السلام عليكم ,,
الله يعطيك العافية COWBOY على الاخبار الطيبة وان شاءالله كلنا راح ناخذ الفيزا ونطلع امريكا ان شاءالله ..
وان شاءالله قريب الفرج بإذن الله تعالى ..
ناصر الإسلام June 2nd, 2007, 10:52 PM
7 " بشرى حلوه والله يوفقكم ويسهل أموركم ...!
/ Canterbury / June 2nd, 2007, 10:54 PM
7 " يعطيك العافيه انت والوالد
BDR June 2nd, 2007, 11:21 PM
7 " مشكــور أخــوي وعلى بشـآرهـ الحلوهـ الي تريـح ....
ياللــه انا كلمـت اليوم شهـرين ياربـ الاسبـوع الجاي يدقونـ علي ورتـآح .....
ياللــه ربي يفرجهـا علينا ياشلـة ابو شهـرين ونص < لاحظو خليتها نص اذا طولت نخليهآ وثلات اربـآع ههههه
الصــ الجــريح ــوت June 2nd, 2007, 11:35 PM
7 " اخوي :COWBOY
بارك الله في الجهد الذي بذلته
وكلامك طمنا شوي في وقت (بصراحة) بدأنا فيه نقول الله يستر
من عاقبة الأمور . لدرجة اني ما احب احد يسألني
عن موضوع الابتعاث اش اللي صار فيه ؟
وربي صرت استحي كل ما يشوفني احد يقول انت ما سافرت ؟
ما ادري ايش اقول وقتها :gr_896:
السؤال بالنسبة للي ما جاه قبول هل وضعه نفس وضع اللي معاه قبول ؟
علماً بأن السبب في تأخير القبول زي ما تعرفوا هي الوزارة .
nououn6 June 2nd, 2007, 11:42 PM
7 "
June 2nd, 2007, 10:31 PM
أخواني وأخواتي جماعة أبو شهرين ( المنتظرين لاتصال السفارة ) جميعنا تفاجأنا بخبر ان برنامج الابتعاث سيقفل بعد شهر وسيمنع بعدها اصدار قرارات الابتعاث وكنا محتارين بين تصديق الخبر أو تكذيبه << خلوني اتكلم بالعامية لاني تعبتالمهم أنا يوم الاثنين والثلاثاء الماضي رحت عشان اتاكد من الموضوع انا والوالد < قالي يمكن يستحون مني لمن يشوفوني معاك
واول مارحنا لمكتب مدير الابتعاث العيسى اعتقد مدري الموسى المهم هو مدير الابتعاث الي في الدور الثاني ولقيت سكرتير وقلت له ابغى اقابل العيسى قالي هو مو موجود لكن روح للدكتور ناصر هو المسؤول عن الابتعاث وكان مكتبه لاصق جمبهم على طول ورحت له وشرحت له القصة حقت السفارة فقالي روح للدكتور ماجد الحربي وشوف ايش راح يقول لك وارجع لي المهم رحت للدكتور ماجد وكان جدا خلوق ومتعاون معنا وقلت له انك انت قلت ان البرنامج راح ينقفل قعد يضحك ويقول انا قلت الي معاهم قرار الابتعاث وماراحو <زي ما عرفنا
وقالي انه مستحيل أي طالب انقبل قبول نهائي واتاخر بسبب السفارة انه تروح عليه البعثة وقالي عادي انت اعطي السفارة وقت وباذن الله راح تطلع لك التاشيرة واول ماتجيك تعال وراح تاخذ قرارك على طول وقعد يحكيني انه عام 2003م رجع في الصيف السعودية وكان باقي على تخرجه من الدكتوراه شهر ويقول أخرته السفارة 4 شهور الين جددت له التاشيرة وبعدين راح كمل الدكتوراه وقالي اذا اتاخرت وتبغى تغير عادي تعال وانا احولك على بريطانيا او استراليا
بعدين انا مشيت من عنده ورجعت للدكتور ناصر وقلته له الي صار وقلت له اني خايف يصير الي صار مع المتعثرين العام الماضي قالي لاتخاف ومستحيل تنلغي بعثتكم
بعدين رحت لمكتب صالح الشيخ ومالقيته لكن لقيت واحد ثاني اللي مكتبه مقابل مكتب الشيخ في نفس الغرفة اسمه محمد البقمي وكان جدا طيب وقالي انه مادام عندك قبول والتاخير مو بيدك ماعندك مشكلة وقلت له طيب المتعثرين حقون العام الماضي مرو بنفس المشكلة قالي لا العام الماضي غير انت عارفهم كان اي واحد يسجل في البرنامج وينقبل لكن برنامجكم ما انقبل غير 5000 وشوي يعني محددين بالعدد وكل واحد يعتبر مقبول نهائيا في البرنامج وقالي ترى اصدار القرارات عندي انا واول ماتجيك التاشيرة تعال عندي وانا اطلع لك القرار بنفسي وانت حاول انك تراجع السفارة اول باول عشان اول ماتجيك تجي على طول
هذا الي صار معاي باختصار في الوزارة
وترى بالنسبة للوزارة انا مو مطمني كلامهم لكن احنا ذحين مانقدر نسوي شيء يعني ذحين لمن تروحون الوزارة وتقول لهم انكم رايحين تقفلون البرنامج رايح يقول لك لا حتى لو هو مو صادق ولان الشيء مستقبلي فمو معقوله نشتكي على شيء مستقبلي واحنا مو متاكدين هل هو صحيح او لا لكن اذا جبنا التاشيرة ومارضيو ذاك الوقت نقدر نشتكي ونسوي شيء خصوصا اننا اخبرناهم بالامر قبل مايصير عشان تكون عليهم حجة
وان شاء الله امورنا تتيسر ونحصل على التاشيرة كلنا وتصدر قراراتنا فورا وبدون تأخير