مقابلتي بَ السفآرةة .. بشككل عام

October 24th, 2012, 04:09 PM

السلامم عليككم ...

حبيت اوضح لكمم وش صار معي بالسفاره وكيف كانت المقابله ووش طلبوو .. للفايده

اول شي كان موعدي انا واخوي يوم الثلاثاء الساعةة 9 رحت لهم 8 وربع وانا عند بابهم ..
عطيت اوراقي الموظفه وخذت المطلوب وقالت عطني صوره وحبيت انوه ان الصورة لازم تكون خلفية ابيض وتكون اعرض من العاديةةة **ان جيت تتصور قول للسفاره وهم يعرفون **
وبعد ماتخلص منها تروح للدريشة الي جنبها وتعطيهم جوالك والمفتاح وان معك سيدي او فلاش ياخذونه ويحطونه ب ظرف علية رقم ويعطونك كرت صغير احمر علية الرقم حق اغراضك ..

واول مايفتحون لك الباب تحط كل الي معك ب صندوق وتمر مع شي زي حق المطارات ..

اول ماتطلع تحصل عسكري امريكي علية نظرات ودك تصفقه لا ومن زود الدلاخه اخوي قاله السلام عليككم وطبعا مارد كل الي علية ان عينه ب عينك
ولاتسأله ولا شي لان باين عليه تبن ...
امش قدام وبتحصل قدام ع اليسار اول ماتدخل بتلاقي موظفة وامن بيقولك هو عاد وين تجلس .. وطبعآ مافيةة زحمة واجد وتجلس شوي ويجيك واحد ينادي ب رقمك ويقول روح للنافذه رقم *** يعلمك هو ..
اخوي راح لوحد فلبينيه اتوقع ويقول رديت ع بعض الأسألةة باالانجليزي وانا رحت لوحده مصريةة اسلوبها كويس مره وتكلمت بالعربي .. مع العلم ان الفلبينيه تتكلم عربي بس اخوي مسوي فاهم وقام يرد ..
المصريةة سألتني اول مره تروح ومين يتكفل فيك واسأله عاديةة ولية تروح لأمريكا قلت للدراسةة ..
وبعدهها ترجع تجلس ب الكراسي القريبة وفيه سوداني ينادي .. يوم نادا برقم اخوي قمت معه وقلت اخوان بندخل سوآ <<يقآلنا نبي نجري بعض ..
قال اوك روحو لـ رقم ** ناسي اي رقم بس اول واحد وكااان اطلللللللللللللللق شخص بالحيآة ..
طبعآ انا متخرج لي سنتين واخوي توه متخرج وكنت خايييف من هالموضوع لان ماعمري سألت الا ويقولون يعقدون الموضوع ان صرت زمان متخرج .. بس سألني وش سويت قلت درست ب الجامعة واحتري اخوي يتخرج ع شان نطلع سوآ <<مخرج غبببي بس آشوا قال اوك ..
المهم كان يسأل وانا الي اجاوب وكان يسأل ويتبسم .. قال عطوني القبول وعطوني كشف الحساب والشهادة البنكية المهم قال مين الي يتكفل قلنا الوالده قلت الوالده وقال اي ولاية وعلمته وقال رحتوا قبل لأي دولة وقلت لا وقال العيد برآ المملكة ولا جوآ قلت لا بالرياض ان شاء الله ..
وبعدين جاء قال المفروض للشخص الواحد 120 الف لان ال i20 مكتوب فيه هيك وهذا حساب واحد لكم كلكم ..لو جايني كل واحد لحالة م انتبهت .. قال اخوي لا موجود كل واحد ورقه << مسوي مافهم وش قصده ..
قلت انا عاد مشنآ يَ ابن الحلال << متعود عليها :| ...جاه امريكي ثاني وجلس يتكلم ومافهمت الا ** مشكله ** وراح قلنا بشر وش صار ان شاء الله امورنا طيبة ... قال ان شاء الله بحاول .. بعدين قال طبعآ بعد اللغة تصيرون ع حساب الدولة ..؟! .. قلنا ايه ان شاء الله .. قال الآآجاببببة الصحيحة هههههههه بغيت ارقص من الفرحةة قال لأخوي طيب وانت وين بتدرس ووبتتكفل فيك الدولة بعد الـلغة .. عاد اخوي قال نفس وضع اخوي كلنا ب نفس المكان ونفس السكن .. عاد قام يستظرف وقال وش اسمك قال راكان قال ايه هو محمد مو كلكلم نفس الشي ضحك وعاد احنا انواع التسليك نضحك ... قال اوك اثنينكم مقبولين واسبوع ان شاء الله توصلكم .. روحو ادفعوو رسوم الفيدكس .. كان ودنا ندخل نحب ع راسه من زود طيبته وفلته .. وطلعنا وسددنا 65 وطبعآ عني انا من يوم دخلت لين طلعت ماتكلمت الا عربي واخوي من رغبته هو تكلم مع وحده انجليزي ..
وببس وماابالغ لو قلت احسن خدمةة مررت علي ...

بس مارفع ضغطي الا هالعسكري ودك انه يبتسم :@ ... ولا كلهمم تمام الحممد لله

اي سؤال انا حاضر .. :*

• نشر عبر تويتر
• نشر عبر فيسبوك
• نشر عبر جوجل