هل قدمتوا دراسات عليا في جامعت المملكه وماذا كان الرد

بغيت اكمل قالوا مانبي خريجي كليات المعلمين .

شر البلية مايضحك وش قالوا قالوا مانبي كليات معلمين طرار ويتشرط.

الله ييسر البعثة يارب ويوفقكم اجمعين .

أخي أبو معروف تم قبولي ولله الحمد في جامعة اللإمام رغم أني خريج كلية المعلمين
ولكن بإذن الله لو تحصل لي بعثة تربية خاصة تركت الجامعة لأ الجامعات السعودية تقضل المتخرجين من جامعات عالمية

السلام عليكم ورحمة الله وبركاتة 00

قدمت على جامعة الملك عبد العزيز و ما أجتزت اختبار بديل التوفل لأنة كان صعب شوي

وقدمت على جامعة الملك سعود وللحين لا حس ولا خبر 00 والدراسة 4 سنوات للماستر وانتظام

بس بقدم على الإمام محمد بن سعود و أشوف كيف الوضع ؟!

ملاحظة / أحس إني صرت مشهورة من كثر ما أرمي أوراقي بكل جامعة وبكل مكان للتوظيف

الله يعين ويسهل كل صعب ويفتح الأبواب المقفلة

تحيتي أحتك عاطلة

الحين الي ب يقدم ماستر في جامعه الملك عبدالعزيز لازم التوفل في كل الاقسام والا اقسام معينه في جامعه ام القري ماعندنا توفل وانا الانجليزي عندي ضعيف جدا وشلون اجتاز ذا التوفل والله حوسه الله يعين بس

جامعة الملك عبد العزيز تشنرط التوفل لجميع التخصصات

السلام عليكم

انا توني متخرجه بممتاز مع مرتبه الشرف من جامعه الواسطه اقصد جامعه الملك سعود ولا افكر اقدم ماستر فيها لان القبول للماستر فيها شبه مستحيل للي مامعه واااااااااو
بس مانقول غير حسبي الله ونعم الوكيل واذا لنا نصيب بناخذه لو بعد حين

السلام عليكم ورحمة الله ,,

والله يا اختي قدمت انا بعد ماستر فجامعة الواسطااات .. الحمدلله ترشحت للاختبار اللي كان تعجيزي وصعب ونصه باللغه الانجليزيه وحمدلله حليت مرررره زين بالذات ان لغتي الانجليزيه عال العال حمدلله وترشحت للمقابله مع خمسين طالبه تقريبا .. سوا لي الدكتور مقابله وقال لي انه درجتي مرره عاليه وانه مبهور من لغتي الانجليزيه انا بعدها خلاص حطيت الماستر في جيبي .... وعشت الحلم الجميل !!

وبعدها انصدمت انه اسمي ما نزل مع المقبولين !! فعلا جامعة واسطات !! حتى بعض البنات اللي سووا لهم المقابلات كانوا يقولون مبين انهم يزحلقوننا وش اسمك وش قسمك مع السلامه مجرد اجراء روتيني وان الاسماء معتمدينها منزمان !! مانبي نظلم الكل يمكن في منهم اللي متميز .. بس ليه الدكتور علقني بأمل القبول ..

عموما الحمدلله على كل حاااال ما تحسرت ولا تحسفت فيهااا .. و ان شاء الله ربي يكرمنا بالبعثه بدل عنها ويحمدنا العاقبه ويفرحنااااا كلنا ياااارب ,,

معلومه بس : جامعات الواسطات = جامعة الملك سعود !

كيفكم اخواني و اخواتي ؟؟؟
نصيحة مني ؟؟؟ جربت و قدمت الماستر قبل كم سنة في جدة و المدينة و برة على حسابي الخاص
اترفضت من جدة عشان ما عندي واسطة و المدينة اكتفوا بالمعيدات اللي لهم 50 سنة على درجة المعيدية و توهم حيكملوا ماجستير .
المهم قدمت برة و اخذت الموافقة ( على حسابي ) و خلصت الماجستير و الحمد لله في 3 سنوات و نص و رجعت و اللي انقبلوا في نفس وقتي في جامعات جدة و المدينة الى الان ماخلصول ، و اعرف معيدة لها 11 سنة تحضر الماجستير ، فنصيحة مني كملوا برة اسرع و احسن و للسفر 7 فوائد ....معليش طولت عليكم

ماشاء الله تبارك الرحمان عليك ورده المدنيه والله يوفقك يارب
ومشكورين حبايبي علي المرور كويس انه في احد معاي يعاني من نفس مشكلتي بس الله معانا والله يوفقنا يااااااااااااارب

أناحاولت أقدم في جامعة الملك سعودماجستير وراثه بماإن تخصصي أحياء.3مرات متتاليه الثانيه صارلي ظرف وماحضرت الإختبار والأخيره إجتزت الإختبار للمقابله لكن ماقبلوني حسبي الله عليهم كانهم فعلابالواسطه مع العلم نسبتي الحمدلله ممتازه.لكن يالله إن شاء الله خيره بننقبل وندرس برى أصلا دراستهم وشهاداتهم أفضل وأقوى من دراستنا إللي لعبت فيها الواسطه...,,