مشكلتي عويصه ارجوا المساعده يا شباب

السلام عليكم ورحمة الله ..
اخواني بخش بالموضوع مباشرة لانه يعلم الله كيف قافله بوجهي الان ..
مع اني ما طلعت لامريكا الا حب وعشق للعلوم لكن سبحان الله عيت تضبط معي الامور ..
انا لي اربعة اشهر و انا في امريكا ..
لكن الى الان مافتحت ملف دارس على حسابه الخاص ..
فأنا كنت ادرس بمنطقه سيئة حيث المعهد بعيد جداً عن السكن ولا اجد مواصلات ابداً ..
فاذا بغيت ادرس لازم اروح مع بعض الزملاء السعوديين و اذا غابوا لازم اغيب معهم ..
بالاخير تاكدت اني ما راح انجح بسبب الغياب و فعلاً رسبت ..
ثم جاء السمستر الثاني .. و مادفعت لهم فلوس لاني قررت اغير المدينه اللي انا فيها فطلعت لمدينه جميله مليانه مواصلات ..
و غيرت الايتوني و ضبّطت كل الامور من هالناحية ..
يعني راح ابدا من جديد بالمعهد هذا ..
و الحمدلله حطني بالمستوى الثالث ..

هذي القصه كلها قلتها عشان تكونون بالصوره ..
اما مشكلتي فهذي هي ..

انا إلى الان ما فتحت ملف دارس على حسابه الخاص
ليه ؟
لاني ما عندي قبول بكلوريوس ..
طلب لي خويي قبول من الجامعه حقت معهدي القديم و ساحبين علي ما ردوا إلى الان ..
و الان يا اخوان كلمت قريب لي بالتعليم العالي قال ما عليك امورك تمام بس يبيلك قبول جامعه ...
لكن ما اعرف كيف
علماً اني شهادتي ثانوي علمي و نسبتي 90 بالمئة ،،
طبعاً انا جاي لأمريكا والله مو عشان استانس او كذا .. انا جاي لاني حلمي ادرس تخصص الاحياء ثم علم الجينات لاني اموت بهذا التخصص واقرأ فيه كثير ..
و الخيار الثاني لي طبعاً فيزياء او هندسة نوويه .. هالتخصصين اموت فيهن ..

طبعاً انا جايب بالاحياء 98 بالثانوي
و الفيزياء 96
فيا اخوان ياليت تساعدوني ..
انا ما اعرف اجيب قبول و لو جبت قبول راح اقدر افتح ملف دارس على حسابه الخاص ثم انظم ...
فحالتي الماديه رديئة جداً هنا ..

و شكراً لك ..

ملاحظه : انا ابغى قبول جامعه مشروط يعني بشرط اني اجيب توفل او ايتلس ..
و بنفس الوقت ابي ادرس بالمعهد اللي انا فيه لانه رخيص ..
ما اقدر اغيره لين التحق

هذي كل القصه و آسف احس اني لخبطتكم بس كنت افكر معكم بصوت عالي