موضوع الفيزا الامريكية

راسلتهم على اي ايميل ؟؟

وهل مراسلتهم بالعربي او الانجليزي

مراسلتهم باللغة الانجليزيه ويردون عليك بسرعة . تفضل الايميل(RiyadhNIV@state.gov) هذا حق السفارة اللي بالرياض

ممكن تعطيني الصيغة ولا عليك امر

صار لي 4 اسابيع ><

مافهمت عليك واذا كنت تقصد وش ارسلت لهم قلت لهم الفيزا تاخرت وانا راح تبدا دراستي بالموعد الفلاني وماابيها تتاخر ومن هالكلام بس طبعآ بالانقلش وقالو لي عطنا صورة جوازك وارسلت لهم

ان شاء الله ماتآخذ وقت وتطلع فيزتك وفيزتي
قآلوآ لي آربع آسآبيع وآللحين صآر لي شهرين و19 يوم ورآسلتهم وقآلوآ آجرآءآت آدآريه.. عليك بآلصبر يآخوي ورآسلهم كل آسبوعين

كيف كذا ؟!

انت تجاوزت ال8 اسابيع و حطيت عليها كم اسبوع

طيب ماصار على حالتك اي تحديث ؟!


انا دخلت الاسبوع الرابع بس صار تحديثين على فيزتي

انا اشوف اللي تتعدى فيزته الـ 8 اسابيع يرسلهم ايميل انه يبغى جوازه ويذكر في نفس الايميل انه له اكثر من 8 اسابيع منتظر

يمكن العالم مضيعه ملفك او مهملته ., واقصد انه يرسل انه يبغى جوازه عشان مايردون عليه بالرد الاعتيادي استنى و اجرائات وخرابيط

لا خلهم يفتشون عن ملفك وجوازك وخلهم يرسلونه لك عادي بعدين ترجعه لهم بالفيديكس بس المهم انك تحرك ملفك

طبعا هذا رآي شخصي لاينم لا عن تجربه ولا عن خبره ولا اي شيء بس انا اشوف ان الواحد لا يجلس منتظر كذا لا اسعى باللي تقدر عليه

والله ييسر امورنا و اموركم و يرزقنا من كل خير

والله فيزتي لو انها تطريز بالذهب كان طلعت ووصلتني !
ما اقول غير رضينا بالهم والهم مارضي فينا

حسبي الله عليهم .. انا اليوم كملت شهرين ميلادية بالضبط !! من 3 ديسمبر الى 3 فبراير .. يعني شهرين ميلادية + يوم واحد .. وكل ما راسلتهم قالوا اجرائات ادارية !!

آخر رسالة أرسلتها قلت ترا باقي على دراستي 26 يوم .. أأجّلها ولا فيه أمل تصدرونها خلال العشرين يوم الجاية ؟ وقلت بالرسالة .. لا تعطيني الرد الآلي لو سمحت ولا تعطيني رابط التحقق من حالة الفيزا لأني كل يوم أدخل أشيّك .. وللأسف در علي الرد الاعتيادي اللي هو " فيزتك تحت الاجرائات الادارية ومش ممكن نقول لك متى بتخلص " !! .. وبالنسبة للتحديث ماصار شيء نفس يوم المقابلة 3 ديسمبر .. يارب عجل بالفيزا دراستي 27 فبراير