سؤال عن مرحلة التدقيق لاصحاب المرحله السابع او من له خبره

1- المفروض تصور جميع الشهادات
2- البعثه مضمونه للي مستوفي 200%
3- الزامي الشهاده خاصه للبكالريوس


اخر سوال اذا خلصت اوراقك تقدر تسافر بعد الملتقى مباشرة
وكل سنه يقال موعد اصدر القرار الى التاريخ كذا
لكن المرحله السادسه في ناس الى الان ماصدرو القرار

يعطيك العافيه
لكن
السؤال الاول والثالث اجابتها مو واضحه لان في السؤال الاول انا قلت هو ياخذ الاوراق اللي طبعتها من موقع قياس ويخليها معه ولا بس يشوفها ويتاكد من تطابقها مع درجاتي بالقدرات والتحصيلي

السؤال الثالث انا اجيب المعاهد ولا هم ؟

اهلين انا اوضح لك
مرحلة التدقيق اقضل شي اخذ كل اوراقك اصل و صور و هم ياخذون الصور و لاصل لازم تكون موجوده لانهم يدقوق عليها و يتأكدون من المطابقه و يعطونك الاصل و هم ياخن الصور الي يبغونها و يرتبونها لك
احنا المرحله السابعه إخترنا المعهد بانفسنا و جبنا القبول بعد بانفسنا بس بعد موافق الوزاره ل المعهد يعني انت تختار المعهد و تقول ل الوزاره انا ابغ المعهد هذا و هم يقولون لم ان المعهد موافقين عليه او ان المعهد مكتفي غيره
الافضل انك تختار كذا معهد و شوف بالترتيب و شوف الوزاره اذا ما وافقت على الاول حط خيارك الثاني
اتمنى وضحت لك
و اي سؤال انا حاضره
تحياتي T0te

يعطيك الف الف عافيه
بس بما انك مبتعثه ومريتي بكل الاجرائات
انا اللي ابي اعرفه في مرحلة التدقيق طلبوا منكم طباعة درجة القدرات ودرجة التحصيلي
ويوم رحتي للمكان المحدد عشان يدققون هل اخذوا منك الورقه اللي طبعتيها عن القدرات والتحصيلي ولا بس شافوها وتاكدوا انها مطابقه ؟
ولو صار المرحله 8 مثل المرحله السابعه متى اعطيهم رغباتي بالمعاهد لان زي ماسمعت انه في الملتقى تعبي الاوراق وتعبي المعاهد اللي ترغبها
وشكرا

اهلين اخوي انا من طلاب الماجستير يعني ماكان معي قدرات وتحصيلي ما اقدر افيدك ما أعرف آسفه
و إن شاء الله بعد مرحلة الترشيح يوضحون الاوراق المطلوبه
اما بالنسبه ل المعهد و قبوله بعد مرحلة التدقيق و خروج النتائج فيه ناس بدأت و قدمت على المعهد قبل ما تتكدس المعاهد و اخذو الضمان المالي حقهم عن طريق ايميل الوزاره و الي ما قدم على المعاهد ايام الملتقيات اخذو اوراق الضمان المالي
انا ما اخذت الضمان المالي إلا في الملتقى و بعد ماراح علي المعهد الي كنت ابغاه و غيرته و يوم الملتقى كان فيه ناس جابت القبول و اصدرت قرار الابتعاث حقها
يعني نصيحه اول ما يطلع إسمك في الترشيح إن شاء الله تبدأ تقرأ عن المعاهد و تختار لك كذا معهد و تبدا تخلص اوراقك بدري مو تتأخر مثلي انا الى الآن ما سافرت ولا طلعت قرار الابتعاث

المعهد اجيب قبوله بعد مايطلع اسمي بالترشيح النهائي يعني قبل الملتقى ب 3 اسابيع تقريبا
يعني اجهز القبول من نفسي واروح الوزاره في اي وقت واقول اني جبت القبول واخذ الضمان المالي منهم وبعد الملتقى اصير كملت اوراقي وسافرت : ) ان شاء الله ؟

مشكوره ويعطيك العافيه وماقصرتي والله

لكن قبل تجيب القبول لازم تبلغ الوزاره إنك إخترت المعهد هذا و يوافقون عليه علشان يسجلون اسمك في هذا المعهد
انت تقول انك تجيب القبول و بعدها تروح تاخذ الظمان المالي ....
يعني تسجل بالمعهد بحسابك الخاص و لازم تطلع شهاده بنكيه علشان التسجيل بالمعهد و إجراءات الفيزه
اخوي تقدر تاخذ الظمان المالي عن طريق الإيميل او مقر الوزاره لانك بالاساس بترسل لهم إيميل تطلب موافقتهم على المعهد حقك و إذا انت قريب من الوزاره تروح لهم و تاخذ الموافقه و الضمان المالي و تقدم به على المعهد
ادري ازعجتك و كل شوي اطلع لك بسالفه جديده لكن عادي كل هذا علشانكم و انا مريت بالتجربه و احب افيدكم و ما ابي منكم غير الدعاء
وإذا بغيت مساعده او اي سؤال انا بالخدمه

اي الحمدالله الوزارة قريبه يعني اروح لمقرهم واقول لهم بسجل بالمعهد الفلاني واخذا الموافقه والضمان المالي وارجع اقدم طلبي للمعهد واسجل واطلع فيزتي واتجهز للروحه ان شاء الله

بالعكس والله لا ازعاج ولا شي , ولا شي كنت اعررفه والحمدالله الحين تقريبا كل اللي كان ناقصني عررفته واشكرك مرره ثانيه واسفين تعبناك .

يالله ننتظر اللي مروا بمرحلة التدقيق وكان معهم اوراق مطبوعة لدرجة القيااس والتحصيلي ياليت يعلومني اذا الموضف المدقق شاف الدرجه وتأكد من تطابقها او انه اخذ الاوراق وخلاها معه

تسسلم على المعلومات راح تفيد الكل