استفسار مقدمة عالمرحلة السادسة وعندي فبول و فيزا لامريكا من قبل! هل ممكن يضيعوا علي؟؟

هدي يااختي كلمي الجامعه وشوفي على ماظن انهم راح واديهم سبب مقنع
وادا كثرو حكي شوفي جامعه غيرها


مادري عن الحكومه بس الي اعرفه انو لو جاكي الابتعاث يقوولي لكي روحي مكتبين وجيبي قبول
يعني انتى ان ردي عندك قبول
بس لو بجده في مكتب ايجك بيشرحولك كل شي ومعتمدين من الوزاره لو حابه ادلك عليهم قدام كلية البنات الي بشارع صاري

نفس التساؤلات أرجوكم أجيبونااااااااااااااااااااااااااااااا

مررره سهلة ومايحتاج تروحي مكتب ولا اي شي ترى معظمهم مررره مايفهو اي حاجة!! <<< سوري بس دي هيا الحقيقة


دحين انتي راسلي المعهد اللي عندك قبول منو وقوليلو انك غيرتي الضمان المالي وصار من وزارة التعليم العالي طبعا بعد ماتطلع نتايج المرحلة السادسة ان شاء الله, وقوليلهم انك تبغي i-20 جديد بتاريخ جديد و بنفس رقم السيفيس القديم اللي قيدو عندك

وعادي طبعا اذا جبتي قبول لنفسك هوا دا الافضل انك تسوي شغلك بنفسك وتختاري المعهد والمكان والوقت اللي يريحك مافي احد راح يمنعك!!
معظم المكاتب تتعامل مع معاهد تجارية و مو قوية.


***واذا حابة تتأكدي وتتطمني اكتر راسلي الوزارة او المسئول عن القبولات في معهدك اللي جايبة منو قبول

والسفارة مالها صلاح اذا تغير الضمان حقك اهم شي انوفي احد يصرف عليكي عشان في النهاية ترجعي بلدك ما تهاجري

وربنا يوفقك ويكتبلك الخير فين ماكان

طيب يا اخويا يعني المقبولين بالبعثة لازم يجيبوا القبول من المكاتب اللي تحددها الوزارة بس؟؟؟
لانه هذا القبول جاب لي هوا اخويا من امريكا بحكم انه يدرس هناك .. فهل هناك معاهد محددة من الوزارة او كيف؟؟

مشكورة حبيبتي والله جزاكي الله الف خير و جعله في موازين حسناتك

اولا: مافي احد راح يقولك فيزا جديد و عذاب جديد طالما تبغي نفس نوع الفيزا F1
ثانيا: الوزارة ماتجبرك انك تجيبي قبول من مكتب معين بس بالنسبة للمعاهد في معاهد مقفلة من الوزارة بس ارسلي ايميل للملحقية في امريكا باسم معهدك واذا كان مسموح الدراسة فيه او موقفة حاليا
ثالثا: الضمانات راح تطلع بعد مايطلع قبول الابتعاث اللي فهمتو تقريبا على شهر 11 هجري ان شاءالله
وايش راح تستفيدي منه انك ترسليه للمعهد انكانتي على حساب الدولة وهي اللي راح تسدد تكاليف دراستك
بس لاتنسي لما تراسلي المعهد تقوليلهم انك مقدمة على برنامج الملك عبدالله للابتعاث وانو حتاخدي ضمان مالي من وزارة التعليم العالي وانك حترسليلهم هوا اول ماتحصلي عليه

بس وكدا ربنا يوفقك

جزاكي الله الف الف خير ياقلبي...
ان شالله بسوي اللي عليا و بشوف ايش حيسير

والله حسب اللي قريته في موقع السفارة الامريكيه ... انه تقدرين تطلبين من المعهد قبول جديد بشرط انه بنفس رقم السيفس وبشرط انه بداية دراستك تكون الفتره بينها وبين بداية دراستك (اللي طلعتي فيها الفيزا) ما تزيد عن ٤ شهور ...اذا عدت ٤ شهور عن بداية دراستك الي قدمتي فيها، تحتاجين فيزا جديده

طيب انا ممكن اطلب قبول جديد و بنفس الرقم .. بس كيف بداية الدراسة تكون بينها و بين الدراسة اللي طلعت فيها الفيزا؟؟

شوف انا اخدت الافيزا في MAy و الدراسة كان المفروض تبدأ في 28 June ..طبعا انا ماسافرت..

بس الان صار للدراسة بادئة من شهرين تقريبا..والفيزا معايا من 3 شهور والان حجدد ..فهل فات الاوان ولاكيف؟
والله مره مافيا اطلع فيزا جديدة