كم سؤال عن الفيزا

هل من مجيب ؟؟؟؟؟

وعليكم السلام
حياك اخوي والله انت شكلك ناويها من اسئلتك انك تروح هناك ولا ترجع الا للضروره
شوف اعطيك هيا باختصار وشي بإذن الله يفيدك واعتبرها نصيحه من اخوك الكبير
وكأني جالس اقرأ افكارك وانت ايش ناوي عليه لان واضح من كلامك عندك نيه بشي
وبنفس الوقت متخوف ومتلخبط لأن الفكره جاتك الحين يا منك يا من اصدقائك
المهم
الحين خلص من الثانويه واكسب الشهادة بيدك وحاول يكون معدلك كويس عشان يساعدك للخطوات الجايه
اولها انك تقدم على البعثه وإذا ما جتك .. تكون مجهز نفسك على الخطوه الثانيه دام عندك احد يصرف عليك
وتجيب لك قبول بالايتونتي من المعهد اللي اتفقت معاه وبعدها تدفع رسوم السيفيس 200 دولار
وتدفع رسوم المقابله في السفاره 608 ريال وتجهز كل اوراقك منها كشف الحساب والشهادة البنكيه والايتوني والسيفيس والجواز وصوره شخصيه 5*5
واي اوراق داعمه ممكن تفيدك في اقناع القنصل بالسفر وتقوله انه طالع دراسه وبتكمل الجامعه هناك وبعدها تحول على البعثه وبس
توكل على الله وبإذن الله موفق

نجي نفسر شوي اللي براسك
شوف بتروح تدرس هناك وعلى مصاريف اهلك بتكون نظامي ويكون وقت تواجدك هناك على حسب الفيزا اللي اعطاك هي القنصل
سوا كانت على حسب اللي مكتوب من المهعد 6 شهور او سنه او اكثر هذا يرجع له
ولو جلست بعد هذه المده وانتهت فيزتك وانت هناك هذا الشي بيخليك متواجد هناك بشكل غير نظامي في البلد
وهذا الشي بيعرضك لمسائل قانونيه انت في غنا عنها انت ايش نيتك هل بتروح وترجع او انك بتروح وإذا انتهت فيزتك ما راح ترجع
يعني عندك نيه تستقر هناك وتترك بلدك او عندك نيه للرجوع ؟

جزاك الله خير
لو تبي الصراحة لو اروح مرة وحدة ولا ارجع ابد لا لضرورة ولا لشي مافيه مشكلة
تفكيري هو بدون رجعة

كنت حاس ان هذا اللي في خاطرك
اول شي استخير وإذا كنت من ابناء هذا الوطن
والحمدلله عيشتك تمام فلا تفكر بانك تضيع نفسك هناك
وبنفس الوقت فكر في مستقبلك وكمل دراستك
وهذه الامور ما يبغالها استعجال ابدا
الفكره جات ببالك وعلى طول تبي تنفذها
لدرجه ما فكرت في شهادتك الثانويه وانت باقي لك سنه وما انتهيت
انا مقصدي عندك وقت لين تخلص الثانويه ويكون هدفك واضح
وتسوي تخطيط لاسوء الاحتمالات لا تتوقع ان اللي يروح هناك راح يكون سعيد
ابدا شيلها من راسك إذا الامريكان نفسهم يتشكون يعني لا يغرك اللي تشوفه في التلفزيون
والله يا اخي الكريم ما يحوج الانسان يروح هناك الا لو تقفلت بوجهه كل السبل وكل الطرق
بعدها يخلي السفر او الهجره هي من الاسباب اللي خلاص ما عد لقى حلول هنا ويبغى النجاه
انت لسه في هذا العمر الوقت طووووووويل بالنسبه لك

ابيك تحدد 3 امور قبل هذه الخطوه دامها وصلت بدون رجوع
س : هل والديك موافقين على سفرك ؟
س : هل عندك احد هناك يكون سند لك باول الطريق ؟
س : هل ستتخلى عن موطنك وانت متأكد بإنك لن تعود له ؟

اجلس مع نفسك وخذ القرار الصح واستخير وتوكل على الله