أجل لازلتوا محتارين
إبشروا وبالتفصيلل الممل بعد
ولكن يمكن تتلخبطون لأن الموضوع راح يتحول إلى حصة جغرافيا بس عادي لو رسمتوا على ورقة راح تتضح الأمور
السفارة تقع في حي السفارات ويحد هذا الحي من جهة الشرق الدائري الغربي
الدائري الغربي يمتد من جنوب الرياض الى شمالها ويقع غرب الرياض
من أقرب الطرق اللي تتقاطع مع الدائري الغربي هو طريق العروبة
وطريق العروبة يخترق الرياض من شرقها إلى غربها (يعني ينتهي في الطريق الدائري الغربي وبجوار حي السفارات)
علشان كذا نقول أول الحلول هو السكن على طريق العروبة
وبتكون أقرب نقطة من حي السفارات
عندك في طريق العروبة في الجهة الشمالية منه (حي الرائد) والجهة الجنوبية منه (حي أم الحمام) العديد من الشقق المفروشة وبرضه فيه فندق أو فندقين بس مااذكر إسمها
وهذي أقرب الشقق للسفارة
لو برضه كملنا على طريق العروبة وخلينا حي السفارات ورانا
بيجيك شارع التخصصي
يعني لازلنا قريبين من حي السفارات
وشارع التخصصي موازي للدائري الغربي وعليه العديد من الشقق المفروشة
لو قلنا إنك برضه تعديت شارع التخصصي وانت لازلت على العروبة برضه بيجيك شقق مفروشة وبتوصل إلى طريق الملك فهد وتقريبا بعد بمسافة 500 متر بيجيك شارع العليا
طريق الملك فهد وشارع العليا
كل الفنادق موجودة عليها
هوليدي إن
المملكة
الفيصلية
المثنى
الخزامى
فوق 50 شقق مفروشة
ولو سكنتوا في أي واحد من المواقع اللي ذكرتها قد لاتستغرق المسافة مدة 10 دقايق
أهم شي تعرف الطريق وتحاول تنتبه للزحمة الللي تكون عند مدخل حي السفارات لأن فيه تفتيش
أي إستفسار إحنا حاضرين ولا تحرمونا من دعائكم
وبرضه اللي أرسلنا لهم الجوال يقدرون يتصلون في أي وقت
alhaime March 18th, 2010, 10:40 AM
7 " يعطيك العافيه يآشباب على التعاون ،
توفرون مجهود ، كبير على الناس ،
والله يجعلها في مزان حسناتكم ..
Anas. March 18th, 2010, 10:46 AM
7 " ماقصروا الاخوان
وراح اعطيك فكره واختصر الموضوع
لاتسكن الا في شارع العروبه فيه فندق جيد ومحترم اسمه الشروق رمادا بجانب مستشفى العيون
وامامه من الجهه المقابله فندق جديد ماتذكر اسمه والاسعار جداً معقوله ويوجد في نفس الشارع
شقق فخمه وشقق عاديه يعني ريح باااااااالك ولا تروح بعيد عن طريق العروبه((غرب))
ويوجد تكاسي ومطاعم
راح اوصف لك مثلاً انت ساكن في رمادا تطلع الصباح تركب السياره تطلع على طول تاخذ دوار نص كيلو
انت على بوابة السفارات اول دوار ثاني دوار ثلاث دوار تاخذ يمين تمشي شوي السفاره على يسارك(ولا اشارهـ)
ولاكن اذا سكنت في حي ثاني الله يعينك على زحمة الرياض والاشارات
((انا وضحت لك لاني خايف عليك من زحمة الرياض يروح عليك الموعد))
آلبــــــدر March 18th, 2010, 05:06 PM
7 " أنا أنصحك بالشقق اللي جنب مستشفى العيون
وتراها ممتازة
وبرضه ترا أشوف غالبية المواقع جيدة
يعني أنا مثلا ساكن بشمال شرق الرياض
وحي السفارات غرب الرياض
والمسافة تقريبا 25 كيلو
بس تأخذها في 20 دقيقة
لأنه من بيتي إلى حي السفارات مافيه ولا إشارة
alhaime March 18th, 2010, 10:16 PM
7 "
رقم كورال السليمانيه 012885000