المشاركة الأصلية كتبت بواسطة فهههد
طيب ممكن اخي تذكرلنا بعض الاسئله وكيف جاوبت
لان مقابلتك اكيد ناجحه ولذلك يهنئك بالدراسه وتستلم الفيزا قريب ان شاء الله
بس ياريت تفيدنا عندنا الاسبوع الجاي مقابله ومدري وش اسئلتهم المهمه الله يوفقك
الله يوفقنا وياك ..
المقابلة محطني بالاسئلة !! بغيت اقلبها صياااح واقول له خلاص آخر مرة ما اتعودها !
قال لي ليه تروح المانيا كل فترة وجوازك مليان تأشيرات ألمانيا .. قلت اخوي يعالج هناك .. قال لكنك تواجدت هناك تقريبا ً كل سنة من 7 سنين
قلت نعم صحيح هالكلام أخوي يعالج من 7 سنين على حساب الدولة ..
قال لي عندك تأشيرة من بريطانيا خمس سنين وتأشيرتين من إيطاليا وخمسة من النمسا و الخ الخ لكن فيه تأشيرة للهند !! قال توجهك على اوروبا ليه اخترت الهند و طلعت منها تأشيرة ..
انا انلخمت يوم قال لي كذا قلت اكيد بيحسبني بروح باكستان و بعدها تورا بورا عقبها غوانتنامو
قلت له اخوي بعد عالج هناك لكني ما رحت معه طلعت الفيزا احتياط و هذا برنت من الجوازات و عطيته البرنت
قال لي قابلت ناس غريبين و مدري كيف في ألمانيا ( المانيا شبهة بسبب ان منفذي هجمات 11 سبتمبر كانوا في المانيا )
قلت لا أبدا ً .. فلزززم علي قال أكيييييييد ؟ قلت اكيييد
فجأة قلب علي قال وش تبي بتأشيرة هولندا .. قلت امستردام عن بيتي في ألمانيا ساعة بالسيارة ..
وعلى طاري هولندا قال لي تتعاطى الحشيش والممنوعات ؟ قلت له اكيد سألت عشان هولندا مسموح فيها البياعة
قعد يضحححك قلت لا ما اتعاطى صح اني كل ويكيند في امستردام لكن برضوا ما اتعاطى ابد الحمدلله
سألني عن جوازي القديم و عطيته .. لقى تأشيرة لروسيا وكازاخستان .. بدا يشك بالوضع ..
قال لي ليييش رحت .. قلت كنت صغير و رحت للصيد مع ابوي و رجع يسألني نفس السؤال ما قابلت غرباااء قلت له قابلت واحد بس كان روسي و طبعا ً سكران كالعادة و قعد يضضضضحك و الناس انتبهوا علينا .. جا قطع ضحكته وقال لي مبرووووك و ختم لي مدري وشو وعطاني الورقة الزرقا و قال عطني جوازك و بعد اسبوعين بيوصلك جوازك !
و سألني عن الثانوي و لقاها 99 % قال لي ماشالله شاطر قلت ايه بلاك ما تدري عن البراشيم قال نععم ؟ قلت لاولا شي جعلك سالم
<< لحد يصدق مقطع البراشيم ههههههـ
اما كل شي الا اللبنانية اللي عند الباب .. نصيحة لا تصورون بأي استديو .. صورت عند استديو ريما ما قبلووووها !
يبون الاستديو حقهم عشاان ياخذون نسبة منه .. فرروحوا بدري الاستديو يفتح من 6 وتلقونهبالساحة اللي قدام السفارة الامريكية اسال اي واحد يدلك عليه اسمه استديو عجمان
royal__love April 17th, 2009, 11:29 PM
7 "
April 17th, 2009, 02:17 AM
السلام عليكمعلى عجالة يا شباب
الموظف بعد ما سوا المقابلة معي عطاني ورقة زرقا و اخذ جوازي و قال لي مبروك تم قبولك ..
وقال عط الورقة الزرقا فيديكس وكتبت عنواني .. واخذ جوازي و قال بعد اسبوعين يجيك الجواز لمكانك ..
لكن قريت هنا في الموقع فيه ناس اخذوا الورقة الزرقا و وما اخذوا منهم الجواز و ما فهمت كيف بالضبط
ونسيت بعد اقول لكم عطاني الاي تويني الاصلي ودبس عليه ورقة صفرا مكتوب فيها شكرا لاختيارمك الولايات المتحدة الامريكية تحتاج هذه الورقة لإبرازها لمكتب الهجرة لدى وصولك الولايات المتحدة << اعتقد انها كذا
يعني طمنوني وش صار .. لاني رحت وجيت وانا على عماها .. انا خفت من كلام الشباب بموضوع الورقة الزرقا كاتبين انه للحين ما اخذوا الجواز ومعاهم الورقة الزرقا !!
ساعدوني الله لا يهينكم ..