رد: | . . مـتـابـعة طـلـبات الإلحاق لدى الوزارة . . | (3)
اقتباس:
المشاركة الأصلية كتبت بواسطة beadro
MVR - متابعات
كشفت مصادر خاصة أن الأولوية في التقديم على المرحلة الثالثة من ببرنامج خادم الحرمين الشريفين للابتعاث ستكون للطلاب الدارسين على حسابهم الخاص، عبر مبادرة أطلقها وزير التعليم الدكتور عزام الدخيّل تحت وسم #وظيفتك_وبعثتك.
وأوضحت المصادر أن الأفضلية للدارسين على حسابهم الخاص بسبب قطعهم شوطا كبيرا في مرحلة اللغة وهو ما يعد أبرز العوامل التي تركز عليها الجهات والمؤسسات التي وقعت اتفاقيات مع وزارة التعليم بهذا الشأن.
وأشارت المصادر إلى أن البرنامج سيشمل الدبلوم بعد الثانوية العامة وبكالوريوس وغيرها من المراحل، مما يعني أنه سيكون هناك فرص عديدة وبشروط متفاوتة للدارسين للتقديم على البرنامج.
يأتي ذلك في ظل مطالبة الدارسين على حسابهم الخاص ضمن برنامج الابتعاث التابع لوزارة التعليم، بإلحاقهم ببرنامج خادم الحرمين الشريفين.
يشار الى أن التقديم لبرنامج خادم الحرمين للابتعاث، المرحلة الثالثة، سيبدأ التقديم له في العاشر من رمضان من داخل المملكة وخارجها، وفقاً لما نشرته صحيفة "الوئام".
مالقيت الخبر في صحيفة الوئام. ممكن تحط رابط الصفحة
رد: | . . مـتـابـعة طـلـبات الإلحاق لدى الوزارة . . | (3)
اقتباس:
المشاركة الأصلية كتبت بواسطة wjdy
مالقيت الخبر في صحيفة الوئام. ممكن تحط رابط الصفحة
http://www.alweeam.com.sa/340972/%D9...8%D8%B1%D9%86/
رد: | . . مـتـابـعة طـلـبات الإلحاق لدى الوزارة . . | (3)
اقتباس:
المشاركة الأصلية كتبت بواسطة alibaqi
طيب في احد جاب ال30 ساعة وانضم هالفترة؟
لا
كله كلام فاضي
رد: | . . مـتـابـعة طـلـبات الإلحاق لدى الوزارة . . | (3)
اقتباس:
المشاركة الأصلية كتبت بواسطة hhh2542
باين انهم قالو لعزام ليش ماخليتهم يدخلون في المكرمة وان خطتك حقت الفصلين ماحلت المشكلة وعقدتها اكثر
هو راح قالهم خلاص اعمل لهم حل ممتاز وهو وظيفتك بعثتك هذي احسن لهم وبنفس الوقت افككم منهم ومن صجتهم
وشوف كيف الله اعلم اقنعهم بمشروعه الخطير ذا
#وظيفتك بعثتك وانه بيخلينا ندرس تصليح قطارات وطيران وتصنيع عسكري وحركات ومفاعلات ذرية وكلها 5 سنين وحنا ننافس فرنسا والمانيا
وبكذا يكون شتت موضوعنا ودفنه بغير رجعه لانه يدري ان ماحد بيجلس ينتظر اكثر من كذا والناس بتمل وترجع
لكن الوعد في الرياض ياعزام في ديوان الملك وديوان المظالم وفي الاعلام ماظن الناس بتسكت عنك
اما ان يصدر امر ملكي صريح وينهي هذي المهزلة ومماطلات عزام وتصريفاته فينا
ولا مافي فايدة
وباين ان هذا هو الحل المقصود الي يقولون عنه انه قريب الي هو وظيفتك بعثتك وان مافي امل نلتحق دام ذا هو وزير التعليم
على قولة كاتب في جريدة الشرق يوم قال عنه (وضع نفسه فلتر للاوامر الملكية)
ماقول الا الله ينتقم منه هذا الانسان مستقعد لنا قعدة وحالف ان ماننظم وانه فوقها يبهدلنا
رد: | . . مـتـابـعة طـلـبات الإلحاق لدى الوزارة . . | (3)
اقتباس:
المشاركة الأصلية كتبت بواسطة abo___sultan
انت ذكي لو كان الشعب كله مثلك وربي ناخذ خشوما طرق من ورى خشم عزام وظهره
لكن لاتنسى ترانا متوكلين على الله سبحانه
والله الشخص هذا ادعي دعاوي كل يوم يحبها قلبك
ولاتطلب الملك تراه عبد عند الله سبحانه اطلب ملك الملوك سبحانه
وعندي قناعه حقي لو ماجا الحين بيجي بعدين افضل واحسن لانه من كريم سبحانه(ولانها مهي مكرمه من عبد من عباد الله مقصقصه لين داخت)
بعض الاشيا من الافضل يطلق عليها (م ل ع نه) وليست م ك ر مـه
هههه الله يستر مادري قصدك صحيح ذكي ولاتمسخر
الموضوع ياغالي باين انه خطوات ارتجالية فوضوية بدون دراسة هذا لو ماكنت كلها تمثيل وكلام في الهوا حتى يضيع سالفتنا
وحتى في تويتر كثير منتبهين لحركته ذي
صدقني اغلب الناس فاهمين انها تصريفة
طيب اقلها رح شغل المتخرجين من الجامعات السعودية او الخارجية ليش لازم تبتعثهم تالي توظفهم وش الحكمة هنا
كل البعثات الي قالها في خريجين جاهزين عندهم تخصصات تناسب اتفاقياته واولها التخصصات الهندسية بجميع فروعها
لو انه فعلا صادق السالفة كلها اعلانات ويجونه ويعطيهم دورات على كمن شهر حق الوظايف الي يبونها ويوظفهم بدون هالزحمة الي مسويها على فاضي
اساسا لو في الحقيقه عنده هذي الامكانيات كان انحلت ازمة البطالة خلال شهور
الا اذا كانت الجهات الي تعاقد معهاعزام هم نفسهم مايدرون عن حجم احتياجهم من الوظايف هذي مشكلة اكبر واعظم
رد: | . . مـتـابـعة طـلـبات الإلحاق لدى الوزارة . . | (3)
اصلا الدولة بتكون متضررة لو رجعوا 15 الف عاطل وربي ندوام كلنا في الوزارة الين ناخذ حقنا كامل
رد: | . . مـتـابـعة طـلـبات الإلحاق لدى الوزارة . . | (3)
كذا الكلام ولا بلاش بس انا ساكن في جدة راح اوكل واحد بدالي
1 مرفق
رد: | . . مـتـابـعة طـلـبات الإلحاق لدى الوزارة . . | (3)
ههههههههه
مو هذي الي يسمونها وضعية صورني ونا مدري
طيب ياخي حتى حنا محطمين تعال صور معنا وابعث فينا روح الامل
رد: | . . مـتـابـعة طـلـبات الإلحاق لدى الوزارة . . | (3)
هههههههههههههه
ما ادري كيف يجيه نوم و الآف الطلبة منتظرين رد منه.!!
رد: | . . مـتـابـعة طـلـبات الإلحاق لدى الوزارة . . | (3)
بعثتك وضيفتك للأسف كثيرين متأملين فيها وانا متأكد ان شروطها ماراح تنطبق على اكثر من ٥٠٪ من طلاب اللغه ، الاخبار الي تطلع اغلبها تخديرات موضعيه لين يضيع حقنا .
بالنسبه حق السمسترين او الي وصفوها بمكرمة على حسب تعبيرهم الضاهر انها راح تبدي مع بدايه الخريف حسب كلام الملحقيه ، وفي النهايه احب اقول لا الملحقيه تصدق ولا الوزارة تصدق بس الواحد يحاول يكون بالسيف سايد بقد مايقدر حق يسلم من هل قرارات الهمجيه والجائرة