لو سمحتووو بخصوص الوثيقه ساعدوني :((عااجل)

انا بعد مثلك بنسبه لموضوع الوثيقه
بس الي فهمته من الساده الاعضاء بلمنتدى انه الوثيقه تحتاجينه بعد ماتنقبلين بلابتعاث ويطلبونك لمطابقة الاوراق الي حسب الابتعاث بلمرحله السادسه احتمال يكون ب شهر 9 اهم شي تكوني تعرفي معدلك وهو الي تحتاجيه لتقديم بلمرحله الاولى الي هي عن طريق موقع الوزارة ..
أما بنسبه لتخصصات للمجستير والدكتوره فهي
الطب، طب الأسنان، الصيدلة، العلوم الطبية التطبيقية ( التمريض، الأشعة، العلوم الصحية، المختبرات الطبية، التقنية الطبية )، الهندسة، علوم الحاسب ، العلوم الأساسية ( الرياضيات، الفيزياء، الكيمياء, الأحياء )، تقنية النانو، القانون، المحاسبة، التأمين، المالية أو التمويل، التسويق
وهذي فقط التخصصات الي مسموح تقدمي فيها وبحسب افادة الساده الاعضاء بلمنتدى المفروض انك اتقدمين باقرب تخصص من تخصصك الاساسي واتوقع بنسبه لحالتك القانون هو الاقرب
الله يكتبلك الخير حبيبتي ويوجهلك وادعيلي اني انقبل انا تخصصي الاساسي بكلريوس اقتصاد منزلي وتربية فنيه قسم تربية فنية وكل الشرط متوفره فيني بس عندي مشكله بختيار التخصص ادعيلي

ياقلبي مكتوب في التسجيل تاريخ إصدار الوثيقه وانا ماعندي الوثيقة

يطلبون سنة التخرج بس يعني 1431 بسسسس
بس بداية رمضان تقريبا اول 10 ايام مرحلة التدقيق يطلبون منك الوثيقه او افاده من الكلية بانك متخرجه بسس

والله يعينكم .. والله يوفقكم وحنا وياكم

4 مرات قلت ( بس )
للتأكيد ...... ^_^

بيطلبون افاده من الجامعه انك متخرجه وبيطلبون كمان بس تستلمين وثيقتك توديها لهم فلا تخافي وتوكلي على رب العالمين

وان كنت انصح ( رغم اني بكالريوس بس من الي اشوفه من الجامعه ) لو تئجلين البعثه سنه

وتجلسين بالبلد تاخذين لك خبره تسهل عليك قبول الماجستير لان اغلب الجامعات القويه تطلب خبره عشان تكملي ماجستير عندهم ولاسيما الي ناوي يغير تخصصه البعض بيطلب خبره بالتخصص الي انتي ناويه تغيري له عشان يقبلوك طبعا هاي الجامعات القويه والي مفروض طموحكم يكون قدها لاتنظري وين الجامعات الي تقبلني شوفي الي ماتقبلك ليه واتحدي حالك واستوفي شروطها

بس طبعا بالاخير يعتمد على تخصصك وبالسعوديه صعب تحصلي خبره بسهوله لان اصلا الوظايف مو متوفره

طيب مو لازم يكون الإسم في الوثيقه نفس الإسم في الجواز؟

كثرت اسئله الله يعطيكم العافيه يارب

^^^

ايه اختي لازم

ان شاء الله خير ... لا تخافي لو كان صدق زي مايقولو انها راح تخلص وثائقكم في نهاية 8 كويس لانو يمديك تخلصين تصويرها واعادة تصديقها وترجمتها قبل لايجي موعد تدقيق الاوراق لان الوزارة ماراح تبداء تدقيق الاوراق الا على بداية رمضان يعني امكن 5 رمضان .
اما بخصوص التخصص اللي ان شاء الله ينفع مع تخصصك الحالي اعتقد قانون وبشكل كبير .. لكن خذي بالك ترى القانون مو سهل .
اما بخصوص مطابقة اسمك في الوثيقه مع اسمك اللي بالجواز اكيد حاجة طبيعية انها تتطابق ولازم تتطابق لانه باختصار ايش يثبت لهم بالخارج ان الوثيقه هذة هيا وثيقتك ..؟؟؟ مايعرفون الا بعد مطابقة الاسمين بالجواز والوثيقه .

اتمنى اني افدتك ... وسامحيني على القصور .

والله انا نفس الشي للحين ماسلمونا الوثائق

الله يستررر بس اخذت السجل الاكاديمي وطلعت المعدل بس مومتاكدة منه