-
تجمع طلاب تخصص المالية والتمويل بامريكا
السلام عليكم ..
الموضووع واضح من عنوانه .. ياليت كل واحد مقدم على هذا التخصص يقولنا
1- ايش الولاية الي اختارها والجامعة واسباب اختياره..
2- ايش كان تخصصه بالبكالريوس اصلا ..
خاااصة الي تخصصاتهم بكالريوس انجليزي واختاروا ماجستير مالية وتمويل
هل يمكن تغيير التخصص لاحقا ؟ لتخصص الترجمة مثلا؟
وارجو التوفييق للجمييع
-
رد: تجمع طلاب تخصص المالية والتمويل بامريكا
بالنسبة لي انا ..
باقي ماخترت الجامعه او الولاية .. لاني تخصصي بالبكالريوس انجليزي
فما اعرف ايش افضل جامعه لتخصص المالية والتمويل
اتمنى اصحاب التخصص يفيدونا ..
ولو فيه تحويييل لتخصص ترجمه بالمرحلة الثامنة كمان ياليت أحد يفيدنا
-
رد: تجمع طلاب تخصص المالية والتمويل بامريكا
هلا و الله
انا معاكي تخصص مالية وتمويل
تخصص في البكالوريس ادارة
بس بصراحه موضوع الجامعات مررره محتاره فيه يعني لسه ما قررت لاي ولاية بس احتمال كبير ان شاء الله نيويورك
-
رد: تجمع طلاب تخصص المالية والتمويل بامريكا
السلام عليكم انا انشالله مالية امريكا ماستر مابعد اختار المنطقة محتارة
-
رد: تجمع طلاب تخصص المالية والتمويل بامريكا
بعد البحث في اكثر من جامعة قوية قي المالية
جامعة بنسلفانيا الاولي تقريبا
جامعة شيكاغو
جامعة نيويورك
جامعة كولومبيا
جامعة ستنافورد
جامعة هارفرد
جامعة بيركلي - كالفورنيا
جامعة لوس انجلوس - كالفورنيا
جامعة نورث ويسترن - الينوي
جامعة ميشغان - ان هاربور
-
رد: تجمع طلاب تخصص المالية والتمويل بامريكا
بالبكالريوس محاسبه وحتى الآن ما اخترت الولايه
اختيار الجامعه أمر ثانوي عندك سنه بإمكانك تختار فيها الجامعه وما يمنع البحث من الآن
-
رد: تجمع طلاب تخصص المالية والتمويل بامريكا
مشششكوورين الي ردو كلهم ..
باقي بشووف اشيك ع الجامعات الي كتبتوها
وان شاء الله القى الي يناسسبني ..
اي احد ماليه وتمويل يشوف الموضوع يرد لو برفع بسس
عشان نستفيد من بعض
وباقي لنا رجعه ان شاءالله بعد الملتقياات
نتباادل الخبراات باي شي يخص تخصصنا هذا
وياليت احد من المراحل الي قبل ..
يقدر يفيدنا بافضل ولايه وجامعه لهذا التخصص
لاا يقصصصصر
-
رد: تجمع طلاب تخصص المالية والتمويل بامريكا
ماشاء الله كل الي ردو .. تخصصهم بالبكالريوس له علاقه بالماليه والتموييل
ياخووفي اكوون لحاالي انجلييزي
-
رد: تجمع طلاب تخصص المالية والتمويل بامريكا
انا علوم مستهلك بكالريوس والحين انشالله ماستر مالية
-
رد: تجمع طلاب تخصص المالية والتمويل بامريكا
اتخصصي في الانجليزي تخصصك مطلوب
-
رد: تجمع طلاب تخصص المالية والتمويل بامريكا
يارب تسهل علينا الامور ونلاقي جامعات كويسة وفي مناطق كويسة وعائلية انا احاتي ولدي عمرة سنتين وخايفة من الروضة حقت امريكا احد عندة معلمومات عنها يطمني
-
رد: تجمع طلاب تخصص المالية والتمويل بامريكا
عاد انا اللي شاطحة بقوة تخصصي علم اجتماع وطالعه انشاءالله ماليه اوتمويل بس في بالي اني اغيرة مليون بالميه وانشاءالله تتسهل واقدر اغيرة
-
رد: تجمع طلاب تخصص المالية والتمويل بامريكا
ابو عمر
.. يعني احول لتخصص انجليزي عادي؟
مع انه مافي تخصص انجليزي بالتخصصات المطروحه للمبتعثين ..
ام اني مجبره على اكمال الماستر بالتخصص الي اخترته
ومشكوووريين الكل على تعاونكم
...
أي جديد تعرفونه بخصوص افضل ولايه او افضل جامعه
لا نبخل على بعض بالمعلومات
والله يووفق الجمييع
-
رد: تجمع طلاب تخصص المالية والتمويل بامريكا
^_^ تخصصي تمويل و استثمار => وطالع باذن الله ماستر في المالية و التمويل ^_^
انا لسى ما حددت للحين بس النية ممكن ولاية اويغون ( بورتلاند)
جامعة PSU لان فيها التخصصات اللي اطمح لها
موفقين جميعاً
-
رد: تجمع طلاب تخصص المالية والتمويل بامريكا
السلام عليكم ..صبحكم الله بالخير
بالنسبة لي انا تخصصي بالبكالوريوس تمويل وحاب اكمل بنفس التخصص ..
بصراحة الى الان لم ابحث بشكل جدي عن الولايات والمدن ومدى قوة الجامعات بالنسبة لماستر مالية او تمويل ..ايضا المعاهد هي النقطة الاهم حاليا عندي
شفت هالموضوع وارتحت شوي وان شالله بيكون هالموضوع محور لكل نقاشاتنا عن التخصص
اي شخص عرف معلومه عن معهد قوي او جامعة ياليت يفيد الكل
انا ان شالله من اليوم بتبدا رحلة البحث ونساعد بعض ..
بالتوفيق لكم يارب
-
رد: تجمع طلاب تخصص المالية والتمويل بامريكا
بكالوريس مالية وناوي ماستر ماليه ادارة مخاطر واستثمار
القبول بالجامعه امر جدا مهم بعدها نفكر بقوة الجامعه اغلب الجامعات بلستة الملحقية للمالية قوية وتصنيفها ضمن المائة وتحت فركزو عالشروط لغة وجيمات بعدها جامعات
انا استهدف سان دييغو بحول الله وقوته قاعد ابحبش بمعاهدهم وصدت معهد مابه دوام جمعة :)
ملحوظه انا ع حسابي يعني مرونة شوي اكثر بالمعهد
تحياتي لاحلى تجمع موفقييييين
-
رد: تجمع طلاب تخصص المالية والتمويل بامريكا
السلام عليكم
ماستر تمويل واستثمار
طالع على الدكتوراه في التمويل....
الولاية ما بين
بنسلفانيا
متشقن
اوهايو
انديانا
اليوني
وربي يوفق الجميع
-
رد: تجمع طلاب تخصص المالية والتمويل بامريكا
انا تخصص بكلوريوس اقتصاد وطالعه ماستر ماليه
وبس اخلص جرد لأفضل الجامعات من حيث السكن والأمان والقبول اعطيكم خبر
-
رد: تجمع طلاب تخصص المالية والتمويل بامريكا
اخيراً نزل موضوع للماليه
انا بكلوريوس محاسبه وان شاء الله طالعه ماستر محاسبه امريكا
بس لسى ماحددت الولايه
-
رد: تجمع طلاب تخصص المالية والتمويل بامريكا
بكالوريوس ادراة دوليه وان شاء الله ماستر ماليه الولايه لسى جاري البحث كنت ابغى ولاية اوهايو بس لاحظت تكدسها للأسف
-
رد: تجمع طلاب تخصص المالية والتمويل بامريكا
افضل التخصصات
ادارة ماليه
تحليل مالي
هذي معروفه واغلب الجامعات تحصل هالتخصص
اما فيه تخصصات تندرج تحت الماليه :confused:
وهي كثير وميزتها انها نادرة :cool:
ولكن لحتى الان مابحثت :rolleyes:
لاني لحتى الان متوهق بالمعهد .. ومارسيت على ولايه :(
الله ييسر
-
رد: تجمع طلاب تخصص المالية والتمويل بامريكا
على فكرة اغلب الجامعات ماتقبل المتخصصين بها القسم الا بعد اختبار الجي مات
وهو عبار عن مسائل رياضيه :eek:
والاحظ البعض هنا تخصصه في الباكلريوس مايرتبط بالماليه :confused:
نصيحه اذا انت عندك خلفيه عن المسائل الرياضيه والحسابات والا انحش ;)
اما الي يحس نفسه انه يقدر .. يستخير ويتوكل على الله
واهم شي ابحثو عن التخصص واقرو عنه :rolleyes:
والله يوفق الجميع
-
رد: تجمع طلاب تخصص المالية والتمويل بامريكا
ما شاءالله صار لنا تجمع :)
الحمدلله رسينا على بنسلفينيا وجاري البحث عن ولايه للاحتياط :)
بكالوريس اقتصاد منزلي
وربي يسهل على الجميع
-
رد: تجمع طلاب تخصص المالية والتمويل بامريكا
تخصصي ماحسبة والان ابحث عن جامعة ماستر مالية ... حاليا في معهد اللغة في جامعة واشنطن ... جميع الجامعات تطلب جيمات ودرجة جيدة في اختبار اللغة
-
رد: تجمع طلاب تخصص المالية والتمويل بامريكا
طيب ياشباب ..بالنسبة للجامعات كيف اعرف ان عندهم تخصص ماستر مالية قوي .. اذا كان ترتيب الجامعة قوي هل بالضرورة يكون تخصص الماستر قوي..يعني ابي الطريقه.. شلون اعرف
وشي ثاني الجامعات الحلوة اللي تنصحوننا فيها ..لاني بصراحة لي مدة ابحث عن الولايات وكثير مواضيع تشتت الواحد ناس تمدح وناس تذم بالولايات ..بما اننا بنفس التخصص اكيد عندكم المعلومة المنشودة ..الله يوفقنا وييسر امورنا
-
رد: تجمع طلاب تخصص المالية والتمويل بامريكا
اقتباس:
المشاركة الأصلية كتبت بواسطة omar330
طيب ياشباب ..بالنسبة للجامعات كيف اعرف ان عندهم تخصص ماستر مالية قوي .. اذا كان ترتيب الجامعة قوي هل بالضرورة يكون تخصص الماستر قوي..يعني ابي الطريقه.. شلون اعرف
وشي ثاني الجامعات الحلوة اللي تنصحوننا فيها ..لاني بصراحة لي مدة ابحث عن الولايات وكثير مواضيع تشتت الواحد ناس تمدح وناس تذم بالولايات ..بما اننا بنفس التخصص اكيد عندكم المعلومة المنشودة ..الله يوفقنا وييسر امورنا
لما تحصل جامعه ابحث عن تصنيف البزنس حقهم يطلعلك ولا تطمعوووووون
-
رد: تجمع طلاب تخصص المالية والتمويل بامريكا
اقتباس:
المشاركة الأصلية كتبت بواسطة Yaad
لما تحصل جامعه ابحث عن تصنيف البزنس حقهم يطلعلك ولا تطمعوووووون
شلون (ولا تطمعون)؟!
يعني تبي ناخذ جامعة اي كلام!
-
رد: تجمع طلاب تخصص المالية والتمويل بامريكا
اقتباس:
المشاركة الأصلية كتبت بواسطة omar330
شلون (ولا تطمعون)؟!
يعني تبي ناخذ جامعة اي كلام!
لا عزيزي لا تطمع ابحث واجتهد ولو كان مشروط وبتاخذ لغة يمديك هناك بعد سنة تجيب قبول اخر من جامعه افضل وبالغالب الجامعات المعترفه بالملحقية تتراوح بين افضل جامعه الى ١٥٠ على امريكا لكن يجي واحد يبحث عن افضل ثلاث جامعات او حتى افضل عشرة ويعقدها ع نفسه وما يجتازها ويتوهق !!!
مرة اقوله بالفم المليان لا تطمع مد رجولك على قد مؤهلاتك من معدل ولغة وجيمات الخ الخ الخ
الايما تثبتلك مغزى الحديث
Take it easy
-
رد: تجمع طلاب تخصص المالية والتمويل بامريكا
نبي أسماء جامعات , في تخصص الفاينس , بشروط معقولة , مو عالية مثل بنسلفينيا
-
رد: تجمع طلاب تخصص المالية والتمويل بامريكا
السلام عليكم
من خبرة أحد الأخوة في أمريكا حول القبول في تحصص المالية أو التمويل نصح بالتالي:
إجادة وإتقان اللغة الإنجليزية عامه وبشكل خاص الأمور المتعلقة بالمالية من مصطلحات وغيرها
قراءة العديد من الأوراق العلمية والكتب المالية ومحاولة معرفة تاريخ المال في أمريكا وآخر التطورات
التجهيز الجيد لإختبار الجيمات وذلك من خلال الكتب (وموجود في منتدانا الرائع موضوع فيه 14 كتاب) وتذاكر للاختبار كأنك داخل اختبار فيه مصيرك وتتوكل على الله قبل كل شي
يوجد تدريب أون لاين على الانترنت للجيمات ادخل واختبر نفسك مجانا..
(بالنسبة لمرحلة الدكترواه) حاول انك تدخل هالاختبار وتحصل الدرجة المطلوبه قبل شهر سبتمبر أو أكتوبر من كل سنه عشان تلحق التقديم على الجامعات.
قبل كل شي رضا الله ودعاء الوالدين مفتاح لتسهل وتيسير كل الصعاب إن شاء الله...
اخواني / اخواتي
الأمور راح تتيسر إن شاء الله فلا تكونوا في ضغط نفسي إضافي على هم الغربة... ولنجعل الأمور تأخذ مجراها ووقتها الطبيعي ونحن في إستعداد وهمه واستمتاع....
تحياتي
-
رد: تجمع طلاب تخصص المالية والتمويل بامريكا
شباب وش رايكم بتخصص Corporate Finance Management اللي هو تمويل إدارة الشركات ..بعض الجامعات تعطي هالتخصص لدراسة الماستر والبعض منهن تعطي فايننس عام مثل Business Administration, Finance ..
يعني اللي عنده خبره بالامور ذي من الافضل وخاصة بالفرص الوظيفية ..انا ماعندي مانع ادرس الاول او الثاني ..لكن مستقبلا وش الافضل؟
-
رد: تجمع طلاب تخصص المالية والتمويل بامريكا
اقتباس:
المشاركة الأصلية كتبت بواسطة omar330
شباب وش رايكم بتخصص Corporate Finance Management اللي هو تمويل إدارة الشركات ..بعض الجامعات تعطي هالتخصص لدراسة الماستر والبعض منهن تعطي فايننس عام مثل Business Administration, Finance ..
يعني اللي عنده خبره بالامور ذي من الافضل وخاصة بالفرص الوظيفية ..انا ماعندي مانع ادرس الاول او الثاني ..لكن مستقبلا وش الافضل؟
الاول تبع الشركات هذا خاص ،، يعنى بأمور القطاع الخاص وتمويل الشركات من قبل مؤسسات التمويلية او المصارف والبنوك يعني رح يكون مكانك بأحد هؤلاء
بالنسبة للتخصص الثاني هو عام ويركز على مواد اغلبها انت تختارها ويكون مكانك مؤهل ان تعمل في عدة مجالات شركات وزارة مالية هيئة سوق مال بنوك الخ الخ
موفق
-
رد: تجمع طلاب تخصص المالية والتمويل بامريكا
في سؤال يجول في مخي انا الحين لما ابحث عن جامعه وش يكون نوعها اهليه حكوميه ................ الخ ولا عادي المدال مفتوح
-
رد: تجمع طلاب تخصص المالية والتمويل بامريكا
اقتباس:
المشاركة الأصلية كتبت بواسطة eman.d
في سؤال يجول في مخي انا الحين لما ابحث عن جامعه وش يكون نوعها اهليه حكوميه ................ الخ ولا عادي المدال مفتوح
اهم شي تكون معترفه ومسجلة في لستة الملحقية وانا اخوك
موفقة
-
رد: تجمع طلاب تخصص المالية والتمويل بامريكا
اقتباس:
المشاركة الأصلية كتبت بواسطة Yaad
الاول تبع الشركات هذا خاص ،، يعنى بأمور القطاع الخاص وتمويل الشركات من قبل مؤسسات التمويلية او المصارف والبنوك يعني رح يكون مكانك بأحد هؤلاء
بالنسبة للتخصص الثاني هو عام ويركز على مواد اغلبها انت تختارها ويكون مكانك مؤهل ان تعمل في عدة مجالات شركات وزارة مالية هيئة سوق مال بنوك الخ الخ
موفق
اي حلووو الله يعطيك العافية
-
رد: تجمع طلاب تخصص المالية والتمويل بامريكا
شباب انا معيد في السعودية مبتعث لدراسة المالية ms finace
وما ادري وش افضل الجامعات في هالتخصص وش الاصعب وش الاسهل وش شروط القبول والجيمات
اللي يدرس هالتخصص الله يوفقه يخبرني
والله يوفقنا واياكم
-
رد: تجمع طلاب تخصص المالية والتمويل بامريكا
السلام عليكم ورحمة الله وبركاته
أنا عندي بكالوريوس ماليه من جامعة الملك فهد وماجستير في الماليه التطبيقيه التخصص استثمار من أستراليا
وحاليا جتني البعثة لدراسة الدكتوراه في تخصص الماليه
الأخ ثقافي شرقي يبي لنا نتعرف على بعض عشان نساعد بعضنا
-
رد: تجمع طلاب تخصص المالية والتمويل بامريكا
اقتباس:
المشاركة الأصلية كتبت بواسطة Wael Umar
السلام عليكم ورحمة الله وبركاته
أنا عندي بكالوريوس ماليه من جامعة الملك فهد وماجستير في الماليه التطبيقيه التخصص استثمار من أستراليا
وحاليا جتني البعثة لدراسة الدكتوراه في تخصص الماليه
الأخ ثقافي شرقي يبي لنا نتعرف على بعض عشان نساعد بعضنا
هلا وغلا اخوي وائل
يشرفني ويسعدني التواصل معك... جاتك رساله على الخاص
تحياتي
-
رد: تجمع طلاب تخصص المالية والتمويل بامريكا
مشكور أخي على الرسالة
لكن حاليا ما أقدر أفتحها كاتبين لي لم أصل للعدد المطلوب من الردود لاستخدام هذه الخاصية
-
رد: تجمع طلاب تخصص المالية والتمويل بامريكا
اقتباس:
المشاركة الأصلية كتبت بواسطة Wael Umar
مشكور أخي على الرسالة
لكن حاليا ما أقدر أفتحها كاتبين لي لم أصل للعدد المطلوب من الردود لاستخدام هذه الخاصية
والله ياغالي يسعدني التواصل معك... وأنا تحت أمرك أي وقت لنتبادل ما لدينا من خبرات ولنتساعد...