محطة تجمع منتظرين الفيزا الأمريكية

لا يا بنت طولي بالك
إصبري شوي ، إحنا تونا بالنسبة للناس اللي هنا و لهم شهور
ع الأقل أجلي دراستك مرة
و إذا التأخير استمر لموعد الدراسة الثاني ، هنا ممكن تفكرين تغيرين الدولة ، بنقول صبرتي كثير

بس أنا و إنتي لسى مالنا إلا شهر و إسبوع
و ربي بيفرجها من عنده ❤❤❤

كانت مقابلتي في القنصلية بجده بتاريخ 12/22 الله ييسر على الجميع وتحدثت اليوم بس
يا اخوان ما جاوبتوني ايش معناة التحديث هل ممكن نصبر اسبوعين...

اذا صار تحديث يعني باذن الله فيه تقدّم

انهم ينظرون في امورك و فيزتك مو ساحبين عليك مثلنا اللي ما تحدثت حالتنا

ان شاء الله اسبوع او اسبوعين اذا امورك تمام و تكون جاهزه ؛)

الله كريم

ان شاء الله اراسل المعهد بكره و أأجل دراستي ؛"(

الله يسمع منك و ان شاء الله تتيسر امورنا

طمنيني عنك ()~

انا صار لي بالضبط شهر ويومين للحين
ولا حس ولا خبر
مع انه اوراقي كامله ووافقو ع الفيزا بسس مادري شنو السبب

رسلت لهم ايميل عشان موعد دراستي قريب وقالو انتظر واذا نبغى اوراق بنراسلك
والحين راح علي موعد دراستي وااجلتها ولا طلبو اي 20 ولا شي

مدري شنو اسوي ><"

توكل على الله تتيسر امورك


وكفى بالله وكيلا

F-1 سفاره الرياض 18 ديسمبر

الله كريم
انا 54 يوم ولاتحديث ولا هم يحزنون
واجلت الدراسه .. لاكن مالنا الا الصبر

السلام عليكم ورحمة الله وبركاته
يا ااخوان من وين السرى؟

الله يعيننا وياكم وتطلع الفيزا للجميع

ابي انقل لكم قصتي بإختصار

انا رجعت عشان اجازة الكريسمس وشوفة الإهل وسبحان الله كانت ربّ نافعة ضارّه

من وصلت طالت اعماركم والخدامة طمرت وغسلت السوت حقي وكان فيه الجواز وراح الجواز بما حمل

1 طلعت جواز بالواسطة ولعنت الخيّر
2 سجلت موعد للسفارة في تاريخ 31 ديسمبر
3 سويت المقابلة وقالت لي ديك الشقرا وين جوازك قلت راح بالغسالة وانا وجهي ضارب خمسين لون قالت لي انت خامس واحد اليوم جوازه مغسول ليش يالسعوديين؟؟ قلت بكل بياخه BECAUSE OF THE NEW YEAR HA HA HA

ضحكت هي ضحكة ماصخه مثل ضحكتي وآخر شي قالت كل شي تمام واخذت الجواز وقالت ادفع الفيديكس وموضوعك راح ياخذ من اسبوعين الي اربع اسابيع وطبعا ورقا صفرا وبحث اداري
قلت لها بس انا رحلة العودة راح تكون في 17 جانيوري ودراستي 22 قالت مو بيدي وانا رح اكتب لك ملاحظة بموعد الرحاة والدراسة قلت شكرا ودفعت فيديكس

المهم بعد اسبوعين بالضبط ارسلت لهم ايميل استفسر وانه موعد رحلتي باقي عليه يومين قالوا
معاملتك تحت البحث الاداري وعادةً ياخذ من شهر الى شهرين

عاد انا هنا جتني صدمة عصبية ونفسية وكل شي لكن الحمدلله علي كل حال
عاد أجلت الرحلة الى تاريخ 31 جانيوري يا تطلع الفيزا او أأجل سمستر << الله لا يقوله
وشيكت الفيزا ستاتوز لقيت تاريخ التحديث نفس موعد المقابلة 31 ديسمبر << هذا وانا كاتبين لي ملاحظة

المهم يا ااخوان من حالنه وموضوعه نفس موضوعي؟ وين الخمسة اللي قالت عليهم؟؟ وش صار عليهم؟؟

وهل فيه احد كانت مقابلته في 31 واستلم او تحدثت حالته؟؟

والله يسهل على الجميع

ماني حابه احبطك بس من ملاحظتي في هذا المنتدى انه اللي يطلب فيزا جديدة و هو قد درس في أمريكا يطولوا مرررره
ان شاء الله انت تكون حاله استثنائيه
انا مقابلتي كانت يوم ١٢ نوفمبر و دراستي بدأت يوم ٧ جانويري و لا حس و لا خبر عن الفيزا و التحديث يوم ١ ديسمبر
طبعاً أجلت الدراسة للصيف بالرغم عندي احساس انه ما راح يخلص قبل الصيف
الله يسهل عالجميع