مبروووك ( قالها بالعربي المكسر )

السلام عليكم ورحمه الله وبركاته

اليوم كان موعد مقابلتي بالسفاره ..

والحمد لله مرة على خير ..

كان يسألني عن سبب أختياري للمدينه والتخصص ..

وجاوبت عليهن ولله الحمد والمنه ..

ما طولت المقابله .. بعدين قالي مبروك بالمكسرة

<---- شوي وأنقز على خشيمه وأحبه ..

على فكرة أول ما طلع رقمي ... رحت وأنا أم الركب تصفق بي ..

سألني بالانجليزي .. ( وأنا أنجليزيتي مش بطاله بس خفت أهنق بنص المقابله )..

قلت له بالانجليزي أني جيد بالانجليزي لكن لم أمارس مهارة التخاطب جيدا ..

فلذا أتمنى أن تتم المقابله بالعربي .. إبتسم ( ياخي والله يا هم أخلاق ) ..

قمز وجاب بنت حبوبه يبدوا لي أنها جداويه ..

بالاخير .. قالي لي مبروك وهي قالت لي أن الاخبار ساره ..

عطوني كرت أصفر عليه رقم طلب ..

وقالت لي تعال بعد أسبوعين من اليوم وأن شاء الله بتستلم جوازك والفيزا مرتزة داخله ..

بغيت أسأل كل اللي ينقبلون بالمقابله يعطونهم كروت صفر !!!

وعلى فكرة ما جابوا طاري ندق عليك ولا هم يحزنون ..

كل اللي قالوه أني أراجعهم بعد أسبوعين من اليوم ..

على فكرة يبدوا لي أنا الطالب الوحيد اللي جاي أخذ فيزا طالب ..

والله يوفقنا أجمعيييييييييييييييييييييييييييييين ...