عرض للطباعة
السلام عليكم
اشكر الجميع على ما يقومون به من مساعده وايضاحات لزملائهم
انا موظف حكومي ومن شرط الدراسه على الحساب الخاص الإجازه الدراسيه من العمل..
فمتى يجب إحضار الإجازه الدراسيه؟؟
لان ما شفت خانه للإجازه الدراسيه في نموذج الطلب اللي في البدايه.!! فيه خانه نموذج الدراسه للموفدين للخارج ,, وانا طبعاً موظف بالسعوديه وليس موفد بالخارج إلا اذا كانو يقصدون كل الموظفين!!!!!
والا يطلبونها مرحلة التدقيق؟؟!!!!
ياليت اللي قدم قبل كذا يعلمنا
الاجازة تحتاجها بشدة وقت طلب الالتحاق لأنه السيستم في الوزارة مرتبط بالخدمة المدنية
تقصد وقت تعبئة النموذج على موقع الوزاره؟؟اقتباس:
المشاركة الأصلية كتبت بواسطة مهارات التفكير
وفي اي خانه ارفق الاجازه؟
الاجازه الدراسيه صعب تحصل عليها لان لها شروط معقده حسب وزارتك وشروطها
بما اني موظفه و حصلت على اجازه دراسيه راح اجاوبك
عملي ما اعطاني الاجازه الدراسيه الا بقبول المعهد و الجامعه وطبعا محدد فيها وقت بدء الدراسه
و بنموذج الاجازه الدراسيه من العمل يذكر فيه تاريخ بدء الاجازه الي هو يبدا بتاريخ بدء الدراسه
فانت اول شي لازم تحصل ورقة الاجازه الدراسيه عشان تقدم على وزارة التعليم بطلب الدراسه على الحساب الخاص لانه من الشروط الاجازه الدراسيه
من ناحية صعوبة و سهولة الاجازه الدراسيه ما اتوقع انها صعبه ان شاء الله اذا كانت دائرة حكوميه
خصوصا انك بتطلع تدرس على حسابك الخاص ماراح تطلب من عملك يبعثك للدراسه وتراها اجازه بدون راتب
انا ولله الحمد ما واجهت أي مشكله في الاجازه الدراسيه اهم شي عندهم اني اطلع بتخصص يفيد مجال عملي
نصيحتي لك حاول تنسق كل شي بوقته الصح ولاتضغط نفسك بوقت ضيق من ناحية الوقت وتجيب قبول معهد وجامعه والفيزا متى تطلعها وبداية الدراسه متى تبدا ومتى تقدم ع التعليم العالي الملتقى الجاي يعني حط كل شي بالحسبان ورتب امورك مزبوط ( انا بدت اجازتي الدراسيه بعيد الفطر والملتقى نكبني وطلبت تغيير القبولات من جديد وامور كثيره حوستني ) والله يوفقك
شكرا للجميع لكن اللي ابي اسأل عنه ولا احد جاوبني بالضبط..
وهو متى أحضر ورقة الإجازه؟؟؟
وقت المطابقه؟؟ والا وقت التقديم عن طريق البوابه؟؟؟
وقت التقديم عن طريق البوابه في أيقونة لاجازة الموظف
اقتباس:
المشاركة الأصلية كتبت بواسطة sniper_11
عند التقديم طلب الدراسه ع الحساب الخاص ترفعه من ضمن الطلبات وعند تدقيق الاوراق
موفق ان شاءالله
شكرا للجميع ما قصرتوا اخواني واخواتي
اهلين اخوي انا مثلك موظف حكومي وياليتني مو موظف حكومي والله عقدوني العمل وصارت مشاكل مع المدير وتهاوشت معهم وصراخ وياهم
من نصيحتي لك من الي مريت فيه اول شي شوف ايش شروط وزارتك بالاجازة واعتقد شروطهم وحده ، ليه لانهم يرجعون الى الخدمة المدنيه
لازم توفر قبول الجامعه ولا يكون معترف فيه تاخذ خطاب من عملك مسجل اسمك و اسم الدوله الي راح تبتعث لها واسم الجامعه والتخصص وترسله وزارة التعليم العالي بالرياض عشان يردون لك بالافادة
خلها ع ربك انا محتاس مرتين حجزت والغيت الحجز خساره يمكن حول 3000 ريال مرتين حجزت وخصم حول 75$ وحجزت الطيران في امريكا 335$ واجلتها وقت ثاني 200$ يعني خسااااااااااااااااره
من تجربتي اول شي شوف ايش الشروط كلم وزارتك او الادارة عندكم
اهلين ..اقتباس:
المشاركة الأصلية كتبت بواسطة مهارات التفكير
اختي متأكده انها مرتبطه بالخدمة المدنيه ، مو الاحوال لان الاحوال من عندها تعديل المهنه
جزاك الله خير أخوي والله يعيناقتباس:
المشاركة الأصلية كتبت بواسطة BOMRSSI
أنا راح اطلب الإجازه من العمل والله أعلم عنهم يوافقون وألا لاء... المشكله صار كل شيء واسطات ولو كان عندي واسطه كان طلعت على حساب العمل من زمان بدل ماهو على حسابي..
لكن اللي يهونها ويخليني متفائل بأنهم يوافقون أنها على حسابي ولا يصرفون ولا شيء...
بالنسبه للشروط.. المشكله اللي اواجهها ويواجهها كل طالب دكتوراه ,, هو اني بطلع ادرس دكتوراه إن شاء الله لكن المشكله ان مافيه جامعه تعطي قبول للدكتوراه حتى اي قبول مشروط.. لازم اول شيء تجيب اللغه والمتطلبات اللي معها مثل الـ GRE, واللغه طالبين معدل عالي في التوفل ولازم ادرس سنه لغه.. فما عندي غير قبول المعهد..
تتوقع تمشي بقبول المعهد؟؟؟
ربي ييسر الأمر..
شوف اخوي طيب عندي لك حل انت قدم ع اجازة استثنائيه ، ارفع خطاب ارغب بمنحي اجازة ... ولذك لظروف عائليه خاصه .. ولكم تحياتي كذا ،اقتباس:
المشاركة الأصلية كتبت بواسطة sniper_11
واذا وافق الوزير عليها سافر وجرب الاوضاع << طبعا انت مقدم ع معهد عشان تطلع فيزا... والخ بعدها وفور القبول اذا رحت بلد الدراسه وكل شي
طبعا لازم تعرف ايش الشروط ،، انت اسال شؤون الموظفين بالوزارة ايش شروط الاجازة الاستثنائيه فقط
اخوي افهم من كلامك انت مرتبتك اعلى من السادسه صح ولا انا غلطان
اذا اعلى من 6 تقدر تبتعث من قبل العمل اما اقل ما تقدر
نقطه مهمه نسيت اذكرها
عملي طلب مني القبولات مصدقه من الملحق الثقافي في البلد
من ناحية متى تحتاج ورقة الاجازه فانت تقدر تطلع الورقه بدري قبل وقت الدراسه و وقت الاجازه الفعلي عشان وزارة التعليم العالي
يعني انا ورقة اجازتي سويتها قبل الاجازه بحوالي ثلاث اسابيع و محدد فيها تاريخ بدء الاجازه و رفعتها للتعليم العالي
من ناحية تقدم على اجازه استثنائيه فلازم تعرف ان التعليم العالي ما يقبل الاجازه الاستثنائيه .. يعني ماراح تحصل الحاق الا باجازه دراسيه الان
بارك الله فيك اختي دانا..اقتباس:
المشاركة الأصلية كتبت بواسطة dana_
حبيت استفسر هل الإجازه لازم تكون من الوزارة اللي تابع لها؟ والا من المدير المباشر تمشي؟؟
وكم مدة الأجازه ؟؟ هل مكتوب إجازه دراسيه تبدأ بتاريخ كذا لدراسة البكالوريوس/ الماستر/ الدكتوراه؟؟ والا لمدة أربع /ستنتين /خمس سنوات ؟؟
وشكراااااا
اخوي اتوقع على حسب وزارتك انا تبع وزارة التربيه و التعليماقتباس:
المشاركة الأصلية كتبت بواسطة sniper_11
من ناحيتي موافقة المدير المباشر مو مهمه فيها ولا هي شرط رغم انه لازم يوقع على الورقه لكن شكليا فقط مو من حقه يرفض
انما الموافقه الاساسيه تكون من الوزاره
بوزارتنا يطلبون المؤهل الدراسي الحاصل عليه
قبولات للغه والتخصص معترف بها من وزارة التعليم العالي و مصدقه من الملحق الثقافي و ترجمتها
ايضا نموذج الاجازه الدراسيه و نموذج تعهد اوقع عليه و توقيع المدير المباشر عليه
ايضا تقييم الاداء الوظيفي لاخر سنتين
ايضا يشرطون ان التخصص يفيد مجال العمل رغم اني حسيتهم يوافقون على أي تخصص
والدعوه سهالات عندهم ولله الحمد بنفس اليوم الي جمعت فيه الاوراق المطلوبه وقدمتها وقعوا لي الاجازه
مطلوب ايضا بيان خدمه و رغم كذا ماطلبوه مني وماشافوه
ومدة الاجازه بمدة الدراسه و بالنموذج الموجود بوزارتنا احدد بأي يوم تبدا و تنتهي
اوراق القبول المعهد و الجامعه موضح فيها تاريخ بداية و نهاية الدراسه
و هذا مطلوب بنموذج الاجازه من الوزاره احدد تاريخ بداية الدراسه و تاريخ نهايتها بناء على اوراق القبول و ايضا احدد المده الاجماليه ثلاث سنوات سنتين كذا يعني
و بعد الموافقه على الاجازه اعطوني القرار محسوب فيه مدة الدراسه بالايام
وبعد كذا قدم قرار الاجازه مع بقية اوراقك للتعليم العالي عشان تطلب موافقه للدراسه على الحساب الخاص
انا قدمتها و سافرت قبل تصدر الموافقه و مازلت بانتظارها
وبالتوفيق يارب
شكرا دانا على الممعلومات ما قصرتياقتباس:
المشاركة الأصلية كتبت بواسطة dana_
معلومات مهمه
بارك الله فيكم