هنا تجمع من ليس لهم امتداد تخصص ..

اللي يقهر حتى اني ماسجلت دبلوم ولا اختبار قدرات الجامعيين ولا سويت اي شي كل املي
إني ابتعث واني الحمدلله مستوفيه الشروط ماتوقعت التعقيد هذا أبداً ..
لكن مانقول الا ربي يحلها من عنده

والله من جد حتى انا كنت ناوية أسجل بالدبلوم واختبار الكفايات
بس الله كريم

اي الحمدلله قدرت مشكور

ياجماعة انا سجلت دبلوم تربوي في جامعة الامام بس للان ما طلعت النتايج هل يأثر تسجيلي في الدبلوم على قبولي ؟ او يعطيهم حجة للرفض !
تكفون احد يرد علي من قدمت على الدبلوم وانا متخوفه .. بس مابغيت تضيع علي الفرص من كل جهه..

ماله شغل.. ماياثر على تقديمك للابتعاث

انا سويت مثلك لا تخافي ما ياثر ابد . اذا اوراقك الرسمية و الاصلية راحت لجهه حكوميه غير الابتعاث وقتها لازم تخافي
بس بما انك ما سلمتي الاوراق الرسميه خلاص عادي بامكانك اذا طلع اسمك و طلع ترشيحك في الابتعاث تسحبي على كل مكان انتي مقدمه فيه ..

- - - مشاركة محدثة - - -

الحمدلله وصلنا 29 اسم ..
يا اخوان اذا احد ارسل اسمه و خايف اني نسيته حبيت اقوله هون عليك لان الغرض من اللسته مو يعني اقبلونا حنا بس
لا طبعا قصدنا يشوفون اننا كثيرين فقط لا اكثر ولا اقل ..

سعودي ماجيك انت الحين بامريكا ؟؟ عندي استفسار

وش الاخبار ياعلي؟ ماقابلت الحربي؟

- - - مشاركة محدثة - - -

ايه بلوس انجلوس .. تدلل يالغالي

ابد مابه جديد الحربي قالوا يمكن يجي بكره او بعده " على حسب كلام السكرتير "
ما علينا حبيت اسئلك مثل ما نعرف مرحلة الماجستير ياثر على القبول في الجامعه ان دكتور يوافق على الاشراف عليك " هذا الكلام في كندا " و يعتبر 95% من نسبة قبولك في الجامعه
الحين بامريكا عندكم نفس الطريقه لاني سمعت من شخص انه يقول لا مو محتاج موافقة مشرف

هههاي ياخوي انا معلمك وقائك كندا معقدين وصعبه.. ابد بامريكا سهالات اقولك فيه جامعات يقبلون ٥.٥ بالايلتس للتيسول واللغويات.. شفت كيف.. امريكا بالدراسه فله.. لكن مكافات كندا اعلى.. مع انه بامريكا فيه مدن رخيصه ماتصرف فيها نص مكافاتك.. زبدة الهرج اذا واثق من قدراتك روح لكندا واذا تبي شهاده مضمونه تعال لامريكا... طبعا متطلبات الماستر ١- متطلب اللغه سواء توفل او ايلتس او تجتاز مستويات المعهد ٢- gre or gmat ع حسب تخصصك ٣- الغرض من الدراسه ( ورقه تشرح فيها الغرض ) و٣ توصيات..وفيه جامعات اذا كان معدلك اعلى من ٣ ع مقياس ٤ تتنازل عن gre or gmat.. المختصر انه امريكا فيها جامعات صعبه ومتطلبات قبولها مرتفعه وفيها نص ونص وفيه مش حالك.. ابسط مثال واحد من الشباب بيدرس ماستر . كانوا طالبين ٦ ايلتس.. بس هو درس لغه سنه ونص وماجاب الا ٥.٥ ف لما راح للجامعه وعطاهم تقارير المعهد وانه درس لغه وكذا..قبلووه والان بيتخرج

^

طيب في حال قدمت على حسابي الخاص ومعي آيلتس، يعني ما أحتاج معهد لغة
أجيب للوزارة قبول الجامعة فقط؟
مع العلم إن مثلاً كان الطالب يرغب بتغيير الجامعة اللي جاب منها القبول إلى جامعة تصنيفها أعلى
لكن الجامعة ذات التصنيف العالي تطلب GRE و هذي محتاجة دورة بأمريكا !

<- يا رب الشرح واضح : )