ماستر علوم حاسب .. والفائدة للجميع

نعم وعقبه كبيره بعد ..
لكن حقيقه الموضوع يعتمد على { وش البروقرام اللي دخلته ٫ في اي جامعه دخلت ٫ منهو السوبرفايزر حقك }
والسهوله والصعوبه تختلف باختلاف المعايير اعلاه ( البروقرام ٫ الجامعه ٫ السوبرفايزر )

الاختلاف كبير يا عزيزي و كبير جداً

انت ما عندك و لا خلفية في الحاسب ، و فجأة قررت تدرسه ماستر

يعني حتى يمكن منت عارف وش راح تدرس ، ذكرتني ايام دخلت التحضيري اتوقع بيدرسوني كيف اصير محترف بالبرامج خخخ

على العموم لازم تطلع لو بسيط على انظمة التشغيل و انظمة المعلومات و هندسة البرمجيات و الشبكات و قواعد البيانات و لغات البرمجة و المترجمات و الامن بشكل عام سواءاً امن نظم معلومات او امن شبكات او امن حاسبات إلخ إلخ ...

لازم تعرف اللي فوق علشان تحدد وش راح تتخصص تخصص دقيق

ايضاً الجامعة تختلف طبعاً ، الجامعات القوية تطلب اختبار جي ار اي و قبولاتها صعبه و دراستها شديده جداً و كلها ابحاث

و فيه جامعات وسط ما تطلب غير لغة و ابحاثها معقوله

علوم الحاسب هذا تخصصي بصراحه كانت بدايته شوي ثقيله واغلب الدراسه رياضيات انجليزي طبعا بس مع المذاكره اول بأول
وكثرة القراءه والشرح الكويس مشيت واذا صعبت علي اي نقطه اروح للدكتوره استفسر لحد ماتدخل في مخي

نصيحتي
لاتحط في بالك انه شي صعب او سهل اهم شي ركز كثير لانه اي دجه تروح فيها خاصه انه مترابط في بعضه مثلا لودخلت في محاضرت
الهندسه بيقولك الدكتور مثل مااخذتو في محاضرت الرياضيات او البرمجه وهكذا يعني مترابط جدا

وفي الاخير بلتوفيق وشد حيلك والله يفتحها في وجهك

توكل ع الله وروح اقلها تاخذ لغة

ما فيه شي مستحيل

بس يبغى لك تشد حيلك لانها راح تكون فيه مواد كثيره متطلبة للدخول لبرنامج ماجستير علوم الحاسب


بالتوفيق لك اخوي

خل نكون واقعيين وصريحين وبعيدين عن المجاملات - لاننا نتكلم عن مستقبل كل قارء مهتم

هل تعتقد انه بامكان خريج الحاسب ان يدرس ماجستير طب من غير ما ياخذ بكالوريوس طب ( مستحيــــــــــل )

نفس الحاجه مع ماجستير الحاسب والهندسة والرياضيات والكيمياء وغيرها من التخصصات العلميه بعكس ماجستير الادارة اللي ممكن يدرسها اي حامل بكالوريوس حتى لو كان معاه بكالوريوس تربية بدنية

مو صعب عليك انك تاخذ ماستر علوم حاسب - لكن اعرف ان المدة راح تطول ( لانك راح تحتاج تدرس مواد علوم الحاسب اللي تأهلك انك تدرس ماستر علوم حاسب)

كل مادة من مواد ماجستير علوم الحاسب تطلب مجموعه من مواد الحاسب تكون دارسها في البكالوريوس
فاتوقع راح يكون طول برنامج الماستر عندك 4 سنوات لانك راح تدرس مواد بكالوريوس كثيير

بعطيك مثال
فيه مادة في ماجستير علوم الحاسب اسمها
Advanced Network and Data Communications
هذي المادة علشان تدرسها لازم تكون دارس ماده اسمها
Networking
وعلشان تدرس الماده هذي لازم تكون دارس مادة اسمها
Operating System
وعلشان تدرس المادة هذي لازم تكون دارس مادتين اسمهم
Data Strucutre و Computer Organization
وعلشان تدرس المادتين هذي لازم تكون دارس مادة اسمها
Programming in Java or Cpp

انا ما احب احطمك بس هذا مثال واقعي عن مواد ماستر علوم حاسب ( يعني بين قوسين لازم يكون معاك بكالوريوس علوم حاسب او شيء قريب منه )

الله يوفقك اخوي بالتخصص اللي فيه خيره لك في حياتك كلها

طيب واللي معاه بكالوريوس .. رياضيات تربوي .. { يمشي في " تخصص علوم حاسب أو نظم معلومات " }