المكافئة والمعيشة

والله ، ب النسبــه للمكـآفـآه فهي تعتبر مشكله كبيره ويعتبرون طلآب امريكـآ ب الذآت مظلوميـن فيهـآ مقآرنـه ب كندـآ ، بس آتوقع إذ1 كـآنت الولآيـه منآسبـه إن شاء الله إنهـآ تكفي وآهم شي طبعآ والي تآخذ المكآفآه هو السكن ، اذا كآن السكن رخيص إو معقول ف إن شاء الله إنهـآ تكفي وطبعـآ تسوي ل نفسك نظـآم وتبرمج نفسك على هذ1 المبلغ

آنـآ قريت قريت نـآس تعآني وكمآن قريت إنو في ناس في إمريكـآ نفسهـآ ويقدرون يجمعون من المكآفـآه بعد ، يعني تختلف وإولآ وإخيرآ علييك إنت ..

المكافاه في امريكا ١٨٥٠ دولار

واذا السكن في بوسطن .. اكثر المدن ازدحاما

يتراوح مابين ٧٠٠ وفوق في الشهر

بس سكن محترم طبعا

فان شاء الله تكفي وكل واحد يعيش على قد لحافه على قولتهم ههههه

وبالنسبه لتاخير المكافاءه

انا عن نفسي حاليا ادور شغل اجمع فيه كم قرش

لان امور البعثه تاخذ سنه تقريبا

ويمدحون حافز :/

بالتوفيق للجميع ان شاء الله كل شي يتسهل *

اخوي المكافاة في امريكا تكفي لمن احسن التصرف والاختيار ..

انا على علاقة بطلاب كثيرين في امريكا تعرفت عليهم من خلال منتدى مبتعث أو حتى بالفيسبوك وغيره .. كلهم يقولون المكافأة تكفي في اغلب الولايات الامريكية .. ومعدل التوفير لولايات امريكا اجمالا هو 200 دولار شهريا ...!!!

لكن لو ذهبت الى نيويورك على سبيل المثال .. فستحتاج الى تقشف في المعيشة وستحتاج الى السكن مع روميت في شقة واحدة .. لتخفض التكاليف ... ومدينة مثل نيويورك حتى مع التقشف لا تضمن بقاء او توفير جزء من المكافأة

وهناك اسباب تجعل المكافأة غير كافية وتختلف الاسباب

1- سوء اختيار الولاية والمدينة والاهتمام باسم ولاية معينة او افضلية المعهد والجامعة دون اي اعتبار للمدينة وغلاء المعيشة فيها ..
وهنا استثني الطلاب اللي تخصصاتهم محدودة في مدن غالية .. فليس لهم ذنب في كون تخصصاتهم محصورة في بعض المدن ..

2- الحضانات واصحاب الاطفال .. يعني العوائل اللي معها اطفال هناك في امريكا يتعذبون وحتى في كندا مكافأتهم ابدا لا تكفي للحضانة .. وتم رفع طلب وتوقف الطلب عند وزارة المالية للأسف فكان الله في عون العائلات ..

3- سوء استخدام المكافأة ... ولا يستطيع احد انكار حاجتنا للترفيه والامور الثانوية او الكمالية .. لكن عندما يتعلق الأمر بمحدودية مصدر الدخل فيجب علينا ان نقلل منها والتركيز في الاحتياجات الاساسية ..

ولكي نستخدم المكافأة بشكل مثالي يجب علينا دراسة البدائل كاملة .. فالسكن هناك روميت وسكن شقة واحدة او سكن عائلة والذي قد يختصر تكاليف الطعام والانترنت والكهرباء والماء .. وغيرها من البدائل .. وبعد ذلك انتقاء افضل البدائل لتوفير مبلغ مادي في نهاية الشهر ...


وانا عندما ذكرت الاسباب اعلاه .. سألت العديد من الطلاب الذين يشتكون من عدم كفاية المكافأة ووجدت عند 95% منهم واحدة من الاسباب اعلاه .. ولكن فيهم من يعذر لعدم وجود تخصصه الا في مكان محدد وفي هذا نرى ان هناك مشكلة مادية وينبغي على الملحقية معالجتها وتقدير الصرف الذي يحتاجه الطالب في الولايات الغالية ..

واحب انبه الى انه هناك خبر من الملحق الثقافي برفع طلب لرفع وزيادة المكافآت في امريكا .. وان شاء الله الامر سيستتب ..

عزيزي

صديق لي يدرس ماجستير بنييورك ويقولي المكافئة تكفيه جداً

لكن بالنهاية زي ما قالوا لك الشباب أنت تقدر تتحكم بمصاريفك في نوعية من الناس أجلس معاهم في الرياض وربي احس 15الف ما تكفيهم شهرياً

وانتبه انتبه من اللي يتكلمون بالنت يتشكون


بالتوفيق,,,

الله يعطيكم العافيه ياشباب
طمنتوني الله ينزل على نفوسكم الطمأنينة

وكتب الله الخير والصلاح والتوفيق للجميع

وممكن تلقى جامعة قوية وبتخصصك وفمدينة رخيصة ,, اذا لقيتها فأنت محظووظ

وأنا لو اني شاب أعزب ,, ما رح اسكن الا مع روميت ,, أو مع عائلة ,,