1/2/2011 من الالف الى الياء مقابلتي بالسفاره

تنبيه: هذا الموضوع قديم. تم طرحه قبل 4833 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

MaC 6
مبتعث جديد New Member

الولايات المتحدة الأمريكية
MaC 6 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Business , بجامعة northern state university
northern state university

Business

ذكر
Aberdeen, South Dakota.

السعودية

Jan 2011
المزيدl
February 4th, 2011, 06:44 AM
February 4th, 2011, 06:44 AM

بسم الله الرحمن الرحيم

هذي قصتي بالتفصيل الممل مع السفاره

في صباح يوم جميل حيث تغرد العصافير <(--- متعوب عليه

دقيت سلف وحركت من الفندق الي كنت مستاجره للسفاره

وطبعا كان طول الطريق تفكير وش بيسئلون وايش بقول ويارب ماتنرفض التاشيره

وكل شوي اوقف واتئكد من الاوراق لايكون ناقص شي

وصلنا للسفارات وتوجهت لساحه الكندي اخذت لي كفي وعينت من الله خير

وكان موعدي الساعه 8 ص

قربت الساعه لـ7.30 وتوجهت للبوابه اعلنو استقبال الي مواعيدهم الساعه 8 وتوجهت وصلت الموضفه الفلبينيه واخذت الاي توني والجواز وورقه السامبا وتاكدت منهم بعدين قالت لي توجه للتفتيش

دخلنا وبعدها توجهت واخذت الرقم وتوجهت للكونترات جاء رقمي ونا ع بالي هي المقابله سئلتني هل سبق ان زرت امريكا

بسرعه رديت عليه لا واتمناء ان ازورها

بعدين قالت لي بصم وكذا

سكتت شوي بعدين قالت خلاص استرح

<(--- وقتها ع بالي انهيت المقابله

شوي ونادوني برقمي مره ثانيه وقالت لي توجه للكونتر رقم 8

<(--- هنا بدت ام الركب

اول ماوقفت قالت ارفع السماعه

بعدين سئلتن هل سافرت بالخمس سنوات الاخيره

جاوبتها نعم قالت وين قلت مصر ودبي وماليزيا والهند

سبب السفرات هذي طبعا سياحه

بعدين قالت وين بتدرس وفي اي ولايه واي جامعه

اجبتها ولايه سونث دكوتا مدينه ابدرين جامعه نورثرن ستي ينفرستي تخصص اداره اعمال <(-- طبعا ماسئلت هي وش التخصص بس مع الحماس جاوبتها

اماذا فعلت بعد التخرج وكانت الاجابه عملت لدى شركه

وماهي وضيفتك مشرف ميداني

على حساب من سوف تدرس

حساب اخي

هل معك كشف حساب نعم معي كشف الحساب واعطيته كشف الحساب طالعته شوي وقالت المبلغ غير كافي للعيش في امريكا

طبعا الكشف كان فيه 95 الف ريال

رديت عليها بسرعه وماخليتها تكمل قلت الي بطلع ع حسابه ينزل له شهري بما يقارب 4000 دولار والمبلغ الي بالكشف هذا موجود الحين

قالت حسنا

جلست شوي بعدين قالت تاشيرتك تم قبولها توجه لفدكس وسدد الرسوم وبعد اسبوع سوف يصلك الجواز

توجهت للفدكس وسددت الرسوم 125 بحكم اني خارج الرياض

ويارب لك الحمد امس الخميس صحيت الصبح حصلت رساله من فيدكس رحت واستلمت الجواز وفيه التاشيره

يعني يارب لك الحمد المقابله يوم الثلوث والتاشيره عندي يوم الخميس

حبيت اوصل لكل الي خايف من المقابله انها مره سهله

انا عن نفسي كنت متخوف ومدري ايش وقلقان لمن دخلت قلت الي كاتبه ربي يبي يصير وتوكلت ع الله وبديت اجاوب ونا مرتاح وعيني بعين الي سوا لي المقابله واجاوبه ونا واثق من كلامي ويارب لك الحمد مشت

لاتصدق بعض التهاويل الي تنقال فالمنتديات ترا وربي الموضوع سهل ولا يبي له كل هالتهاويل

وعلى فكره في شخصين قبلي سوو مقابله عند نفس الي سوت لي المقابله واحد اسئلته سوالين فقط والثاني 6 اسئله ونا نفسه يعني ع حسب الي قدامها تسئل

الله يوفق الجميع بما يحب ويسهل لهم امورهم
يالله الله المستعان

أنا مقابلتي في يوم 7 من هالشهر

اللع يعين يارب تمشي أموري سليمه

ومشكور على التقرير
RaShOd
February 4th, 2011, 09:10 AM
7 "
ماشالله هالفيزا هذي حظوظ انا مقابلتي كانت قبلك يوم 30\01\2011
والى الان ماصار شي توي بدري عالغثا
عبدالله را
February 4th, 2011, 05:18 PM
7 "
الله يووفقك ويعينك انا مقابلتي يوم 8 اممممم فيه سؤال محيرني
انا بطلع على حساب اخوي
يعني اجيب كشف الحساب والشهاده البنكيه من حسابي ولا حساب اخووي بلييز رد عاجلا غير اجل ^_^
د.راكان
February 4th, 2011, 05:30 PM
7 "
فعلا يا استاذي الوضع اسهل مما كانوا اصحاب النفسيات الـ ..... يصورا لنا ، كنت في ردودي بموضوعي بخصوص مقابلتي في السفارة الامريكية دائما ما اقول " ان المقابلة ما تتعدى وضعها مثل ما تدخل فرع موبايلي في وقت الزحمة و تبي تطلع شريحة !

بالامور سهالات ...

عارف وش ودي
نعمل انقلاب و مضاهرات في المنتدى على اصحاب النفسيات المريضة و اصحاب و نطالب بإقالتهم من المنتدى << والله متعوب عليها
إياد العنزي
February 4th, 2011, 05:43 PM
7 "
ياهلا فيكم منورين الموضوع

بالنسبه لك اخوي د راكان كشف الحساب للشخص الي انت بتطلع ع حسابه يعني كشف لحساب اخوك

اخوي اياد عز الله انك صدقت كنك رايح لفرع موبايلي بتطلع شريحه

^_^
MaC 6
February 4th, 2011, 10:58 PM
7 "
ممداهاا هههههههه <<<
ترى امزح ..تف تف مشاءالله مشاءالله ___الله لايضرك ياخوي والله يوفقك
وان شاءالله نلحقك يارب باقرب وقت ___وأنت أكييييد تستاهل هالتيسيررر ...

.........دعوآآتك.
سميتكـ غلاآآي
February 5th, 2011, 02:06 AM
7 "
ممداهاا هههههههه <<<
ترى امزح ..تف تف مشاءالله مشاءالله ___الله لايضرك ياخوي والله يوفقك
وان شاءالله نلحقك يارب باقرب وقت ___وأنت أكييييد تستاهل هالتيسيررر ...

.........دعوآآتك.

ربي يخليك ويالله العقبال ماتكون تاشيرتك بيدك ونشوفك هناك بذن الله

موفق اخوي ^_^
MaC 6
February 7th, 2011, 09:04 PM
7 "
أبشرك استلمتها اليووم ياخووي ’’’
سميتكـ غلاآآي
February 7th, 2011, 09:12 PM
7 "