-
هذه قصتي في موعد الفيزا..28-2-2012 بقنصليه الظهران..
السلام عليكم ورحمة الله وبركاته
اللهم لك الحمد كما ترضى..ولك الحمد بعد الرضى ..ولك الحمد اذا رضيت
محد يتصور قد ايش كنت ماخذه هم الفيزا...
اكثر من ست مرات غيرت موعدي للفيزا
وبالاخير استقريت على 28-2-2012
الساعه التاسعه-قنصليه الظهران
من سبع ونص اخوي قومي..انفجعت لما شفته كان لابس الثوب والشماغ والعقال <باقي بس المسدس ويطلع اخو المعرس هههههههههههههه
مشينا من البيت على ثمان....وصلنا للقنصليه يمكن ثمان و20 دقيقه
طول الطريق احفظ اخوي وش يقول ...اذا سالك مين راح يتكفل بمصاريفك قول انت...اذا سالك اي ولايه بتسافر قول كولورادو...اذا سالك ليه بتسافر قول مرافق لاختي
فجاءة اخوي قال اذا تكلم معي انقليزي وش اسوي.؟
قلت لا ماراح يتكلم معك انقليزي ان شاء الله...اصر علي وقال الا يمكن يتكلم معي وش ارد عليه
قمت احفظه (اذا سمعت كلمه pay ) قول me واذا سمعت الكلمه الفلانيه قول كذا (اعطيه كلمات دلاليه ;))
لما وصلنا فتشوا السياره ؟؟
وجابوا شي زي الورقه المستطيله و مرروها من داخل السياره وعلى الدريسكون؟؟
انا استغربت مقد سمعت احد جاب طاري هالموضوع
ما علينا اكمل لكم
وقفنا السياره ولما جينا ندخل لقيت اسماء الي موعدهم اليوم...جلست ادور اسمي ما لقيته واخوي على راسي ما اعطاني فرصه
فتشونا ومرينا من كل الخطوات
(ماراح اقولها لان كثير اعضاء الله يجزاهم خير ذكورها في مواضيعهم)
بعد خطوات التفتيش وصلنا للقاعه
اخذت رقمي وجلست انتظر متى تنادى عليه المصريه..
نادتنا وطلبت منا الاوراق شافتها ورجعتها لي
قهرتني سفطت لي الايتوني <حسيت ان قلبي انسفط مو الايتوني هههههههههههههههههههههه
جلسنا بعدين
وكان فيه اربع شبابيك
اخوي يقولي يارب نكون عند رقم واحد..وانا اقوله لا يارب عند رقم اربعه <مدري ارتحت له
والحمد لله كنا عند رقم اربعه
اخذ الايصالات وطابق الجوازات
وبصمنا
بعدها قال خلاص
انا استغربت
ليه ما سالنا؟؟
طلع بس شباك رقم 1 و2 يطابقون البيانات و3 و2 هم الي يسالون <:D
وطول الوقت وانا اقول لاخوي ما ارتحت لرقم 2 يارب نروح عند رقم 3 شكله حاقد وشديد رقم 2
واخوي يقنعني انه مافيه شي اسمه حاقد الوضع عادي
والحمد لله شوي الا ينادي اسمنا رقم
3333333333333333
انبسطت كثيرررررررررررر
وبنفس الوقت خفت وتوترت
حاطه في بالي انه اول ما يتكلم معي انقليزي بقول له
كان يو ميك ذس انترفيور ان اربيك بليز ..؟
الا لما شافنا قال السلام ئليكم
(لانه شاف اخوي لابس الزي السعودي..فحمدت ربي انه لبس الثوب )
قالي حطي اصبعك السبابه على اله البصمات وانا احط الابهام من التوتر
بعدين اخوي مسك اصبعي وحطها ههههههههههههههه
بعدي اخوي لكن اخوي طلب اصبعه الابهام مدري ليه ؟؟
قام يسال ليه بتسافرين ..وش تخصصك..قالي هل انتي مبتعثه...قلت له نعم..قالي فيه ورقه..واعطيته الضمان المالي
بعدها مسك اخوي
دائما اقرا انهم يركزون بالاسئله على المبتعثه والمرافق بس مجرد اسئله بسيطه..؟
لكنه مسك اخوي اسئله كثييييييييييره
ليه بتسافر..؟
كم بتجلس هناك.؟
قاله اخوي شهر..رد عليه بس شهر.!
انا خفت وانخرشت
اخوي ماشاء الله عليه ما توتر مدري كان ماسك نفسه وقال ايه شهر
قاله وش بتسوي في امريكا.؟
قاله اخوي انا مرافق لاختي
قاله طيب وش بتسوي
اخوي خرب الدنيا وقال بدرس لغه
انا هالوقت بغيت انجلط
وش تدرس لغه وانت فيزتك سياحيه
رد عليه الامريكي قاله بتدرس؟
انا على طول اتلاحق الوضع واقول له بصوت خفيف قول له هنا بتدرس لغه
قام اخوي يرقعها يقول بدرس هنا شهر
قام يقول له الامريكي مدري القنصل ..انت ما تقدر تدرس في امريكا ..بس في سئوديا
بعدين ساله هل سافرت اخر خمس سنوات افغانستان..العراق..سوريا...وعدد كم دوله
قاله اخوي لا
قاله سافرت البحرين..؟
اخوي قال لا
عيون القنصل بغت تطير
ساله مره ثانيه بصوت اكثر حزم وقاله سافرت للبهرين ..؟
اخوي قال لا
بعدين قال خلاص فيزتكم مقبوله روحوا فيدكس ادفعوا ظرف واحد
انا من الحوسه الي حسيت اننا سويناها سالته متى راح تطلع الفيزا :(
قال خلال خمس ايام
وانا كانت مقابلتي يوم الثلاثاء 28 فبراير
وامس على الساعه ثلاثه الا ربع الفجر اشيك على موقع فيدكس الا القاها واصله
فرحت وبنفس الوقت خفت
قلت يمكن بس فيزتي الي وصلت واخوي لا...واتذكر كل المواضيع الي قريتها عن الي تاخرت عليهم الفيزا وكيف ان فيزتة المبتعثه طلعت خلال يومين والمرافق تاخرت
واجلس على اعصابي
والله ما نمت زين
لين الظهر اخوي راح يطلعها
قلت له اول ما تستلم دق علي
وما دق علي الله يهديه
وارسل له كول مي <:p
الا يدق علي
عاد انا مو اول قلت له اول ما تستلم شوف اذا فيه جوازين زين واذا لقيت جواز واحد بس جيب الورقه الي فيها رقم الشحنه عشان نراجع لين توصل الفيزا الثانيه :(
قلت له بشر وش صار
قال استلمت لكن مافيه الا جواز واحد
اااااااااه ياقلبي ...بغيت اصيح
قلت له متاكد..قالي ايه مافيه الا جواز واحد وفيه f1 ومدري وشو
قلت وانا ابلع الصيحه وافكر بالقلق الي بعيشه لين تطلع فيزا اخوي <اخوي عسكري وابي اخلص وضعي لين عشان نرفع اوراقه عشان الاجازه الاسثنائيه
قلت طيب اخذت الايصال الي فيه رقم التتبع ..قالي ايه معي
وشوي الا يقولي
امزح عليك استلمت كل الجوازات حقك وحق اخوي
يااااااااااااااااااااااااااااااه
جلست احلفه قول والله هههههههههههههههههه
قالي ايه ابشرك طلعت فيزكم ولو تشوفين صورتك بتنتحرين هههههههههههههههههههههههههههههه
قلت مو مشكله
وخبي الجوازات زين <لانه كان مطول على بال ما يوصل البيت ;)
جلست احمد ربي
ياربي لك الحمد..هذا من كرم ربي وفضله
وهذه قصيتي مع الفيزا
وصلتني الفيزا اليوم بتاريخ 1 مارس وهي طالعه من امس يعني من تاريخ 29
واسال الله ان كل شخص تاخرت عليه فيزته ان تطلع له ياحي ياقيوم وتفرحون كلكم
وباذن الله ماراح انساكم من دعواتي
والحين افكر اروح للرياض السبت اطلع قرار الابتعاث...لكن صديقتي تقولي لا تروحين السبت ولا الاربعاء لان النظام يكون معطل بالاغلب ومكسلين .؟
مدري وش رايكم اعزائي الاعضاء..
اعتذر اخذت من وقتكم
موفقين جميعا..
-
رد: هذه قصتي في موعد الفيزا..28-2-2012 بقنصليه الظهران..
سالفتك رهييييبه ........استمتعت وانا اقرأ هههههههههههههههه
ماشاءالله ...الف مبرووووووووووك عقبالنا يارب .....
-
رد: هذه قصتي في موعد الفيزا..28-2-2012 بقنصليه الظهران..
الف الف مبرووووك
عقبال ماخلص موعد المقابله شايله همها :(
-
رد: هذه قصتي في موعد الفيزا..28-2-2012 بقنصليه الظهران..
هههههههههههه
الله يضحكك يارب :)
حبيبتي ليش تسافري الرياض, ارسلي المتطلبات على ايميل الاخت عبير الطريري
أو ارسليهم للوزارة عن طريق البريد الممتاز
-
رد: هذه قصتي في موعد الفيزا..28-2-2012 بقنصليه الظهران..
الف الف مبروووووووك
اني سويتها قبلش بشهر بالضبط 28\1
ونفس حالة اخويي
اقول اليه اذا قالوا الك كذا قول كذا ووووووو
وشباك 3 مرة صوته نزيل ماينسمع منه شي
وفيزتي طلعت في اسبوع واخويي بعدها ماتوصل كمل شهر وكم يوم وبعدهااا
-
رد: هذه قصتي في موعد الفيزا..28-2-2012 بقنصليه الظهران..
مبروك وعقبال اللي ما اخدو الفيزا
-
رد: هذه قصتي في موعد الفيزا..28-2-2012 بقنصليه الظهران..
مبروووووووووووووك
الحمد لله على كل حال
الصراحة أحلى شي اخو العريس أخوك ههههههههههههههه
الله يوفقك يارب ويسهلك أمورك يارب
-
رد: هذه قصتي في موعد الفيزا..28-2-2012 بقنصليه الظهران..
ههههههههه تمام
عيشتيني جو ....>>>بس مبروووووك
عقبال اللي ماطلعت فيزهم واللي باقي ماراحو للمقابلاتهم
والقرار عن طريق الأيميل افضل
-
رد: هذه قصتي في موعد الفيزا..28-2-2012 بقنصليه الظهران..
مبررروووك وعقبالنا وعقبال كل الطلاب
لفت انتباهي سؤاله عن البحرين ليش البحرين من دول المغضوب عليها *_*
-
رد: هذه قصتي في موعد الفيزا..28-2-2012 بقنصليه الظهران..
هههههههههههههههههههه ضحكتيني وربي
ازيدك من الشعر بيت انا الي معي يسالونه وين سافرت يقول سافرت السعوديه------------- كيف تجي سافرت السعوديه وانت سعودي والله نكته
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة ريموووه
سالفتك رهييييبه ........استمتعت وانا اقرأ هههههههههههههههه
ماشاءالله ...الف مبرووووووووووك عقبالنا يارب .....
دوم يارب هالضحكه
الله يبارك فيك حبيبتي
وان شاء الله تتسهل لك المبتعثين وتصدر لهم الفيزا بكل يسر وسهوله
نورتي
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة دنيآ غريبه
الف الف مبرووووك
عقبال ماخلص موعد المقابله شايله همها :(
الله يبارك فيك
والله ما تنلامين صراحه :(
هالفيزا هم
لكن ان شاء الله تتسهل لك وتطلعين منها تضحكين..
نورتي
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة Miyu
هههههههههههه
الله يضحكك يارب :)
حبيبتي ليش تسافري الرياض, ارسلي المتطلبات على ايميل الاخت عبير الطريري
أو ارسليهم للوزارة عن طريق البريد الممتاز
حبيبتي انتي <3
يختي انا ابغى قرار الابتعاث مختوم..تدرين العسكريه يبغون كل شي موثق وانا ما ابغى اضيع وقت عشان القرار مو مختوم
اذا احد عنده اي خبر انه ممكن يرسلون لي القرار مختوم بالايميل حلو والله افتك من مشوار الرياض والغبار الي معمينا
نورتي الموضوع
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة اغتراب روح
الف الف مبروووووووك
اني سويتها قبلش بشهر بالضبط 28\1
ونفس حالة اخويي
اقول اليه اذا قالوا الك كذا قول كذا ووووووو
وشباك 3 مرة صوته نزيل ماينسمع منه شي
وفيزتي طلعت في اسبوع واخويي بعدها ماتوصل كمل شهر وكم يوم وبعدهااا
ههههههههههههههههههههههههههه
حاله هالاخوان والله ههههههههههههههههههههههههه
بس من جد شباك 3 مررررررررره صوته نازل
ان شاء الله تطلع فيزة اخوك باقرب وقت يارب
نورتي
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة رومانسيه
مبروك وعقبال اللي ما اخدو الفيزا
يبارك فيك عزيزتي
اميــن يارب
نورتي
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة Abrar88
مبروووووووووووووك
الحمد لله على كل حال
الصراحة أحلى شي اخو العريس أخوك ههههههههههههههه
الله يوفقك يارب ويسهلك أمورك يارب
ههههههههههههههههههههههههههه
الحمد لله على الاقل فادتنا كشخه بالثوب
اللهم اميــن..وياك يارب
نورتي حبيبتي
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة طالبة عفو الله
ههههههههه تمام
عيشتيني جو ....>>>بس مبروووووك
عقبال اللي ماطلعت فيزهم واللي باقي ماراحو للمقابلاتهم
والقرار عن طريق الأيميل افضل
اهم شي انك انبسطتي ياحلوه ق1
اللهم امــين..ان شاء الله تتسهل لك المبتعثين امور فيزهم وتطلع يارب
وعن موضوع القرار والله لو اعرف انهم بيصدرونه لي مختوم افضل بمليون مرررره
لكن اخاف يصدرونه لي مو مختوم..واضطر اني اروح الرياض يختمونه لي <يعني ما استفدت شي
..
نورتي
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة amal2011
مبررروووك وعقبالنا وعقبال كل الطلاب
لفت انتباهي سؤاله عن البحرين ليش البحرين من دول المغضوب عليها *_*
يبارك بعمرك حبيبتي
امـــــــــــــين يارب
اتوقع انه استغرب انه في سعودي ما سافر برا السعوديه وخاصه البحرين وهي قريبه مننا بحكم اننا من سكان الشرقيه..
نورتي
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة احس اني مااحس
هههههههههههههههههههه ضحكتيني وربي
ازيدك من الشعر بيت انا الي معي يسالونه وين سافرت يقول سافرت السعوديه------------- كيف تجي سافرت السعوديه وانت سعودي والله نكته
هههههههههههههههههههههههههههههههههههههههههههههههههه ههههههههه
رهيب وربي ههههههههههههههههههههه
ذكرتيني ايام ما كنا صغار..اذا احد سالنا من وين انتو نقول من السعوديه هههههههههههههههههههههههه
نورتي الموضوع عزيزتي
-
رد: هذه قصتي في موعد الفيزا..28-2-2012 بقنصليه الظهران..
ما شاء الله تبارك الله..
عقبالنا يارب.. موعدنا يوم الثلاثاء..
-
رد: هذه قصتي في موعد الفيزا..28-2-2012 بقنصليه الظهران..
الف الف الف مبرووك
وعقبال الباقيين ياااااااااااااااارب
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة إيــمــان
ما شاء الله تبارك الله..
عقبالنا يارب.. موعدنا يوم الثلاثاء..
الله يبارك في عمرك
ان شاء الله تتسهل لك يارب
وطول الوقت رددي (وجعلنا من بين ايديهم سدا ومن خلفهم سدا فأغشيناهم فهم لا يبصرون )
ان شاء الله نتقرب موضوعك الخميس الجاي وانتي مستلمه الفيزا
موفقه
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة ابن مكه
الف الف الف مبرووك
وعقبال الباقيين ياااااااااااااااارب
الله يبارك فيك
اللهم اميــن
منور ..
-
رد: هذه قصتي في موعد الفيزا..28-2-2012 بقنصليه الظهران..
مبروووك الف مليوون مبررروك
وعقبالي ياااارب
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة R33m
مبروووك الف مليوون مبررروك
وعقبالي ياااارب
الله يبارك فيك حبيبتي
اللهم اميــن
منوره
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة قوس رحمه
الله يبارك في عمرك
ان شاء الله تتسهل لك يارب
وطول الوقت رددي (وجعلنا من بين ايديهم سدا ومن خلفهم سدا فأغشيناهم فهم لا يبصرون )
ان شاء الله نتقرب موضوعك الخميس الجاي وانتي مستلمه الفيزا
موفقه
ههههههههههههههههه يسعدك ربي حلوه الايه مناسبه للوضع
-
رد: هذه قصتي في موعد الفيزا..28-2-2012 بقنصليه الظهران..
ألف مبررروك حبيبتي بس أنـْْ
-
رد: هذه قصتي في موعد الفيزا..28-2-2012 بقنصليه الظهران..
مبروووك وعقبال لنا جميع الله يسهل لك ولنا يارب
حسبنا الله سيؤتينا الله من فضله انا الى الله راغبون
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة غلاه الروح
ألف مبررروك حبيبتي بس أنـْْ
يبارك بعمرك حبيبتي
بس انتي وشو؟
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة جداوية اتاوية
مبروووك وعقبال لنا جميع الله يسهل لك ولنا يارب
حسبنا الله سيؤتينا الله من فضله انا الى الله راغبون
الله يبارك فيييك
اللهم آميــــــن
نورتي
-
رد: هذه قصتي في موعد الفيزا..28-2-2012 بقنصليه الظهران..
ابغا أعرف أحسن شباك بالرياض
-
رد: هذه قصتي في موعد الفيزا..28-2-2012 بقنصليه الظهران..
مبرووووووووووك الله يوفقك وييسر لك أمورك وعقبال مانفرح بفيزتنا
طيب انا رحت البحرين يعني بيسحبون علي الله يستر
-
رد: هذه قصتي في موعد الفيزا..28-2-2012 بقنصليه الظهران..
اختي قوس رحمه بغيت أسالك بخصوص المرافق اذا كان طالع على فيزا سياحيه ايش الاوراق المطلوبة للسفاره ومشكوره ياعسل
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة غلاه الروح
ابغا أعرف أحسن شباك بالرياض
الموضوع تساهيل
للاسف انا كانت مقابلتي بالظهران
الله يوفقك
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة @دمعه فرح@
مبرووووووووووك الله يوفقك وييسر لك أمورك وعقبال مانفرح بفيزتنا
طيب انا رحت البحرين يعني بيسحبون علي الله يستر
الله يبارك بعمرك حبيبتي
اللهم آمييييييييييين وتبشرينا بعد بإصدارها لكم
لا عادي بس انا اتوقع انه استغرب معقوله شاب ما طلع برا السعوديه ولا حتى البحرين الي بينا وبينهم ساعه تقريبا ههههههههههههههه
موفقه يارب
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة ريموووه
اختي قوس رحمه بغيت أسالك بخصوص المرافق اذا كان طالع على فيزا سياحيه ايش الاوراق المطلوبة للسفاره ومشكوره ياعسل
مطلوب إفاده من شغله انه موظف عندهم ويستلم المبلغ الفلاني كراتب له وانه لازال على راس العمل
كشف حساب 3 شهور من البنك الي ينزل عليه راتبه <مو زلام يكون فيه رصيد ابدا اهم شي انهم يعرفون ان هالشخص له راتب ومرتبط بالسعوديه بوظيفه
وds-160 له
وايصال سامبا حق 532 وبس
الله يوفقك ويسهل لك يالغلا
-
رد: هذه قصتي في موعد الفيزا..28-2-2012 بقنصليه الظهران..
طيب اختي قوس رحمه اذا هو ما يشتغل المرافق والوالد مسؤول عنه ايش الاوراق المطلوبه...لازم يكون يشتغل..؟
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة ريموووه
طيب اختي قوس رحمه اذا هو ما يشتغل المرافق والوالد مسؤول عنه ايش الاوراق المطلوبه...لازم يكون يشتغل..؟
يجيب كشف حساب للوالد....ولما يعبي ابليكيشن ds-160 يكتب معلومات الوالد في فقره (من المتكفل بسفره)
والله يسهل لك
فيه ورقه مطلوبه اذا وصلتي امريكا ان شاء الله للمحرم اذا كان موظف اثبات انه عنده اجازه واذا كان غير موظف يطلع ورقه انه ماعنده وظيفه <اتوقع يطلعها من الاحوال ابحثي عن هالنقطه عزيزتي
موفقه يارب
-
رد: هذه قصتي في موعد الفيزا..28-2-2012 بقنصليه الظهران..
الله يسعدك يارب ويوفقك وين ما تروحين انا تسرعت وفتحت موضوع .....الف شكر يالغاليه...
-
رد: هذه قصتي في موعد الفيزا..28-2-2012 بقنصليه الظهران..
اقتباس:
المشاركة الأصلية كتبت بواسطة ريموووه
الله يسعدك يارب ويوفقك وين ما تروحين انا تسرعت وفتحت موضوع .....الف شكر يالغاليه...
آمين يارب...ولك بالمثل يالغلا
لا تنسين لما تعبين له الابليكشين تحطين انه راح يجلس 6 شهور ولو تحطين اقل يكون افضل (مثل شهرين او شهر ) <لان صاحب الفيزا السياحيه ما يقدر يجلس في امريكا اكثر من كذا
واذا ساله وقت المقابله خليه يقول شهر او شهرين لا يكثر ابدددد
الله يسهل لك وتبشرينا باصدار الفيزا لكم الاثنين
موفقه عزيزتي