استفسار عن وضع المحرم في البعثه

السلام عليكم ورحمة الله وبركاته . .



اخواني اعضاء منتدى مبتعث . .الله يكتب لكم الخير في كل امورك . .ونتمنى لكم الفوز بليلة القدر . .

انا عندي اسفساار بسيط . . بالنسبه للمحرم . . انا بروح مع اختي كـ محرم لامريكا . . بس هل يتم قبولي كـ طالب مبتعث اول مااروح معها . .او لازم اروح لامريكا واقدم على الملحقيه ثم انتظر كم شهر ثم يتم قبولي . .
اتمنى انكم تفيدوني في هذه المعلومه . . والي عنده معلومات شامله لهذا الموضوع اتمنى انه مايبخل علينا . . فانا متعثر في هذا الموضوع . . ويعطيكم الف عاافيه


اخوكم : ياسر

تروح كمرافق ... تدرس لغه .. تخلصها و تجيب قبول جامعه .. و تقدم طلب الحاق و ان شاءالله ساعتها يلحقوك و تصير مبتعث .
يعني المسأله تاخذ اشهر .. بس انتا حاول تجيب قبول الجامعه بدري عشان تدعم حالتك .

بالتوفيق

يعني قصدك ادرس على حسابي الخاص ؟

لا لا دامك مرافق .. تدرس على حساب الوزاره طبعاً و تستلم مكافئة مرافق .

لمن تطلب الحاق و يلحقوك تصير تستلم مكافئة مبتعث .

اقتباس:

---

المشاركة الأصلية كتبت بواسطة Geeker

لا لا دامك مرافق .. تدرس على حساب الوزاره طبعاً و تستلم مكافئة مرافق .

لمن تطلب الحاق و يلحقوك تصير تستلم مكافئة مبتعث .

---

طيب ابيكم تتحملوني شوي ههههه . .

طيب موضوع الالحاق هذا كيف اقدم عليه . . الله يعطيك العافيه انا مثل ماتقول متعثر حاليا اخاف اروح ثم اتوهق

شوف عزيزي

الوزراة تدرسك لغه

بعد ماتخلص اللغه

تجيب لهم قبول جامعي صريح غير مشروط

وبعد كذا يبعثوك

انت تقدم عليه بعد ماتخلص لغه وتجيب قبول جامعه عن طريق النت

تقدم الالحاق بالنت ... كل طالب من المفترض اول ما يوصل بلد الابتعاث يفتح ملف باسمه بالنت في موقع الملحقيه ( البوابه الالكترونيه )
و من خلالها تقدمك كل طلباتك من تغيير تخصص لمعهد لطلب الحاق .

بالتوفيق

الأخ الكريم
مثل ماتفضل به الأخوان،،،
المرافق أو المرافقة, له نصف مكافأة المبتعث الاساسي, ويدرس اللغة والجامعة على حساب الوزارة.
بالنسبة لشروط الحاق المرافق ويصبح مبتعث اساسي ليستلم كامل المكافأة. هذه الشروط لطلاب امريكا:
َضوابط هامة للمرافقين

عذرا من صاحب الموضوع

بس حابه استفسر عن وضع المرافق اذا طلع بفيزا طالب كانه رايح يدرس على حسابه الخاص يعني لان الدارسين على حسابهم الخاص التحاقهم بالبعثه اسرع من المرافق و علشان ما يكون المحرم مرتبط بالمبتعثه

هل يحق له استلام مكافئه مرافق ؟؟

اقتباس:

---

المشاركة الأصلية كتبت بواسطة ملاك الجود

عذرا من صاحب الموضوع

بس حابه استفسر عن وضع المرافق اذا طلع بفيزا طالب كانه رايح يدرس على حسابه الخاص يعني لان الدارسين على حسابهم الخاص التحاقهم بالبعثه اسرع من المرافق و علشان ما يكون المحرم مرتبط بالمبتعثه

هل يحق له استلام مكافئه مرافق ؟؟

---

اذا استلم مكافأة مرافق وفتح ملف مرافق في الملحقية معناه ان الطالب أو الطالبه لا يدرس على حسابه الخاص, بوجهة نظري يطلع الطالب كمرافق أفضل لأنه سيدرس على حساب الوزارة والحاقه يكون عند انهائه اللغة وجلب قبول جامعي نهائي.
أما اذا كان على حسابه الخاص, الطالب يتكفل بجميع المصاريف بما فيها الدراسية..

شكرا لك اخي احمد

ولكن حسب ما فهمت ان المرافق يحق له ان يكون مبتعث اذا خلص نسبه 70 % من دراستة الجامعيه يعني الموضوع ياخذ اقل شي 4 سنوات
و اذا كانت المبتعثه طالعه ماستر او دكتواره اتوقع تخلص قبل هذي الاربع السنوات

اعذرني على كثر الاسئله بس خايفه اخذ اخوي معاي و اضيع مستقبله

جزاها الله خير اختنا geeker وكذلك احمد الجهني ..

اختي ملاك حسب معلوماتي المرافق يلحق بسرعة ... وانما الحق له في الابتعاث مؤكد .. لكن الالحاق ياتي مبكرا فلا تخافي من هالناحية

اقتباس:

---

المشاركة الأصلية كتبت بواسطة ملاك الجود

شكرا لك اخي احمد

ولكن حسب ما فهمت ان المرافق يحق له ان يكون مبتعث اذا خلص نسبه 70 % من دراستة الجامعيه يعني الموضوع ياخذ اقل شي 4 سنوات
و اذا كانت المبتعثه طالعه ماستر او دكتواره اتوقع تخلص قبل هذي الاربع السنوات

اعذرني على كثر الاسئله بس خايفه اخذ اخوي معاي و اضيع مستقبله

---

ما أعرفه, مجرد دخول المرافق للجامعة يلحق ويصبح مبتعث بعد اكماله للأوراق والمتطلبات..
سأتأكد بنفسي من بعض المرافقين وسأضع الرد هنا اليوم بإذن الله.

اقتباس:

---

المشاركة الأصلية كتبت بواسطة Ahamed Aljuhani

اذا استلم مكافأة مرافق وفتح ملف مرافق في الملحقية معناه ان الطالب أو الطالبه لا يدرس على حسابه الخاص, بوجهة نظري يطلع الطالب كمرافق أفضل لأنه سيدرس على حساب الوزارة والحاقه يكون عند انهائه اللغة وجلب قبول جامعي نهائي.
أما اذا كان على حسابه الخاص, الطالب يتكفل بجميع المصاريف بما فيها الدراسية..

---

الله يجزاك خير اخوي
بس حابة اسال الان اذا طلع مرافقي بفيزة طالب هل هذا يمنع من دراسة اللغة على حساب الدولة

اقصد هل لازم يطلع بفيزة مرافق

اقتباس:

---

المشاركة الأصلية كتبت بواسطة Yoti

الله يجزاك خير اخوي
بس حابة اسال الان اذا طلع مرافقي بفيزة طالب هل هذا يمنع من دراسة اللغة على حساب الدولة

اقصد هل لازم يطلع بفيزة مرافق

---

لا مالها دخل

اذا طلع بفيزا مرافق او طالب يدرس بحساب الدولة اللغة فقط إلا اذا تم الحاقه فيدرس وقتها الجامعة ..

الالحاق والبرنامج لايتدخل في شؤون الفيزا الا للطالب المبتعث نفسه ...

شكرا جزيلا

وضحت الان

يعطيك العافيه

هنا الشروط

َضوابط هامة للمرافقين

مثل ما قالوا اغلب الاخوان
وبالنسبه للاخوان اللي يسئلون انا مرافق وعندي بعض المعلومات وياليت اقدر افيدكم بشيء
بالنسبه للمرافق مجرد احضاره قبول جامعه ينضم للبعثه ويصيركانه مبتعث لحاله لا يختلف عن باقي المبتعثين بشيء الا انه ما يقدر يجيب مرافقين معه
اما من ناحية الفيزا افضل انه يطلع فيزا f1 وهي فيزة طالب يعني يجيب قبول المعهد بشهاده بنكيه افضل من انه يجيب القبول كمرافق ويطلع فيزا f2
لانها تطول مسئلت تحويلها اذا جاء ينضم
واي شيء تبغون تسئلون عنه انا موجود بالخدمه وراح افيدكم باللي اقدرعليها وراسلوني عالخاص

طيب الله لاا يهينكم . . الي انا اعرفه ان فيه بعض المعاهد مرتبطه بالجامعه . . يعني مشترطه انك اذا خلصت المعهد ادخلك في الجامعه . . السؤال هل اذا دخلت احد هذه المعاهد اكون مبتعث . .ولاا برضو لازم اخلص اللغه ثم ادخل ابدا في ادرس في الجامعه . !!




الله يعطيكم الف عافيه على المجهود الاكثر من رائعه واشكر اختي ملااك الجود عى الاسئلة الرائعه . . واشكر اخوي احمد وكل من شارك في الرد الرائع . .

للرفع للرفع للرفع للرفع