقف فيها . عشان مايدفعوك مبالغ مالية عالية وعشان التفتيش يكون مرة واحدة بس .
اسف على الاطالة واتمنى التوفيق للجميع
-
رد: الأوضاع المالية قبل السفر للبعثة
كلام جميل ياصاحب الموضوع
بس استغرب منك
ليه 20000 الف ريال اكثر من شخص يقول 20000 الف والي يقول 30 الف
تراها كلمة تخووووووف ومبلغ يخوف من وين نجيبه
طيب ليه ايش راح ممكن يكون في الشهر الاول من صرف
نفسي اعرف
لان 20000 الف ريال على قولتك لو نحولها للدولار بيطلع لنا قول 5000 دولار لو نقارنها بالمكافئة بتغلبها بشكل قوي
واساسا مكافاة المبتعث 2000 دولار يعني مايقارب 8000 ريال الي الاغلب يقولون تكفي وتزيد
هدفي من ردي بالموضوع
لاتخوفون الناس
بكذا الناس من الحين تنجبر على السلف والدين هذا غير الي بيكره البعثة
اتمنى ينقلب الموضوع هذا
الى جد شوي
مو معقول 20000الف ريال ناس كثير ماتجيبها وغلبانه في حالها
مالوم الامريكان اذا قالوا عنا اغنياء
-
رد: الأوضاع المالية قبل السفر للبعثة
10 الاف كافية بإذن الله اذا اقتصد فيها الشخص مو من اول يوم على المطاعم اول اسبوعين اقلبوها معلبات ونواشف والفضل تجيبون معكم في الشنطة جبنه وطحينية وتمر لين تسكنون بسكن دائم او مع عائله وقتها ابدو فكو شوي بس تدريجيا
طبعا اول شهر حيصير لخبطة بعد كذا ان شاء الله نقدر نحسب التكاليف الشهرية صح
الله يوفقنا وإياكم لما يحب ويرضى ونرجع ان شاء الله باأعلى الشهادات
-
رد: الأوضاع المالية قبل السفر للبعثة
القلب الكبير
الله يوووفقك ويعينك
بس والله صدمتني بقوووووه وااااااااااو 20000 الف ريال مصاريف
الله يعيننا :(