بليز شو الحل مع السفارة ..

ماتقدري تغيري من سفارة الى سفاره
التغيير لـ يوم الموعد والوقت بس

الله يهديكِ استعجلتي ولغيتي موعدكـ
ارجعي الحقي خدي موعد

تسوين حساب جديد وتحطينه بالرياض

هلا اختي


ارجعي وخوذي لك موعد بقنصليه الظهرااان ,, حتى لو كان متأخر

ولما تاخذين الموعد عطيني خبر ارسل لك صياغه ( موعد عاجل ) وترسلينها هم ويقدمون موعدك حسب اللي يناسبهم

الطريقه مضمونه وسويتها معي ومع اربع اشخاص غيري


انتظر ردك

اوك ..صار ..
انتظرني ..
ومشكورين مقدما

أختي .. كيف يعني قدمتي موعد للسفارة بالرياض ومو جاي معكـ .؟؟؟

أنس ..
أيه هذا الي صار معي مازبط الرياض بس الحين رجعت واخذت موعد بالظهران
بس للأسف صار بعد السابق ..
حاليا في احد الاشخاص راح يقدم المساعد
وان شاء الله خير ..

شوفي اختي

اذا تبين على الرياض لازم تشترين لك موعد جديد وتختارين سفارة الرياض

بالنسبة لموعدك الملغي لا تخذين موعد بديل حاولي تدخلين على الموقع بشكل متكرر

وانا اضمن لك انك راح تحصلين موعد قريب
ان عن نفسي يوم دخلت الموقع ما حصلت موعد الا بعد 3 شهور ولكن جلست على النت يوم كامل
والحمد لله حصلت موعد بعد 10 ايام
لأن في ناس تقوم بالغاء مواعيدها لظروفهم الخاصة
ويصير موعده شاغر

هلا اختي ,,,

اعتذر عن التأخير ,,, وان شاء الله خير ( انا بكرا موعدي وعسى الله يسهل الامور يارب ,,, دعواتكم )

بخصوص موعدك ,,
ادخلي على موقع السفاره وادخلي يوزرك ثم تلقين ( طلب موعد طارئ >> للحالات الطبية فقط ) انتي اضغطي عليها ثم اكتبي هالرساله وحطي بياناتك بين الاقواس


الأخوة الأفاضل لدى السفارة الأمريكية
لدي أنا (شوكة ناعمه ) >> اسمك الصريح بالعربي
naema shwka >>> ااسمك بالانجليزي مطابق للجواز
موعد للمقابلة لدى القنصلية الأمريكية بالظهران بتاريخ
(موعد المقابله الحالي >> حتى لو كان متأخر )
ولدي قبول
( I-20 )
من جامعة ( اسم الجامعه ) وبداية الدراسه بتاريخ
(تاريخ بداية الدراسه )
وموعد الوصول المتوقع لواشنطن بتاريخ
(موعد سفرتك لواشنطن ) ولدي ما يثبت ذلك
ومن الصعب الحصول على الفيزا خلال (المده اللي بين موعدهم وسفرتك ) .. اتمنى النظر في طلبي واعطائي موعد جديد يكون قبل موعد السفر بثلاثة اسابيع او اكثر تفاديا لتأخيري عن موعد بداية الدراسة ,,,
وشكرا لكم ,,,
للتواصل
( ايميلك )
(رقم تلفون او جوال )


اللي باللون الاحمر انقليه زي ما هو وغيري اللي باللون الازرق ,,, ( اتمنى اني اكون افتدك وشاكر ومقدر لك ( ولا تنسونا من دعواتكم )

فوتوغرافي يعطيك العافيه .
وبالتوفيق ننتظر أخبارك ..؟