ليلــة لقــانا.. موعدي الساعه ثمــان .. 2 نوفمبــر .. جده
السلام عليكم ..
بدون مقدمــات ..
رايح لهــم بدون الـ I 20
رقمــي 13
سألني سؤال بالانجليزي .. وانا ساكت .. قاللي تتكلم انحليزي .. قلتلــه NO
جاب مترجمه متحجبه ,, مدري مصريه ولا سعوديه .. المهــم
فين الاي توني ؟
ان شاء الله يوصل الاسبوع هذا
في اي جامعه ؟
قلتله اسم الجامعه
اش تخصصك ؟؟
IT
وليش التخصص هذا ؟
لأنه كان تخصصي في الدبلوم
كم بتقعد هناك ..
4 سنسن ان شاء الله
مين بيصرف عليك؟
الوالد
الوالد فين شغال ؟
موظف حكومي متقاعد
فين ؟
قلتلهم مكان العمل
جبت كشف الحساب ؟؟
ايوه .. وهذا كشف الحساب والشهاده البنكيه
ليه ماقدمت على البعثات ؟؟
لأن البعثات للماجستير والدكتوراه
>> بعد مشاورات مع الرجال اللي يتكلم انجليزي .. قلتلي .. بس هذا الكلام مو صحيح :dry:
قلتلها بكل ثقه .. انا اتابع الجرايد يوميــا ,, وشفت الاعلانات بداية الصيف .. ان البعثان مقتصره على الماستر والدكتوراه ..
في احد من اخوانك في امريكا
لأ
ولا احد من قرايبك ؟؟
كمان لأ
مين اللي عبى الورقــة ؟؟
اخويا
ليش ؟
عشانه يفهم انجليزي اكثر مني
طيب ليش مادرس بره؟
عشان لمن تخرج من الثانوي لقى له شغل كويس براتب كويس .. وهو دحين متزوج
طيب اشوف شهادة الدبلوم معاك ؟
اعطيتهم شهادة الدبلوم
بعدين اعطاني ورقه لونها وردي .. قاللي الاوراق الناقصه عندك الاي توني والسيفيس
لمن تجيبهم ادخل على الويب سايت هذا وتلاقي اسمك .. وتشوف مكتوب عندك متى ترسلــه
ولا ترسل الجواز معاهم ..
وبعد ثلاث اسابيع او اسبوعين تلاقي اسمك في الموقع ارسلنا الجواز
>> يعني شكل الهرجه مطوووله ..
هذا كله عشان هرجة البعثه اللي فوق ..
ياريتني قلتلهم .. سلموني الشهاده حق الكلية متأخر
بس نصيب .. وكل تأخيره وفيهــا خيره
اي سؤال .. لاتستحي عادي اعتبرني اخوك :)
رد: ليلــة لقــانا.. موعدي الساعه ثمــان .. 2 نوفمبــر .. جده
يلا ان شاء الله ما تطول الفيزا بس انتا رايح جامعة usf الي في تامبا ؟؟؟؟
رد: ليلــة لقــانا.. موعدي الساعه ثمــان .. 2 نوفمبــر .. جده
لا الشغله مطوله عشان ماجبت الاي تونتي
وماسددت السيفيس
على العمووووم مبروك اهم شي ان الفيزا جايه ان شاء الله
رد: ليلــة لقــانا.. موعدي الساعه ثمــان .. 2 نوفمبــر .. جده
اقتباس:
المشاركة الأصلية كتبت بواسطة memo 55
يلا ان شاء الله ما تطول الفيزا بس انتا رايح جامعة usf الي في تامبا ؟؟؟؟
ان شاء الله انها ماتطول ..
بس تعال ..
ايش دراك اني رايح الجامعه هذي ؟؟ :1eye:
رد: ليلــة لقــانا.. موعدي الساعه ثمــان .. 2 نوفمبــر .. جده
اقتباس:
المشاركة الأصلية كتبت بواسطة جورج واشنطن
لا الشغله مطوله عشان ماجبت الاي تونتي
وماسددت السيفيس
على العمووووم مبروك اهم شي ان الفيزا جايه ان شاء الله
هي من ناحية مطولة .. شكلها مطوله ونص كمان ..
بس انا كاتب لهم موعد وصولي المتوقع في 28 ديسمبر
ان شاء الله يجيبوها قبل الموعد هذا ..
رد: ليلــة لقــانا.. موعدي الساعه ثمــان .. 2 نوفمبــر .. جده
اقتباس:
المشاركة الأصلية كتبت بواسطة saudi 4 ever
ان شاء الله انها ماتطول ..
بس تعال ..
ايش دراك اني رايح الجامعه هذي ؟؟ :1eye:
يواد عيب عليك شغال في السي اي ايه تقلي ايش دراك <<<<<< مرا كداب هههههههههههههههه
باين من معلوماتك كاتب المدينة تامبا خلاص على طول عرفت انها جامعة usf انا رايحلها ان شاء الله قريب بدرس في المعهد حقها بعدين بدخل الجامعة انت معايا ولا كيف ومتى تبدا دراستك ؟؟؟؟
رد: ليلــة لقــانا.. موعدي الساعه ثمــان .. 2 نوفمبــر .. جده
^
^
^
ميموو فيه سر والله
اهل جده يحبو تامبا ما أدري ليش
ممكن تبين لي *_^
رد: ليلــة لقــانا.. موعدي الساعه ثمــان .. 2 نوفمبــر .. جده
^^
^^
يمكن عشان بعرفو ناس هناك >> يمكن !!
ميمو دراستي تبدأ في 11 يناير في ELI
رد: ليلــة لقــانا.. موعدي الساعه ثمــان .. 2 نوفمبــر .. جده
اكيد يحبوها اهل جدة كلهم هناك
سعودي فور ايفير دراستي بالتمام معاك بمعهد eli انا حجزت يوم 27 ديسمبر يلا احجز معايا خلينا نروح الملحقية مع بعض
رد: ليلــة لقــانا.. موعدي الساعه ثمــان .. 2 نوفمبــر .. جده
انا لقيت على 25 ديسمبر
لكن مااشتريت التذكره لســع
واحتمال استنى الين اشوف 27 ديسمبر
عشانها احسن من اللي قبلهــا