مبتعث سابق في أمريكا ، من يريد الاستفسار فليتفضل

اشكرك مرة اخرى
العمل ماعندهم اي مانع اني اجيب قبول مشروط باللغة
لاكن المصيبة الى الان ماوجدت جامعت تقبلني
لانه الشرط الاول والاخير الجيمات ثم الجيمات ثم الجيمات او الجي ار اي
هل ممن الممكن لديك الخلفية عن الجمعات او عن طلاب راحو درسوا دكنواره في جامعات فيها جميات او او مافي جيمات عشان ممكن اتواصل معاهم
واحد قالي الحل الوحيد لقبولك هو المعرفة لاحد الزملاء للجامعة او قسم الادارة اللي انت تبيه
ممكن لديك معلومة لطلاب راحو كملو دكتوراه اتواصل معهم

واشكرك مرة ثانية

اخوي اول شيء احب اشكر بشدة على تواجدك وهذا يدل على رقي اخلاقك .... فهنيئا لاهلك فيك


ساطرح عليك مجموعة من الاسئلة واتمنى ان الا اكون عبئا ثقيلا عليك بها ...


السؤال الاول انا خريج قسم انجليزي ولايوجد تخصص متاح للماجستير الا تسويق .... وانا قررت اروح على تسويق ثم احول التخصص الى ترجمة ...... سؤالي هل هذا ممكن ؟؟

ممكنين إن شاء الله بس إنت جيب قبول نهائي في جامعة معترف فيها

السؤال الثاني اي الولايات افضل بالنسبة لدراسة الترجمة ان كنت تعرف ؟؟؟

شوف موقع الريتنق حق الجامعات في التخصص وبتعرف وش الجامعات القوية بالتخصص بس نقطة مهمة تأكد من وجود تخصص ( ترجمة ) بأمريكا لأني خابر واحـد مدري هو يصرف ولا وش يقول مافي بأمريكا كلها تخصص باسم ترجمة ..!
بس إنت تأكد من خلال موقع الوزارة وكدلك البحث في قوقل

السؤال الثالث وهو الاهم ...... اريد افضل ولاية تحمل هذه المواصفات ( آمنة جدا وهذا اهم هم شيء - رخيصة من ناحية السكن والاشياء الضرورية - مناخها رائع وعلى البحر ان حصل - يتواجد فيها البيض بنسبة كبيرة من نسبة السكان اقصد لا اريد ان اسكن مع ذوو الاصول الافريقية والعصابات ))

شف كاليفورنيا وخاصة ساندييقو جو وأمان وجامعات قوية وعلى البحر .. يعني ع طلبك إن شاء الله والخيارات كثيييرة لا تحد نفسك على مكان معيّن فقط ابحث عن الجامعة وباقي الأمور تتسهل

السؤال الاهم ماهي الاشياء التي تثقل عليك ماليا ؟؟ وهل السكن يعتبر مشكلة هناك وياخذ نصييب كبير من المكافئة ؟؟
أعتقد إن السكن يأخد نصيب الأسـد من المكافأة
هل المكافأة تنزل شهريا بموعد منتظم ؟؟
نعـم
هل تعطى تذاكر سفر ؟؟ وكل متى ؟؟؟
في كل سنة لك تدكرة وحـدة وكدلك عند الطلوع أول مرة وبعد الإنتهاء
هل امتلاك سيارة امر مهم ؟؟ وكم اسعار السيارات هناك ( اقصد سيارة تقضي الحاجة )) ؟؟
تختلف من مدينة لمدينة بعض المدن متوفرة فيها وسائل النقل العام والبعض الآخر ماتحتاج سيارة لأن الشقق حول الجامعة وفيه باصات مخصصة للمجمعات تودي الجامعة وهكدا
هل يجب ان اخذ معي مبلغ احتياطا او الامر بالخيار ؟؟؟
نعم خد مبلغ معاك في البداية تمشي أمورك إلين تستقر وإدا ماكفت عادي واحـد إتصال ع السعودية ويحولون لك على حسابك حتى لو سعودي بس بياخدون حق التحويل مبلغ بسيط
كم االمكافأة للماجستير ؟؟ وهل تفصل توزيعها على حياتك خلال شهر بعد اذنك

المكافأة لجميع المراحل موحّدة 1800 وعليها كسور .. طبعا التوزيع كالآتي ( سكن ، أكل ، شرب ، مواصلات ، فواتير ، تسوق ، تمشية ..)
اتمنى ان لا اكون قد اثقلت عليك باسئلتي فانا متخوف من اشياء كثيرة واهمنها المسألة المادية فهي مصدر قلق دائم لي
لا تخاف من المسألة المادية فأنا كنت ساكن في أغلى المدن بأمريكا وعادي جدا كل الشعب عايش واللي يقولك يعتمد على أهله في الصرف قله مع إحترامي أنت لا تعلم كيف تنظم مصروفات . عدا الحالات الطارئة والعوائل هدي يبي لها حسابات خاصة .
شاكر لك تواجدك

هدا والله أعلم


وبالتوفيق ياخوي ولا تنسى دعواتك لنا

يعطيك الف عافية على جهودك
بس كنت حآبه اسألك بخبرتك
ايش الافضل السكن مع عائلة ولا بسكن خآص (انا طالعة مع اخوياا )؟
وايش افضل جامعات للبزنس تخصص محآسبة وللهندسة ؟

ماذا تعرف عن تخصص التأمين , هذا ماقصدته عزيزي..

شفت ياخوي رجعت لك كاني بديت ارجع لامريكا من كلامك

طيب اخوي انا وزوجي نبي نكمل هناك اخاف انه ماننقبل بنفس الجامعه عادي لو غير جاكعه بس على الاقل نفس الولايه لانه لايمكن كل واحد منا يعيش بجهه ابدا


وش الافضل ادور قبول جامعه قبل ماروح انا هناك وهل اقدر ادرس بمعهد الجامعه نفسه وهل هذا الشي افضل او لا

يعني الزبده انا بكمل ماستر يعني البعثه بتطلب مني اجيب قبول معهد او لازم قبول معهد وجامعه ؟
وكمان ابي مدينه حلوه وجامعاتها قويه وكيف اقدر اقدم. عليها ؟
أعتقد يبون بس قبول معهـد بس زي ماقلتِ الأفضل قبول جامعة مع معهـد دايركت وبدلك تضمنين قبول زوجك معاك وبعدين يا أختي فيه مدن فيها أكثر من خمس ست جامعات يعني لا تخافي إن شاء الله تحصلوا قبول في نفس المدينة
وفيه الكثير من الجامعات قوية حول أمريكا بس على حسب تخصصك وطبعا كلما كانت الجامعة قوية كلما زادت سقف متطلبات القبول فيها .
اقصد حلوه من ناحيه مكان وامان
فيه مدن كثيرة فيها الأمان عالي عندك مدينتي بوسطن وولاية أوريغون والكثير الكثير من المدن إللي فيها الأمان بنسبة عالية وكبيرة وهدا لا يعني أبدا أن البقية ليست آمنة بالعكس الجرائم إللي نسمع عنها والله عادية وتحصل للي يحط نفسه في مكان شبهة
واذا تذكرت شي بقولك الله يوفقك وين ماتروح