-
الطيار وألزامك بالخطوط السعوديه
في الامس توجهت الى احد مكاتب الطيار و طلبت رحله الى سان دييغو على طيران الاتحاد و خلصت اموري . ارسلت اوراقي الى ايميلهم يتضمن مسار الرحلة و صورة من قرار الابتعاث مع صورة من الجواز . و جاني رد منهم يقول :
يجب الحجز من اقرب مكتب طيار لا نسوى حجز عن طريق الايميل
ارسل الحجز مع القرار
توجه للطيار فى نفس اليوم للاستلام التذاكر
الحجز فقط علبى الخطوط السعودية من اول يناير
شكرا
وش رأيكم بهذا القرار ؟
-
رد: الطيار وألزامك بالخطوط السعوديه
دق عليهم تليفون ؟ قلهم وش ذا الهبل
هو فعلا لازم ترسل له رقم الحجز +القرار علشان يصدرلك التذكره
لكن سالفة يلزمك على الخطوط السعوديه
معصي ^_^
ولا عليك منهم
لان الخطوط السعوديه توصلك فقط لواشنطن ونيويورك ..
يعني تخدم فقط الولايات الشرقيه والولايات المجاوره لها
عموما انا بدق عليهم جوال الحين واتاكد منهم.
-
رد: الطيار وألزامك بالخطوط السعوديه
saudi_magic انا رجعت ارسلت له على طول ها الرساله و الى حد الأن ما رد :
السلام عليكم . بالنسبه للحجز ارسلت لك رقم الحجز و الوزارة ما ذكرت ان الحجز لازم يكون على الخطوط السعودية و استفسرت عن هذي النقطه اكثر من مره لأني الولايه موجودة في اقصى الغرب و الخطوط السعوديه مده الرحله فوق 39 ساعه . هل هذا الكلام معقول . و اذا عندك صوره من القرار الي يلزمكم بالخطوط السعوديه ابتداءاً من 1 يناير ارجوك ارساله لي عشان اتحدث مع الوزارة و شكراً .
-
رد: الطيار وألزامك بالخطوط السعوديه
ياسلام عليك
انا دقيت كذا مره على جوال مندوبهم الي بالوزاره ولا احد يرد
وارسلت لهم ايميل شديد اللهجه
يتضمن سلام وترحيب وتهديد ووعيد ^_^
والله لو وصل الامر ان اكلم سبق واشرشحهم وادخل على العنقري بنفسه
اصلا معلومه بسيطه يبو عزوز
الان الطيار متعاقد مع الوزاره صح ؟ خصوصا مع ملحقية امريكا
طيب اغلب زملائنا مبتعثين امريكا
يحجزون على اي خطوط
والطيار هو من يقص لها التذكره
ف وش هالتناقض الغريب
طلاب امريكا يحجزلهم على حسب طلبهم
وطلاب المرحله 8 يلزمهم بالخطوط السعوديه
انا يبدو لي انه فيه تلاعب تحت الطاوله بين الطيار والسعوديه وشركات الطيران الداخليه الامريكيه
ف الظاهر فائدته عاليه جدا
لكن الاماراتيه والبريطانيه والقطريه والتركيه والالمانيه والفرنسيه ماتعطيه وجه ^_^
لكن للمعلوميه
اي دائره حكوميه في البلد
لما تتعاقد مع شركة او مؤسسة
ف سبب التعاقد هو خدمة المواطن
ومصلحة المواطن فوق كل اعتبار
-
رد: الطيار وألزامك بالخطوط السعوديه
طيب اقرو الردود اللي بالموضوع هذا
http://www.mbt3th.us/vb/forum132/thread397392.html
قرار مال امه داعي اذا كان صحيح :(
-
رد: الطيار وألزامك بالخطوط السعوديه
زي ما قلت و أنا اخوك الدعوة من تحت الى تحت . انا ما عندي مشكله مع الخطوط السعوديه بس مو معقول و المنطق انك تقضي اكثر من 30 ساعة في الجو عشان المكتب متكاسل انه يحجز على اي خطوط ثانيه . مع اني قد حجزت امس و اعطاني رقم الحجز بس قال ارسلها على فرع الطيار الي في الرياض عشان التأكيد و هذا الي صار و انت شايف الرد . على العموم انا باقي لي شهر على الرحلة و انشاء الله الوضع يتغير مع اني ابغى اخلص من سالفة الحجوزات عشان التفت لأمور السكن و غيرها .
-
رد: الطيار وألزامك بالخطوط السعوديه
اقتباس:
المشاركة الأصلية كتبت بواسطة kate middleton
الوضع عادي بس عطونا صورة من القرار عشان نريح روسنا من البحث . لكن لو رجعت من امريكا ليش ما يجبرونكعلى السعوديه مع انك تحجز من الطيار الي في امريكا ؟
-
رد: الطيار وألزامك بالخطوط السعوديه
السلام عليكم
فعلا الخبر صحيح وتم التأكد من وكيل شئون البعثات بنفسه واخبرني بأن القرار من الوزارة بتحديد االاولوية للخطوط السعودية فقط في حجز سفر المبتعثين
وهذا يبدأ تطبيقه فعليا من تاريخ 1/1/2013 ويمكن التساهل قبل هذا التاريخ وللاسف حاولت افهم السبب ولماذا يتم التضييق ووضع مثل هذه العقبات لكن لامجيب
المصدر: http://www.mbt3th.us/vb/forum132/thr...#ixzz2FLincRBB
- - - مشاركة محدثة - - -
معنى الاولويه
انه اذا مبتعث بيدرس ب واشنطن ولقى حجز على طيران الامارات او السعوديه
ينحجز له على السعوديه ^_^
هذا الي اانا افهمه من مصطلح اولويه
-
رد: الطيار وألزامك بالخطوط السعوديه
تخيل معي انك تنزل في واشنطن اقصى الشمال الغربي و بعدين رحله الى اقصى الجنوب الغربي في سان دييغو ؟
-
رد: الطيار وألزامك بالخطوط السعوديه
كرهت السفر واللة لازم تدخل المحسوبيات في كل امور الشعب ولا ما تمشي مرة الامور واخرها شكلي بحجز على حسابي واريح نفسي
-
رد: الطيار وألزامك بالخطوط السعوديه
عموما انا ارسلت ايميل لمكتب الطيار فرع الوزاره.. بعدها ارسلت ايميل لوكاله البعثات ونسخه لادارة برنامج الملك عبدالله.. وان شاء الله نلقى رد مطمئن منهم..لو افترضنا ان وكالة البعثات تواطؤ مع الطيار..بنشوف وكيل الوزير او الوزير نفسه.. مانفع مالنا إلا سبق^_^ تشرشحهم هم وقراراتهم الغير منطقيه..
-
رد: الطيار وألزامك بالخطوط السعوديه
والله قرارات عشوائيه مافيها اي مصلحه للطالب
ياخي الا غصب خطوطنا يالله بالي هوبة يبون يربحونها كفاية عليهم السفرات الداخليه محتكرينا بهالخطوط واي خطوط تدخل يعذربون فيها ويطردونها
-
رد: الطيار وألزامك بالخطوط السعوديه
بجد لازم نجيب لهم مدرس جغرافيا مصري يشرحلهم خريطة امريكا
-
رد: الطيار وألزامك بالخطوط السعوديه
شي غريب
طيب المدينه الي انا رايح لها في المانيا ماتوصل لها الخطوط السعودية
اجل كيف اسافر بدراجه
قرار في غير محله
-
رد: الطيار وألزامك بالخطوط السعوديه
طبعاً جتني منه رساله الساعة 4 و توني انتبهت يقول سعادته :
هذه تعليمات من الوزارة بالحجز على الخطوط السعودية فقطراجع الوزارة للاستيضاحشكرا
المشكله انهم مو قادرين يثبتون ان الوزاره فارضه عليهم ها الشئ .على العموم بكره انا بروح اكمل الحجز و اذا ما ضبط بأخذ السعوديه على لندن ومن لندن على الاميركيه . الله يعين على ذا البعثة الي كل يوم يطلع لها هم :)
-
رد: الطيار وألزامك بالخطوط السعوديه
ههههاي شفت انا بدأت تتضح عندي الامور.. انا من شهر يمكن اتصلت ع الطيار فرع الوزاره ورد علي سوداني وكان اخلاق وقالي عادي نحجزلك ع الاماراتيه بس بجيب رقم الحجز والقرار... اليوم الي رد علي وعليك بالايميل مصصري.. وثق تماما لما يكون فيه مصري بالموضوع اعرف أن الموضوع فيه أنّا.. عموما انا رديت عليه وقلته ارفق مايثبت صحة كلامك ( تعميم او خطاب ) من الوزاره.. او بعتبر انك متواطي وراح ارفع فيك شكوى للجهات ذات العلاقه^_^
-
رد: الطيار وألزامك بالخطوط السعوديه
انا اقول لكم قصة خويي أجبروه يطلع علي الخطوط السعوديه من الدمام - رياض- واشنطن - بعدين فيه رحلات داخليه المهم ندخل في الفلم الهندي من الدمام موعد الإقلاع ١٠ مساءا قلت لهم ابقي استلم الشنط في واشنطن قالوا لا لازم تستلمها في الرياض لانها رحله داخليه بس قلت انا رايح امريكا قال هذه الاوامر حطينا الشنطه قال الوزن زايد حدك ٢٣ كيلو قلت له حبيبي انا رحله دوليه قال اذا انت شاري التذكره لك ٢ شنطه بس تذكرتك مخفظه من التعليم العالي لك شنطه وحده ٢٣ كيلو اشترينا شنطه صغيره من الاستقلاليين في المطار ٤٥٠ ريال وحطيناالوزن الزايد وأخذها معاه في الطيارة عندما وصل الرياض الساعه ١١.١٥ ليلا المفاجئه الشنطه لم تصل مع العفش طيب شنو الحل. ولا فيه طياره تجي الرياض الا ٧ صباحا كيف يستلم شنطته وهو بيسافر الساعه ٨ صباحا ودخول الطيارة ٧.٢٠ صباحا مستحيل مسؤلين العفش قال بنعطيك خبر اذا وصلت الشنطه والا سوف نرسلها لك علي اخر محطه بتوصلها في امريكا هل هي تصريفه والا ايش تتوقعون راحت الشنطه واللي فيها، المشكله ما عندي الا الملابس اللي علي الله يعين اللي جاي من المناطق الاخري اللي خارج الرياض وجده يعني الواحد يجلس ٩ ساعات يستني الرحله وضياع العفش ولا حسيب ولا رقيب فقط حبيت اطلعكم علي معانات اخ وصديق
-
رد: الطيار وألزامك بالخطوط السعوديه
اقتباس:
المشاركة الأصلية كتبت بواسطة ihsa
انا اقول لكم قصة خويي أجبروه يطلع علي الخطوط السعوديه من الدمام - رياض- واشنطن - بعدين فيه رحلات داخليه المهم ندخل في الفلم الهندي من الدمام موعد الإقلاع ١٠ مساءا قلت لهم ابقي استلم الشنط في واشنطن قالوا لا لازم تستلمها في الرياض لانها رحله داخليه بس قلت انا رايح امريكا قال هذه الاوامر حطينا الشنطه قال الوزن زايد حدك ٢٣ كيلو قلت له حبيبي انا رحله دوليه قال اذا انت شاري التذكره لك ٢ شنطه بس تذكرتك مخفظه من التعليم العالي لك شنطه وحده ٢٣ كيلو اشترينا شنطه صغيره من الاستقلاليين في المطار ٤٥٠ ريال وحطيناالوزن الزايد وأخذها معاه في الطيارة عندما وصل الرياض الساعه ١١.١٥ ليلا المفاجئه الشنطه لم تصل مع العفش طيب شنو الحل. ولا فيه طياره تجي الرياض الا ٧ صباحا كيف يستلم شنطته وهو بيسافر الساعه ٨ صباحا ودخول الطيارة ٧.٢٠ صباحا مستحيل مسؤلين العفش قال بنعطيك خبر اذا وصلت الشنطه والا سوف نرسلها لك علي اخر محطه بتوصلها في امريكا هل هي تصريفه والا ايش تتوقعون راحت الشنطه واللي فيها، المشكله ما عندي الا الملابس اللي علي الله يعين اللي جاي من المناطق الاخري اللي خارج الرياض وجده يعني الواحد يجلس ٩ ساعات يستني الرحله وضياع العفش ولا حسيب ولا رقيب فقط حبيت اطلعكم علي معانات اخ وصديق
متى صار الكلام ذا ؟؟؟
-
رد: الطيار وألزامك بالخطوط السعوديه
-
رد: الطيار وألزامك بالخطوط السعوديه
يعني ذحين ثبت شرعا مافي غير النقل الجماعي نروح علية
-
رد: الطيار وألزامك بالخطوط السعوديه
مشكلة الخطوط السعودية مع العفش
المشكلة الازلية اللي ماتنتهي بسبب استهتار المظفين والفساد المتراكم
حلاة من خلخلها خلخله وطير كل فاسد فيها
ترى عادي ياشباب ممكن تكون حاجز على امريكا وعفشك يروح الصين وبكل بساطة
-
رد: الطيار وألزامك بالخطوط السعوديه
بدابة 2013
7 مراحل سابقه
مبالغ هائلة تصرف على البرنامج
كل شيئ متوفر
ماهدا التفكير هل هو قتصاد او تعديب المبتعثين
برنامج المرحلة الثامنه بمجمله سيئ
مشاكل كثيره حدثت لن تحصى ابدا مشاكل مع السفاره مع الملحقية مع المعاهد مع القبولات مع التكدس
الله يوفقنا ويسهل دربنا نشاء الله هدا الي نقوله
والله مابليد حيله
والله المبتعثين وده ينفجر وده يطلع على العربيه ويطلع الي في قلبه
شيئ يجيب الاكتئاب
انا بطرح سؤال واحد
ليه الاحتكار على الخطوط السعوديه ؟؟؟ والله لن تلقى جواب شافي
اوك خلينا على الخطوط السعوديه كراسي معفنه ضيقه مافي خدمه اقدر اوصف معاناة الخطوط السعوديه كمعاناة مبتعث المرحلة الثامنه
-
رد: الطيار وألزامك بالخطوط السعوديه
اسمعوا ولا عليكم منهم.. صدقوني اذا شافونا جادين بيسكتون..بكرى بتواصل معهم ونشوف وش اخرتها..
-
رد: الطيار وألزامك بالخطوط السعوديه
ليش مو مكتب الطيار هو اللي يراسل مكتب الطيار الفرع اللي بالوزارة ؟؟؟ ليش انت ؟ عشان هم يستلمون التذكرة ويعطونك .. المهم موفق ان شاء الله
-
رد: الطيار وألزامك بالخطوط السعوديه
من جد البرنامج من اول ما بدا كلة اغلاط ومشاكل وعدم الترتيب
-
رد: الطيار وألزامك بالخطوط السعوديه
مصيبة يارجل ..نبي نبدأ مسيرة الحياة بتفاؤل ..بدل أن نبداها بلحم الحمار
هالقصة تذكرني بسالفة المقصف ..لازم عصير كورتينا لأن الشركة حق الأمير الفلاني ولازم هالفطاير من المخبز العلاني
والأكل زفت وفلوس فجيب الإدارة
الاحتكار حرام ياجماعة ,,مو يجي معاليه ويشارك الكل على حسابنا اللي مو عارفين نحصلها من وين والا من وين
-
رد: الطيار وألزامك بالخطوط السعوديه
خبرونا يا اخوان عن جديدكم في هذي المشكلة
-
رد: الطيار وألزامك بالخطوط السعوديه
يا اخوان انا قلت لكم ان خويي ما استلم الشنطه من الرياض والخطوط قالوا له انهم بيرسلونها علي اخر محطه في امريكا بس العجيب في الموضوع يوم نزل في واشنطن حصل الشنطه قدامه علي سير العفش في مطار واشنطن لو انه مشا علي كلامهم لضاعت الشنطه بين المطارات ، الاخوان اللي عندهم شنط ان ترسل علي اخر محطه حتي ولو انك بتنزل في واشنطن اذا رحت مدينتك تقدر تستلم شنطك من المطار الاخير لان خويي يقول آخذوا منه 60 دولار عشان الشنط لانه بيحول الي طيران محلي علاوتا علي التفتيش كل مره دخول وخروج افضل تروح الشنط علي اخر محطه والله يوفق الجميع
-
رد: الطيار وألزامك بالخطوط السعوديه
اتوقع خويك وصل متأخر لمطار الرياض والموظف حط اسوء احتمال لخويك
-
رد: الطيار وألزامك بالخطوط السعوديه
صباح الخير
احبايبي دحين لازم نحجز على الخطوط السعودية !
بس معليش انا مابغاها مو مريحة فرحلة طويلة كدا : S
وبابا مسوي عملية فلازم ع الاقل يكون مكان مريح وجلسة مريحة مو كراسي ضيقة
اقدر احجز ع الاماراتية ولا لا ؟!
-
رد: الطيار وألزامك بالخطوط السعوديه
لا يا اخي العزيز وصل الرياض الساعه ١١:١٥ مساءا والاقلاع لواشنطن الساعه ٨.٥ صباحا من اليوم التالي يعني عنده تقريبا ٩ ساعات منلطع في المطار ولا احد فكر فيه المفروض ياخذونه علي فندق يريح عشان عنده رحله طويله لكن لا حياة لمن تنادي لهذا انا اقول خاصه اللي من خارج الرياض وجده الله يعينهم لان رحلات السعوديه الي واشنطن دائماً تبدأ من ٨ صباحا
-
رد: الطيار وألزامك بالخطوط السعوديه
مـــا عليك منهم ما عندهم سالفة خل يعطيك بس ورقة الحجز ويحجزلك محل ما تبي عالخطوط اللي تبيها .. ولا عليك فيهم
وبعد كذا رح يلطعونك لانهم كسالى انت مباشرة خذ ورقة الحجز وقرار الابتعاث وسكانر ومباشرة على ايميل الطيار الموجود في موقع الوزارة ضمن خطوات اصدار القرار
وفيه رقم اكرم بعد اتصل عليه وتابع معاه لين يلقى ايميلك ورح تستلم تذكرتك بنص ساعة عالايميل
موفقين شباب
-
رد: الطيار وألزامك بالخطوط السعوديه
اقتباس:
المشاركة الأصلية كتبت بواسطة ihsa
لا يا اخي العزيز وصل الرياض الساعه ١١:١٥ مساءا والاقلاع لواشنطن الساعه ٨.٥ صباحا من اليوم التالي يعني عنده تقريبا ٩ ساعات منلطع في المطار ولا احد فكر فيه المفروض ياخذونه علي فندق يريح عشان عنده رحله طويله لكن لا حياة لمن تنادي لهذا انا اقول خاصه اللي من خارج الرياض وجده الله يعينهم لان رحلات السعوديه الي واشنطن دائماً تبدأ من ٨ صباحا
اجل وش تبرير الموظف ان العفش مايطلع معه على نفس الرحلة ؟؟
-
رد: الطيار وألزامك بالخطوط السعوديه
اقتباس:
المشاركة الأصلية كتبت بواسطة lavender1
صباح الخير
احبايبي دحين لازم نحجز على الخطوط السعودية !
بس معليش انا مابغاها مو مريحة فرحلة طويلة كدا : S
وبابا مسوي عملية فلازم ع الاقل يكون مكان مريح وجلسة مريحة مو كراسي ضيقة
اقدر احجز ع الاماراتية ولا لا ؟!
اذا بتحجزون سياحي فما فيه فرق بالنسبة لسعة المقعد بين الاماراتية او السعودية او القطرية الفرق يمكن انش او انشين بس يعني حتى ماراح تحسين بالفرق
الفرق في مقاعد البزنس لكن السعر دبل الدبل
-
رد: الطيار وألزامك بالخطوط السعوديه
الحمدلله .. اليوم الصباح وصلني القرار عالايميل
وعلى طول طبعته ورحت مكتب الطيار عندنا بالـ خـــبر
والموظف كان محترم ورهيب وريته الرحلة اللي ابيها على الهولندية
مسار : الدمام --- امستردام --- بورتلاند
يوم 13 يناير
قال ماش .. يناير لازم الخطوط السعودية .. قلتله طيب هذا افضل خيار بالنسبة لمدينتي الخطوط الهولندية .. فرق شاسع بين الرحلة ذي والرحلات السعودية
وقلت طيب زملائي حاجزين ع نفس مدينتني بخطوط اماراتية وهولندية ..
المهم الموظف كان طيوب .. " باكستاني مايعرف عربي " قال شوف لو انك بتسافر ببداية يناير مثلا 4 او 5 او 8 فيمكن تضبط
قال لان التذكرة لازم يوافقون عليها الطيار بالرياض ..
قال اذا حاب تكلمهم الحين ادق عليهم ؟ تاخذ موافقتهم .. قلت اوكي نو بربلوم شوي طالع فيني
قال شف انا بحط عالخطوط الهولندية 10 يناير .. قلت لليه مو 13 قال لا 10 عالاقل فيه امل كبير يوافقون
حجز لي .. وقال انتظر رسالة مني بالليل اذا وافقوا الرياض برسلك ايميلك .. ما وافقوا نشوفلك رحلة عالخطوط السعودية
الحمدلله قبل شوي رسلولي تذكرة الكترونية عالخطوط الهولندية كل شي مضبوط
فأنا اقول انت وحظك والموظف والاهم من ذول كلهم .. هو توفيق الله
لكن بشكل عام بداية يناير من واحد إلى عشرة ان شاء الله يسمحون لك خطوط غير السعودية والسبب ان الخطوط السعودية مزدححمة خلال الفترة ذي
-
رد: الطيار وألزامك بالخطوط السعوديه
يعطيك العافية يا علي حمد على ذي المعلومة
رجعت لي بعضا من الامل في الحجز على غير السعودية :)
-
رد: الطيار وألزامك بالخطوط السعوديه
متى موعد دراستك ابراهيم الغامدي ؟
-
رد: الطيار وألزامك بالخطوط السعوديه
اقتباس:
المشاركة الأصلية كتبت بواسطة Ali_Hamad
الحمدلله .. اليوم الصباح وصلني القرار عالايميل
وعلى طول طبعته ورحت مكتب الطيار عندنا بالـ خـــبر
والموظف كان محترم ورهيب وريته الرحلة اللي ابيها على الهولندية
مسار : الدمام --- امستردام --- بورتلاند
يوم 13 يناير
قال ماش .. يناير لازم الخطوط السعودية .. قلتله طيب هذا افضل خيار بالنسبة لمدينتي الخطوط الهولندية .. فرق شاسع بين الرحلة ذي والرحلات السعودية
وقلت طيب زملائي حاجزين ع نفس مدينتني بخطوط اماراتية وهولندية ..
المهم الموظف كان طيوب .. " باكستاني مايعرف عربي " قال شوف لو انك بتسافر ببداية يناير مثلا 4 او 5 او 8 فيمكن تضبط
قال لان التذكرة لازم يوافقون عليها الطيار بالرياض ..
قال اذا حاب تكلمهم الحين ادق عليهم ؟ تاخذ موافقتهم .. قلت اوكي نو بربلوم شوي طالع فيني
قال شف انا بحط عالخطوط الهولندية 10 يناير .. قلت لليه مو 13 قال لا 10 عالاقل فيه امل كبير يوافقون
حجز لي .. وقال انتظر رسالة مني بالليل اذا وافقوا الرياض برسلك ايميلك .. ما وافقوا نشوفلك رحلة عالخطوط السعودية
الحمدلله قبل شوي رسلولي تذكرة الكترونية
فأنا اقول انت وحظط والموظف
لكن بشكل عام بداية يناير من واحد إلى عشرة ان شاء الله يسمحون لك خطوط غير السعودية والسبب ان الخطوط السعودية مزدححمة خلال الفترة ذي
على كلامك يا اخوي شكلي بقدم الرحله الى 4 يناير . و بروح بكره و اشوف وش يصير .
-
رد: الطيار وألزامك بالخطوط السعوديه
اقتباس:
المشاركة الأصلية كتبت بواسطة مخترع البراية
اذا بتحجزون سياحي فما فيه فرق بالنسبة لسعة المقعد بين الاماراتية او السعودية او القطرية الفرق يمكن انش او انشين بس يعني حتى ماراح تحسين بالفرق
الفرق في مقاعد البزنس لكن السعر دبل الدبل
اها .. بس برضو مافي مقارنة صدقني الانشين تفرق نفسياً
بالنسبة لبابا مو مشكلة بالبيزنس احجزلو بس فرق السعر على حسابنا الخاص صح !!
ولو كان معاه اوراق تثبت انو مسوي عملية وكدا يحجزولو لوحدو ع البيزنس على حسابهم او لا مستحيل !
شكراً لك باباتي
-
رد: الطيار وألزامك بالخطوط السعوديه
اقتباس:
المشاركة الأصلية كتبت بواسطة م/ابوعبدالعزيز
متى موعد دراستك ابراهيم الغامدي ؟
موعد دراستي طال عمرك في 28 يناير :)
والى الان ما طلعت فيزا وقبول المعهد ما بعد وصل :)
لكن الله ييسر الامور يمديني بإذن الله :)