الدارسه على حسابه هل يمنح أمر إركاب ....؟؟

ايه لهم امر اركاب ... مثل واحد من اخوياي اخذ بس

بعد ابلشهم ابلاش

وياليت تقولنا بعدين وش صار معك لأن حنا كمان بصدد الذهاب للوزاره

وراح اخلي موضوعك ذا دليلي

يلا موفق وان شاء تأخذ الامر من اول مشاور وتلتحق بالبعثه .. هه وش رايك

اخوآني اعزآئي الاعضآء والمشآهديـن < جميييييل

رآح اقول لكم بصرآحه هالفـتره للدرآس على حسآبه لآ يعطى امـر اركآب نشبت لهم رقصت لهم مآلك امر اركآب

صحيح قبل فتـره كآنت تصرف اوآمر اركآب وذلك لآن ميزآنية الوزآره كآنت زآيده شوي

انآ ابي ادرس بآمريكآ ذهبت لآحد اقربآئي بالوزآره المرتبه( الثآلة عشـر )

قآل لي روح هنآك وانا اظمك للبعثـه قلت له وامر الاركآب قآل صعب ومآاقدر هالفتـره طبعآ بمثل مرتبته وفي الوزآره لآ يستطيع
هذآ يدل على انو مرهـ مآفي امل .. نكمـل القصـه .. بعد كذآ ذهبت بنفسي عنـد الدكتور علي العطيه ودخلت عليه وقدمت معروض

وارفقت جميع الاورآق المطلوبه من فيزآ وقبول وشهآدآت كآنت متميزه ولـم احظى بآمر اركآب .. ففي النهآيه قلت لنفسي بلآ امر اركآب بلآ خرآبيط فحجزت علي الخطوط البريطآنيه < طولت سآلفتي

الخلآصه مآ تقدر تأخذ امر اركآب وانت على حسآبك مـع العلم ان امر الاركآب مفيد جدآ حسب مآ سمعت وقرأت وقيل لي مو من نآحيه المآده من نآحيه قبول البعثه لآحقآ .. تصدقون يسمون امر الاركآب للدآرس على حسآبه قبول معلـق < ع بآلي الجسر المعلق خخخخخخ

وفقط وشكرآ وتقبلو تحيآتـي .. ^_^

والله حيرتونا ناس يقولون تقدر تاخذ وناس يقولون لا

ياليت تعطونا الخبر الاكيد

لاني بسجل بجامعه على حسابي وانا بالشرقيه وصعبه اني اروح الرياض كل شوي

بجد احترنا نريد خبر اكيد حنا بالشرقيه واذا كل يوم بروح ونجي الرياض عزالله خلصت ميزانية الدراسة

وبالنسبة لي الناس بجدة كيف ممكن تقدر تاخذ امر الاركاب ؟؟؟؟؟؟؟؟؟؟

ياليت احد يفيدنا

رحت ابي اطلع امر اركاب من الوزارة

ومن الباب قالوا لي برا مافيه

طبعا انا سافرت وانا الان في امريكا

لمن وصلنا واشنطن

قالوا المبتعثين في جهة والدارسين على حسابهم الخاص في جهة

بعد كذا قالوا لنا الدارسين على حسابهم الخاص وما عندهم امر اركاب يعبوا هذا الابلكيشن ويسلموه ويتوكلوا يرجعوا على فنادقهم

طبعا كنا في فندق دبل ثري

المهم والطلاب الدارسين على حسابهم الخاص ومعاهم امر اركاب يعبوا الابلكيشن ولا يرجعوا لفنادقهم وينتظروا عشان يإخذوا رقم صآدر للمعاملة

وبس

يقآل ان اللي معه امر ركاب يتم التحاقه بشكل اسرع وذلك بسبب انه قد فتح ملف له في الوزارة بالرياض

اما اللي ما عنده امر ركاب مثلي يفتح ملف بالملحقية ومن ثم يحول الى الرياض

هنا الفرق بين الاثنين

وفقكم ربي

وانتظروا مذكرة اقلاعي من جدة الى وصولي للمدينة اللي فيها انا الان

مشكورين ويعطيكم العافية أهل جدة لازم يروحو الرياض والا يقدمو من جدة؟؟
ياليت تفصيل في القضية؟؟

يالربع انسوا شي اسمه امر اركـــاب الى حتى اشعارً اخر

الله يسهل علينا وعليكم

يا اخوان اللي عنده خبرة او معلومة اكيدة

ان شاء الله بعد حصولي على الفيزا راح تكون اوراقي الللي معاي 1- فيزا 2- اي توني 3- شهادة الجامعه

اقدر احصل على امر اركاب اذا فتحوا المجال ؟؟ او لازم اجيب قبول جامعه لان قبول الجامعه بياخذ له وقت شوي ان راد ربي