نقاط هامة ..نقاط اعجبتني.. ولم تعجبني ..في اليوم الاول من ملتقى مبتعثي امريكا بالرياض

الله يجزاك كل الخير

وشكرا لجميع الأعضاء اللي أفادونا بمعلوماتهم ^_^

ننتظر البرنامج التاسع بجدة

بصرحه لاتعليييييييييييييق يازين السعوديه

يعطيك العافيه اخوي على التقرير ماشاءالله تصلح صحفي
بغيت اسألكم هل سلموكم كتاب عن امريكا وولاياتها
لانه العام والي قبله سلموهم كتب تعريفيه عن الدوله

نعم سلمونآ كتآب تعريفي عن البعثه لمريكآ ..

والله احترنا في الدورة يقولوا في اتفاق وبندور ناس من البرنامج متخرجين .....الخ
كيف اذا نفسه الموسى قال لا
بس اظنه كان طفشان ومن كثر مايقول ايوا في ايوا في قال لعقله خليني اقولهم لا
شكرا أخي الكريم

السلام عليكم .....

بصراحة نفسي اعرف ليه مسوين هالبهرجه

يعني مكبرين ابو السالفة وهي ما تستاهل

وبكل ساعة تمضي بالملتقى بيحسسونك بخوف اكثر

وخاصة لما يجيك الموسى ويقول اللي ما يدرس 12 ساعة باليوم

ما راح يقوم بالعمل المطلوب

وين يعني لهالدرجة راحين لسجن غوانتنامو

والا وش السالفة يا عالم افهموني

السالفة سهله بكثييييير مما تتصورون يعني اعتبر نفسك رايح ديرة من ديار السعودية

بس باختلاف مجتمع وجو

وكيف لا صار المجتمع راقي وفاهم والجو مرة حلوو

يعني اي طالب سواءا بالسعودية او برا يحتاج ترفيه

عشان ما يحس بقلق وهم

وغير كذا بعض الاسئلة بالملتقى حسيتها مرة مفيدة

وبعض الاسئلة ما ادري وش تبي بقمة الوضوح

من ناحية الدكتور الحربي وغيره برضوو

يعطونك اجابة وبعض ربع ساعة يجيب اجابة ثانية

واما بالنسبة اللي حامل يا شيخة افضلك تولدين هناك ويكون ولدك معاه القرين كارد

ولك تأمين صحي يعني كل شي مدفوع لك

ومن ناحية اللي زوجها ضابط العملية مرة سهلة تروح وتحول للولاية اللي تبيها بخطاب وينفذ غصب

بشكل عام الملتقى لا بأس وفيه بعض الاشياء الايجابية وبعض الاسئلة اللي تم توضيحها لنا

وخاصة معادلة الشهادات وبرضوو صار فيه جوانب سلبية من ناحية التخويف والتهويل ولكن ما ننسى ازعاج البنات كنهم في عرس بس اتوقع لو بالغلط يشتغل رابح رقصوو

ويتهاوشون خيييييييييييييييييييييييييييير .

وبرضو قصة خوينا صاحب الوظيفة

انت خلي في بالك تفائل يعني بترجع واكيد بتحصل وظيفة احسن بكثير بإذن الله

يا عالم الدولة تدفع بما يقارب لك مبتعث لرحلته كاملة 600 الف ريال

احمدو ربكم جتكم ببلاش

وبالاخير الله يوفق الجميع ويكتب لكم ما فيه الخير والصلاح والعافية والسعادة في الدارين

تحياتي

يعطيك العافيه اخوي
افتدنا كثيرا بس اذا كانت هذي اجابات الموسى بحتفظ بسؤالي !!!!!!!!!!!

انا صراحةُ .. بعد اليوم

من منبر منتديات مبتعث ..

أطالب بعرقلة إجراءات المبتعثة الي صجتنا بـ زوجها العسكري !!
يعني بكل محاضرة ..
سواء محاضرة عن سلامة المبتعث ..
محاضرة المخدرات ..
محاضرة الدكتور ماجد ..
محاضرة المعادلات ..

كل شوي طالعة لنا تسأل تقول .. " زوجي عسكري ومرافق وهو ماخذ اجازة ... "

يارب يسر امرها والله رحمتها وزوجها من صميم قلبي ..

يعطيك العافية اعطيتني خلفية على الي بيصرلي يوم الثلاثاء والمفروض انوا يكون بالهم اطول شوي ولاماله داعي الملتقى اذا كله نفخ واستهتار بأسئلة المبتعثين