مقابلتي اليوم.. 23 ..

والله الله ييسر امورك وانشالله تتيسرلك لكن حبيت اسال اخذو جوازك ولا لا؟؟؟ وايش اعطوك ورقة A4زرقاء ولا ايش اعطوك بالضبط وشكرا

انت وش لابس خخخخ لايكون انت ابو برتقالي ولا راعي الجاكيت العنابي أو ألي لابس جنز بنفسجي ؟

أنا اليوم كان موعدي والأمور كلها سعالات يالله لك الحمد

مبروووووووك وعقبال ما توصل في اسرع وقت

مبروووووووكـ أخــــــوي وعقبال الجميع اليوم كان موعــدي وابشرك قبلت التأشيــرة

آلف آلف مبــــرووووووك الفيزة وعقبـآل الخمس سنوـآت يــــآآآآرب

بس بسـآلك اسمح لي
طلبوآ منك تعريف برآتب الوالد او خطـآب من العمل او اي شي يدل ان ابوك قـآدر ؟؟

والا ماقدمت الا الشهادة البنكية بس ؟!!

ودي

السلام عليكم

مراحب ياشباب انا كان موعدي يوم الاثنين 23 نوفمبر والحمد لله الامور سهالات كنت جايب نسخه الكترونيه لل I-20لانو كان فيه خطأ بالاسم وتاريخ الميلاد بالاصليه يعني الاي تونتي كان ورقه وحده ومعها ورقه ثانيه مكتوب فيها ان الاي تونتي سليم بس فيه تعديل طبعا اخذ مني الورقتين بس ولا طلب الاصل هذا الكلام عند كاونتر 2 الظاهر انه ابوفسيه هندي بعد ما أخذ اوراقي ابو الشباب نسى وصل تسديد السيفيس قلت يابو الشباب تبي توهقنا انت قال اه جبه اجل ثانكس والشهاده البنكيه اللي معي كان الاسم فيها بالعربي والفلوس بالريال بس كاتب فوق انا الاسم بالانجلش وتحت كاتب ان الدولار يساوي 3.75 ريال بعدها ادبست للغرفه الثانيه وجلست يمكن 5الى 10 دقايق ونادا اسمي الكاونتر 6 وقالي بصم بعدها رجعت وجلست مع كم واحد وقعدنا نسولف بعدها ناداني كاونتر 8 امريكي شباب تقل اللي بالافلام امريكي اصل وفصل = المقابله :
الا تعرف تتكلم الانجليزيه ؟ لا ما أعرف
راح تدرس اللغه ثم البكالوريوس ؟ لا اللغه ثم الماجستير .
مين راح يصرف عليك ؟ والدي
ماذا يشتغل ؟ مسوي فيها انجلش انا قلت بزنز مان قال بزنز بماذا قلتله هو رجال متقاعد من العمل والان يشتغل بالعقار والمقاولات
قال انتظر شوي ولطعن كم دقيقه تبون الصراحه (بديت اعرق شوي ) قلت الله يستر هذا راح يجيب ربعه ويمسحون بي الارض
بس الحمدلله اثره الحبيب رايح يجيب لي كرت لونه برتقالي ودبسه بالجوااااز وقالي :تأشيرتك مقبوله وراح تصلك خلال 3اسابيع قلت بنفسي ايه اقعد شهر بس جبه الله لايهينك مفيز وبعدها رحت للفيديكس وقالي جب 125 ريال والله يانا حقدت عليه قلت وش اللي 125 ريال اللي قبلي قايله 65 قال ايه هذا بالرياض انت ببريده قلت ايه هين لا ترسله انا اجي اخذه (صرم ) احس انه قالي جب القروش لا الحين بوقس على وجهك قلت سم طال عمرك وعطيته الدراهم ومشيت .

معلومات :
كان موعدي الساع 8
اقلق مافي الموعد اللطعه اللي تجلس تنتظرها عند اول صاله !!
انا كنت مسافر لسوريا ولا سألني عن شي .
دخلت تقريبا الساعه 8 و10 هذا على ذمت الوقت اللي مكتوب على الرقم وخلصت الساعه 9 و40 دقيقه بعد ما إستلمت اغراضي من عند الباب .

هذا والله الموفق .

بس انا حبيت اسأل عن الكرت البرتقالي فيه احد اخذه ؟؟



فـــــــــــهد

ايه اخذو جواازي
وعطااني كرت لونه برتقالي

لاا لابس قميص لونه كحلي .. يميل للاسود << باللهي

اكثر واحد مخروش في ذاك اليوم اناااااا
تشوف مترت ام السفااره رايح جاي
لاانه ماكان معي نموذج 158 ..<< ماحطه لي المكتب يلعن بليسه شوي ويجيب فيني العيد
بس عبيته عندهم الحمدلله ومشوووني ..

الله يبارك بعمرررك
امين يارب الله يسمع منك